Accueil
Envoyer à un ami
Version imprimable
Partager

U Figaro è a censura di i ritratti...

N'avemu parlatu appena per scherzu, di e rivendicazione chinese à prò di l'indipendenza di a Corsica! Sta dumenicata, i Chinesi anu ripigliatu e so bandere è i so striscioni per difende a nostra isula... Focu à a ceppa !



corsica, chinesi, china, francia, france, libertà, freedom, free, image, ritrattu,
corsica, chinesi, china, francia, france, libertà, freedom, free, image, ritrattu,
À chì s'hà brusgiatu una bandera francesa, à chì ci hà scrittu croce gammate annantu, à chì ci hà scrittu "Free Corsica". Mentre unepochi di i nostri paisani facenu sventulà a bandera tibetana, ci face ride di vede i "caca noci", cum'è i chjamanu certi, purtà a Testa Mora. A faranu i Chinesi à cantà u Diu vi salvi Regina per l'apertura di i Ghjochi Olimpichi? Andemu à amparà li ? Sò ancu capaci à mette un striscione incù scrittu annantu : "Thiriez è Séguélacciu : basta cusì, i Chinesi sò quì !"

china, francia, chinesi, corsica
china, francia, chinesi, corsica
I media francesi : trà a difesa di u Tibet è u cuntrollu di i ritratti...

Ancu i media francesi n'anu parlatu. A palesa u ritrattu quassù, publicatu nant'à u situ di u Figaro sta matina. 20 minuti dopu, era rimpiazzatu da questu quì chì ùn mintuvava più a Cursichella.


libertà, spressione, censura, corsica, media, figaro,
libertà, spressione, censura, corsica, media, figaro,
A libertà di a spressione è u dirittu à l'infurmazione in mossa

Stu picculu esempiu, sta mudifica mischina, cosa vole dì di modu fundivu? Pone a quistione di a libertà di a spressione di i giurnalisti. Ch'elli fussinu impiegati da un media privatu o publicu, serà sempre liberu in pettu à u putere di l'azziunarii o da i pulitichi?

Mentre li si rimpruvereghja à a China d'avè stabbilitu una censura di i media è in particulare nant'à Internet, sarebbe ora ch'omu riflettissi à l'avvene di a stampa in Europa. Da u spuntà di giurnali gratisi à u sviluppu di i bloghi, a sucetà di l'infurmazione scambia assai. Si ponenu dunque parechje quistione di primura.

Hè a mutivazione capitalista, suldaghja chì hà da piglià a suprana nant'à a libertà di a spressione di u giurnalista? Puderanu i citadini avè accessu à un infurmazione di qualità senza u finanzamentu di a stampa da i puteri publichi è da i privati? Mentre u marchettingu incalca di modu paradussale nant'à u versu gratisi d'Internet, di u telefonu, via di i prudutti di cunsummazione, ci pudemu dumandà s'elli accetteranu sempre i citatini per l'accessu à infurmazione?

u 21 d'Aprile 2008
Ahmed Zumar



1.mandatu da Liceanu u 21/04/2008 19:53
I Chinesi sò ancu capaci à scrive "Thiriez è Seguelacciu, we are Corsican.Why? We fuck you !"

Ci sò ancu state prove di censure di filmi fatti da i liceani in greva.

2.mandatu da John Milius u 21/04/2008 20:14
ci vulerebbe chi una divisione di l'Armata pupulare chinese sbarchessi in Aiacciu pè mette tutti i conni di l'UMP à u passu. Mà i Chinesi so capaci d'impatruniscesi ancu in Corsica ! dopu ùn li cacci più !

3.mandatu da Arechjò u 22/04/2008 10:29
Aghju un scoop !
Pare chì u blog "A piazzetta" sia sottumessu in fatti à un fondu di pensione pè cacciadori ritirati chinesi azezi spezializati in a caccia à a bistuca ...

4.mandatu da Cumpalliols u 23/04/2008 19:49
Tutte manere, à me mi pare chì u figaro ùn hè mai statu un'ghjurnale d'infurmazione. (solu podasse unu d'opinione).

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta