Accueil
Envoyer à un ami
Version imprimable
Partager

U Cunsigliu Generale in cuppa di u mondu di i trafficoni

Avemu amparatu chì a scruccuneria di a DDISS hè ligata à una rete internaziunale di tràffichi è di manghjerie. Et qui on est ?



U Cunsigliu Generale in cuppa di u mondu di i trafficoni
Corse-Matin intitulava marti un articulu cusì : La Haute-Corse cible d'un système de blanchiment international... ùn vi pare nunda ?

U nostru caru è bravu Cunsigliu Generale si ritrova à un centru d'una manghjeria di quelle maiò. Voi cridiate chì à u CG2B si cuntentavanu di piccule scruccunerie, di picculi eletti in di u "milieu rural" chì trovanu qualchì piccula piazza à i so elettori, chì danu qualchì suvvenzione à diritta è à manca è chì ogni tantu tràfficheghjanu appena e so elezzioni à colpi di false precure.

Solu appena di pulitichella, di clientelisimu è appena di froda... Nunda di strasordinariu.

Pensate ! U CG2B si ritrova à u centru d'una manghjeria di livellu internaziunale ! Iè, ancu megliu ch'è a Champion's League. O ghjente, et qui on est ?!?

Ùn si parla micca solu di u catramu di a strada di Linguizzetta è di u rond-point di Casamozza.

Sapete, u kit di a DDISS, cun preservativi è brumisateurs à 300.000 euros ? Vi face pò esse ride, ma a scruccuneria hè PLANETARIA ! Iè ! Si parla di ramificazioni in Svizzera, in Florida, Italia, Lussemburgu !

Fidighjate sta carta magnifica.

Hè appena cum'è si Bastia s'era qualificatu pè a Cuppa di u Mondu di i trafficoni, cun Tony Montana, Al Capone, Joe Pesci, Keyser Söze, Bernardo Provenzano, Pablo Escobar è unepochi di russii.

Ùn ci cridite micca ? Basta à leghje a stampa. La Provence scrive : Le business tentaculaire des parrains marseillais.

Tuttu hè partutu da l'arrestazione di i fratelli Campanella è di Bernard Barresi, pistellu marsegliese di i trafficoni chì avia a so villà in... Calinzana. È siguramente chì d'altre surprese sò à vene.

Sinnò, u Secours Catholique arresgistreghja quist'annu 1 275 poveri in più in Corsica. Et qui on est ?

u 23 di Nuvembre 2010
Plasticu Bertrand



1.mandatu da appinzapalu u 24/11/2010 01:17
quessu u kit hè diventatu collector

Brumisateurs et piluliers pour les personnes âgées. Éthylotests et préservatifs pour des campagnes de prévention. Ces produits de santé publique achetés par le conseil général de Haute-Corse ont coûté cher - très cher - à la collectivité départementale.

ancu eiu ne vogliu unu!!!

2.mandatu da anto u 24/11/2010 06:54
Assai piu forte che E Woerth chi a scrucunatu solamentè pè u so partitu ,a manca un vulia esse daretu a l'altri .Pè i preservativi hannu avutu l'appoghju di Benedettu chi hè d'accunsentu pè impiegharli (ma micca in tutte l'ocasioni ).
Ava si pone u prublèmu :chi hè rispunsèvulè?? ,sicuramente micca u prisidente ....ramentatevi a Fabius :"responsable mais pas coupable "

3.mandatu da cernobilu u 24/11/2010 09:35
O Antò, ùn ci hè nè rispunsevule nè culpevule ingiru à st'omi chì si sò tramutati da Bastia à Aiacciu. Cercu piuttostu versu e penne (les stylos) ch'ùn sanu più ciò ch'elli facenu. "Delegazione di firme" (délégation de signature ...), è basta ...

4.mandatu da bic u 24/11/2010 13:35
hè vera o cernobilu, a me mi pari assai tremendu, che l'idea d'emancipazione sia ghjunta anchu inde i capuccini di i stilo... pà u populu corsu s'aspitterà torna a pena. A listessu tempu u presidente Giacobbi s'inzerga contra i camera di france 3 corsica. "c'est tres grave de par ler de systeme Giacobbi e cetera..." mà un n'ha palisatu nunda nanta i stilo di u consigliu generale. li ghjunghjerà a "pena" in capu?

