Accueil
Envoyer à un ami
Version imprimable
Partager

U FLNC s'occupa di u travagliu di i seniors

U FLNC serà ultraliberale ? Ci hè da dumandassi quand'ellu si sà chì u commandò hà dettu à u coppiu di ritirati plasticati in Villanova : « Ils nous ont dit reprendre le travail ».



U FLNC s'occupa di u travagliu di i seniors
Margaret Thatcher, Ronald Reagan, Alain Madelin, Jean-Marc Sylvestre, Le Figaro, Eric Zemmour, a World Company... è u FLN ?

U Fronte s'impatrunisce di u dibàttitu nant'à l'età di a ritirata è u travagliu di i seniors (avà per dì "vechju" ci vole à dì "senior", hè megliu).

L'infurmazione si pò leghje in Corse-Matin dopu à l'attentatu di Villanova induve un coppiu di ritirati hè statu "insalsiccicatu" a settimana passata.

Jean-Pierre Moulon, 56 anni (è digià à a ritirata stu furtunatu !) avia una splèndida villà nant'à u golfu di Lava. A seguita a conta ellu à u giurnalistu : « On rentrait à la maison avec ma femme. On venait de faire les courses quand quatre ou cinq hommes sont entrés dans le salon. lls nous ont plaqués contre le mur, je les raisonnais : ils m'ont dit que si je continuais cela allait mal se passer »

« Ils nous ont dit de ne pas revenir, et de reprendre le travail...». Quandu si sà a difficultà ch'ellu hà avutu u guvernu di Fillon à fà passà a riforma di e ritirate, ci hè da dumandassi. Cù un argumentu cusì, si vede male Sarkozy cundannà l'attentatu.

A crémaillère ella, era prevista per oghje.

u 16 di Maghju 2011



1.mandatu da Cugnome u 16/05/2011 04:24 (da un teleffuninu)
I Corsi volenu mette i francesi a u travagliu ! Tantu megliu

dopu diceranu torna che no simu corci...

2.mandatu da ANTO u 16/05/2011 13:14
In certe prufezzioni si pigliava a ritirata a 55 anni (i stututori per esempiu ) .Stu tipu hè forse un stututore a ritirata ? E po s'ellu s'e fattu una casa ,u terrenu un l'ha micca arrubatu !So Corsi chi l'hannu vendutu !E questi qui so a mette in u stessu saccu che quelli chi volenu fa a ghjustizia !
U corsu un pudera micca campa sempre di RSA ,di pensiunelle strapate in cu l'aiutu di a pulitica ,o di picculi travagli a u "nèru",di pensioni d'invalidita ottenute in vutendu bè , o puru d'arrubera cum'ellu si vède oghje (anda a arruba i fiori in campusantu ).
Ci vole a metesi a u travagliu cume parecchi (agricultori ,pastori ,artigiani ) e mica cuntentassi di rifa u mondu in chjachjerendu in caffè .

3.mandatu da KÜG u 16/05/2011 14:26
"je les raisonnais : ils m'ont dit que si je continuais cela allait mal se passer"

o figlioli chi pritensiunutu quessu...

4.mandatu da Grossu panzutu u 16/05/2011 14:37
Mantengu cume sempre chi u corsu chi si tene un travagliu di merda sfruttatu e mal pagatu ùn li si po dumanda di sputta nanta millioni! Si po dino capi chi cun 60 000 arrivi in 10 anni e una sucieta scambiata a miraculi spazzendu via a corsica ch'avemu cuniscuttu, ci seranu sempre atti di viulenza e d'addisperu! Quandu ci serà travagliu pe i giovanni, tandu arresteranu u clientelisimu e u restu! Ma in u isula chi si svillupa a colpi di turisimu di massa e di residenze segundarie cosa si po spera???

5.mandatu da cumunitadidestinu u 17/05/2011 13:10
S'elli pudianu pigliassi cun elli nantà a strada pè Marsiglia l'amichi di u carroghju drittu un saria tantu male...

http://www.corsematin.com/article/haute-corse/un-quinquagenaire-agresse-rue-droite-a-bastia

6.mandatu da Ùnvogliufànullamanulla u 21/05/2011 17:14
Agricultori, pastori, artigiani... tutti travagliadori chì ùn sfruttanu à nimu, chì ùn toccanu micca aiuti publichi, è chì paganu impositi è cariche sprapusitati.

Sò quessi l'esempii à seguità.

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta