Accueil
Envoyer à un ami
Version imprimable
Partager

U Diu vi salvi Regina in Furiani

Pè a festa di a Nazione, l'innu corsu hè statu cantatu nanz'à partita trà Bastia è l'OL. Un bellu mumentu, ancu si a Madonna avia abandunatu u club corsu quellu ghjornu, chì hà persu 3 à 1.



Serà forse statu u Diu vi salvi Regina u più statu à sente in a storia di a Corsica. Circa 14.000 persone eranu in Furiani st'ottu dicembre.

Bon, di siguru, certi l'averanu intesu pè a prima volta, è d'altri si sò siguramente dumandati ciò chì si passava. In quant'à quelli chì stanu à pusà, ùn diceremu nunda.

Ma ùn face nunda, u mumentu era propiu bellu. Da vede nant'à CNI è Turchini TV


u 9 di Dicembre 2013



1.mandatu da ghjuva u 10/12/2013 05:44
averia preferitu vede tutte ste ghjente canta u DIU inde i carughji di tutta a CORSICA festa di a NAZIONE u ne micca festa di u foot....

2.mandatu da dumè mandeli u 10/12/2013 14:26
cummencia custi a nazione!

3.mandatu da anto u 10/12/2013 16:03
A chi serve di canta ,so i nimichi chi hahhu vintu !

4.mandatu da Calvoise u 10/12/2013 17:53
Hè sempre emuziunante di stà à sente u so innu in un stadiu. È per a festa di a Nazione hè ancu più bellu naturalmente. Avà ci vole à cantàllu cusì à tutti i scontri !

5.mandatu da O CORSU RIFLETTI u 11/12/2013 16:10
A Madonna hè Matre universale è ùn intervene micca nant’à u risultatu ma ghjè a Regina di i Corsi è unu di i fundamenti di a Nazione. Sott’à Ella sviluppemu e virtù cristiane. Ancu sè avemu persu, i fresteri anu vistu è intesu un aspettu di u Populu Corsu à traversu i spettatori uniti per cantà u Diu vi salvi Regina. In l’ultima strufata si dice : Voi dai nemici « nostri » à locu di « vostri » per via chì 'ssu cantu hè diventatu patriotticu, da i Corsi in guerra. Ma i nimichi di a Madonna (=di a religione) sò ancu i nostri nemichi è si pò accettà Voi dai nemici nostri.
Ùn si pò cambià e parolle vulsute da i nostri antenati. Accetterebbenu di cambià e parolle di a Marsegliese ?
I ghjucadori di l’altra squadra ùn sò i nemichi ma l’aversarii.


6.mandatu da Vitriolu u 16/12/2013 20:45
A prossima volta chi saremu in finale d'una cuppa (di Francia, di A liga, o d'Auropa), cio a cantà un Dio Vi Salvi Reggina, quandu ghjucani a Marsiglesa. Sarà piu degnu, piu bellu e piu fortu, chi i "ziflet".

7.mandatu da Vitriolu u 16/12/2013 21:07
"A Madonna hè Matre universale è ùn intervene micca nant’à u risultatu ma ghjè a Regina di i Corsi è unu di i fundamenti di a Nazione". O CORSU RIFLETTI, un socu micca d'accordu : A Madonna po fà tuttu cio chi li pare bè. Ha salvatu Aiacciu di a pesta (hè parchi si festighja a Madonuccia) e pô ancu fa pa i risultati di ballo sè li pare bè.
Ma hè veru ch'ell hè a nostra Mama, dipoi 1735, è chi a prima bandera corsa era una virgine immuculata (articulu 1 di a cunstituzione d'Orezza).

Novu cumentu :