U Populu di l'Oriente

Cosmopolitan Corti
In Corti, à chì studia, à chì si beie un colpu, à chì prumena fischendusila, à chì s’arriposa in terazza di caffè … si pò dì chì studienti ci n’hè di tutte e razze ! Si sà chì a cità di Corti hè propiu « cosmopolite », si sente parlà u corsu, u francese, quellu « verlan » di e cità francese, è ancu u chinese ! Chì tantu prugrami « Erasmus »…

Ma, più chè in altrò, a vita di i studienti curtinesi hè simbolica di un sparti tempu tracarcu ! Certi spiritacci pensavanu : « la fac à Corté, c’est les vacances assurées !!! ». Mai ch’ella sia ! Trà a BU, u CCU, è u RU, i studienti ùn anu u tempu à rifiatà ! – trovanu quantunque u tempu di travaglià !-

In tantu, università, in Corsica, di megliu ùn si pò truvà ! (Bella sicura ùn ci n’hè chè una !)

Big Brother in PP1
Per i parenti inchieti, siate tranquilli… O vai, ùn ci hè penseru ! Avà PP1 hà ancu e so camerà !! I vostri figlioli sò in securità in i circondi di a facultà ! Fintantu ùn si barca a strà! Ma attenti ! una volta francatu u varcatoghju in faccia à a « fac de droit », l’affari si ponu amalà !

D’altronde, ci vole à ricunnosce quantunque chì, per i studienti in cerca d’attività spurtive, educative, o culturale cù l’idea di a realizazione d’un scopu persunale, l’attività sò varie : Casino, Chasse au « Trésor », studii artistichi di a « Coupole » è per i più curaggiosi si pò parte ancu à « l’Aventure »… ci capimu bè ! nè ?

Corti by night
In tantu, ùn v’aghju ancu parlatu di « Corti by night » è di e so serate sceme : « chante et boit la maison brûle !! »…

Ci sò dui genneri di studienti : quelli cù « a frebba di u marti sera » chì s’imbriaccanu à colpu di Ruinard à u « Rex » è ci sò quelli à usu più anticognu, arrimbati à u bancone di a « Coupole », chì si facenu una paghjella parfumata à u whisky, o chì cantanu « La boudeuse », o « Le quartier maître » sempre cù una certa nustalgia di a fiera di Niolu…

Quì, simu sempre in cima à u corsu Paoli ! A nuttata ùn hè ancu finita ! Ci vole à sapè chì à pocu à pocu si piglia à falata è si trafala pianu pianu, per ghjunghje infine, à « l’Oriente » ! Aaah, « l’Oriente », ùn si pò parlà di Corti senza stu locu santu ! Di ghjornu o di notte, hè u furmiculaghju di i nostri gran’ travagliatori. A mane : u caffè, a sera si balla è si beie sin’à u caffè d’a mane, è tira avanti è passa quellu tempu curtinese… Chì l’occupazione preferita di i studienti ferma e stonde à u sole caldu di « l’Oriente » ; tandu i spichjetti « fashion » sò di surtita è si face una « séance UV » in terrazza… O chì piacè !!! L’attività « farniente » in Corti hè propiu dumandata… è l’abbunati sò assai !! Iè « l’Oriente », l’avete capita hè u simbulu di a vita studientina… à l’ingrossu si pò dì ch’ell’hè u locu di vita di a facultà !

Difatti, « u populu corsu », chjamatu aspessu dinù da i sturiani è capizzoni di à nostr’isula: « u populu di l’Oriente », trova propiu u so significatu è a so definizione specifica in a cità di Corti…