Accueil
Envoyer à un ami
Version imprimable
Partager

U Ghjornu u più Depressivu di l'Annu!

Mi ne stò o mi ne vò ?



U Ghjornu u più Depressivu di l'Annu!
A maledizione di u terzu luni di ghjennaghju

U pruverbiu dice "longu cum'è u mese di maghju", ma secondu i scentifichi, sarebbe ghjennaghju u mese u più longu... Tenite : ghjurnate sempre corte, più soldi dopu e feste è e solde, fine di e vacanze, timpacciu, risuluzione digià abbandunate... Cusì dice u circadore di l'Università di Cardiff Cliff Arnall. A stagione di a depressione, chì a s'allonga da nuvembre finu à Pasqua, accima u terzu luni di ghjennaghju... Simu dunque oghje u ghjornu u più depressivu di l'annu!

Cumu fà nice d'esse malatu?

Una marca di medicine l'hà capita bè, di ghjennaghju, avemu bisognu di riposu, di scialà si la ghjurnate sane sottu à e cuprendule, in u caldu di u lettu... Benylin ci prupone parechje manere d'ingannà i patroni di modu à gode di i sciali casani... Cumu scrive un mail per annunzià a picondria? Cumu fà nice d'avè a pena in gola o a tossa? Cumu fà crede chè vo site incatariti? Truverete tanti cunsiglii ghjuvatoghji...

Vi danu mutivi di bungerdà à u vostru patrone, di modu à caccià vi ogni rimorsu. À contu soiu, hè megliu à stà si ne in casa perchè :
- 73% di i patroni preferiscenu un impiegatu malatu chè un impiegatu losciu à u travagliu.
- 65% di l'impiegati ùn ponu pate i so culleghi chì ghjunghjenu malati à u travagliu è chì sò capaci à cuntaminà li.

L'oziu corsu...

Allora s'avvede omu chì luntanu da u marketing di e medicine oghinche, l'oziu corsu di quelli antichi ùn era ne una malatia ne mancu un viziu cungenitale. In accordu incù a natura, l'oziu corsu ùn avia bisognu ne di mail, ne di telefunate erghite, ne di simulazione. Quessa sì a virtù !

Oghje, stemu ci ne tutti in casa! Yes we can...

u 19 di Ghjenaghju 2009
Sbanditu



1.mandatu da Piratella u 19/01/2009 21:10

Avessi lettu l'articulu sta mane : sò andata malata à u travagliu, chì zucca biitoghja...

2.mandatu da ZIU ANTO U PURCAGHIU u 20/01/2009 11:03
so tutti malati ! ! un saria chè eiu in saluta ? ? ? oi méééé . . .

Novu cumentu :