5.mandatu da Di Corscia nativu..... u 24/11/2010 14:44
Un avete che cù Paul-Emploi...è Natali averà fattu meiu... è i manghjunalisti di qui è di

qualà...MPA ; cuncolta è ancu PNC....(mà dinù Inseme di qui à qualch'anni)....

i CORSI volenu manghjà dipoi u principiu, un colpu à tè un colpu à mè..

6.mandatu da Cernobilu u 24/11/2010 17:00
O amicu, postu ch'è tù ci sì, ùn ti vergugnà ... Vai ci puru chì ne manca torna. Per esempiu, ti scordi di Corsica Libera ... perchè, cambiendu di nome, anu persu l'appitittu quessi ??? Hè vera chì "sed libera nos a malo" .....

7.mandatu da Di Corscia nativu..... u 24/11/2010 17:12
CL = ex cuncolta no ?? dunque ùn m'era scurdattu di nimu..... è quelli di l'ARC chi

manghjanu avà à "Bruxelles" incu Europe ecologie.. solu u pcf è u fn ùn hanu ancu

manghjatu.... so elli i veri pulitichi onesti ....


PS : Manghjà ùn hè nunda, hè più difficiule à digerisce....:))))

8.mandatu da Coco u 24/11/2010 17:21
Liberta per Petru Olmeta u nostru fratellu Di lotta!!!!Evviva a manca e Giacobbi u nostru patrone !!!!!!

9.mandatu da Per ride u 24/11/2010 18:16
Vengu ancu eiu à lagnammi, à ghjastimà, à vituparà ...Face prò!

A Piazzetta mi parmette di sfucammi, di caccià tuttu u cattivu ch'e mi portu addossu.

È dopu, assirinatu, mi ne vacu à dorme, tranquillu tranquillu.

Un ghjornu à l'annu Ghjuliu Cesaru parmittia à i so suldati d'insantulallu...Un ghjornu à l'annu.
Era listessu pà i marinari sfruttati chì in tempu di i rè avianu u dirittu di vituparà u capitanu di u battellu quand'elli francavanu l'equatore.

U restu di u tempu 364 ghjorni nantu à 365/366 era Ghjuliu Cesaru è u Capitanu chì cumandavanu.

A Piazzetta hè u nostru Equatore. Una ligna imaginaria.

10.mandatu da estrimei u 24/11/2010 20:15
o Coco ,si...Di Corscia nativu.....?

11.mandatu da cernobilu u 24/11/2010 20:32
o Coccò, Olmeta ùn mancavea d'appititti, u benedica, chì manghjava per dece. U sustenimu chì l'anu messu à u "regime" induv'ellu hè. Hà da smagrisce mentre ingrassanu tutti i puliticanti, for di ui cumunisti (micca i bastiacci è l'aiaccini) è i razzisti di u fronte naziunale (micca quellu di u 43). Allora dumandemu ancu per ellu l'avvicinanza in Borgu, in una carciula individuale....
Poveri à noi ....

12.mandatu da Di Corscia nativu..... u 24/11/2010 21:25
Di Corscia nativu ùn hè coco .....

I fratelli di lotta ?? chi fratelli, i F-M ?? - a Lotta quella di a

Corsica Ferries ??

Mà hè vera chi Olmeta deve esse rimpatriattu in Corsica...

stu blog diventa troppu intelletuale..per ride ùn simu in scola....è ùn simu i to sculari.!!.

13.mandatu da Onestu.. u 24/11/2010 22:03
Mà u CG2B hè direttu cume u CG13 dà una certa manca corsa....Giacobbi è Guerini...

allora a manca corsa ancu peghju che a diritta corsa "mafiosa è patrone di casino"

Un deputatu francese (Credu Ponia mà un so sicuru..) ùn avia dettu chi i corsi aviamu

un cromosomu di a deliquenza o qialcosa cusi... ùn si serà sbagliattu tantu...

14.mandatu da Per ride u 24/11/2010 23:05
stu blog diventa troppu intelletuale..per ride ùn simu in scola....è ùn simu i to sculari.!!.
di corscia nativu dixit (uzzione latinu)


Isiè o sgiò curà ...ma chì ghjè "troppu" "intelletuale"? tù saristi "intelletuale" ma "micca troppu"? ...Hè troppu... cumplicatu par mè, socu solu maestru di scole materne.

15.mandatu da cazzinferu u 25/11/2010 08:52
umbéééééééééééééééé , tutte ste capote quant'a me s'inculavanu ancu tra di elli a u cunsigliu generale, aghju capitu ava tutta sta ghjente chi dice sempre ( so inculati )

16.mandatu da corsu u 25/11/2010 15:17
u pc manghjava in i bureaux d'etudes cume u ps e u fn trafficheddia i "successions" e certi vendonu terreni in u niolu a continentali

17.mandatu da Venachese... u 25/11/2010 18:41
Eo ùn so tantu di manca... mà a Giacobbi u voliu difende, ghjè unu di l'omi pulitichi corsi

i più intelligente è u più prammaticu....è po forse ancu patriottu... o mancu quante certi

naziunalisti, è po dipoi 10 o12 anni ùn si parla d'unione incu stu prugessistu...

Paul-Emploi rende assai servizii à corsi è a pariggi, dunque sterà in piazza....!!

18.mandatu da estrimei u 25/11/2010 19:09
o Venachese...,
dici "Paul-Emploi rende assai servizii à corsi"
voli dì a "certi "corsi ? he capita chi quelli chi so 'nu a manica ,e ancu megliu , s'elli so elletti chi sò nu a manica - " li rende assai servizii ".
a disgrazia he chi l'elletti un so micca custi pe "rende assai servizii " , ma per difende u Populu

19.mandatu da Venachese u 25/11/2010 20:01
Iè Estrimè difendenu u popul, mà u soiu, a ghjente soia.. eppo a ghjente hà sempre

bisognu di qualcosa.allora perchè ùn rende serviziu, un ghjornu à u CG2B ci seranu

eletti pinzutti o peghju, è tandu rigretteremu i nostri cari eletti di u "clan".


PS : mancu un omu puliticu ùn face pulutica pè difende u so populu, soprattuttu in corsica, mi pari bellu niscentre ..

20.mandatu da Ziu nistu u 25/11/2010 21:57
Si chjama Paul Giacobbi mà ùn vene dà "Paul Jacob "??

E tutti sti soldi in chi banca seranu andati..a "Lazare" O a " Rothschild, ùn ci serà una

cuspirazione pè finanzà qualchi "Irgoun" corsa, bisogna ci nè serebbi...

shalom à tutti..

21.mandatu da estrimei u 26/11/2010 07:35
Venachese :
" PS : mancu un omu puliticu ùn face pulutica pè difende u so populu, soprattuttu in corsica, mi pari bellu niscentre .. "
perche dici ch'o so niscentre ?
tutti i mio scritti dicenu u cuntrariu: imputtelleghju a ogni colpu pe dumandà a l'ellettori d'esse rispunsevulli , ancu dopu a l'ellezzione .
for di u rimproveru nantu a niscentria , he capita ch'o so d'accunsentu 'ncu tè

22.mandatu da Venachese u 26/11/2010 21:36
innò Estrimè...a so chi tu si criticu è ch'ai sempre "l'occhju muvrinu" nant"à a vita pulitica

di a corsica..vulia ghjustu stuzzicà u vispaghju..!!

23.mandatu da unione naziunale u 28/11/2010 22:12
Fate la finita chi paul é u ré di corsica ancu i naziunalisti so d'accordu cun ellu .
femu casu chi i clandestini canistrelli so sempre qui .
Quessa po l'affare di u cunsigliu générale é u corpu di Nicolas ,exit la gauche caviar ,chi si techjanu cumé porci ,in fine volenu esse cumé i ricchi ma u ghjunghjenu manca a arruba .
U troppu stropia

24.mandatu da femu a corsica u 28/11/2010 22:32
Ci campemu cun a famiglia Adams di u cunsigliu generale !!!
Mettenu a corsica a paghjolu ,u gato é bonu ,bellu bonu ,ancu i gardien de la révolution volenu anch'elli u pezzu di gato .
U clanisimu per un altru ,putain de merde.......

25.mandatu da Vade retro Corsicas u 29/11/2010 07:31
Tutti in piazza, tutti in fiera:

A' la fiera di san Francè
m'aghju cumpratu una mulaccia"

"O corsu caru cumpagnu
di tanta sorte mischina"

"t'aghju intesu caminà
di bughju in la campagna"

Amicu ci si tù chì ci apri le porte .....

Ottobre sente e castagne
in pese bughjicosu "

Ci sò tutti quessi è po ci sò eiu
è lu so passu novu hè dinù meiu.

"ùn andemu da vutà per sti purcellacci techji
ùn li demu da manghjà ch'un ghjornu anu da crepà"

Veni cù mè veni cù mè
A' la fiera di san Francè"

"e basteranu e canzone per guarì tutte l'offese"

Bona sera à tutti Diu vi saaaal ...
Innò : Diu ci ne liberi ....

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta