Accueil
Envoyer à un ami
Version imprimable
Partager

U Premiu Nobel per Yvan Colonna?

L'omu u più ricircatu di Francia, "l'assassiniu di u prifettu", stu banditu corsu, a ferà à passà da u bancu di l'accusati à quellu di e ghjente chì persunnificheghjanu un idea o una lotta? Tenite, senza mancu parlà di stu schinchiseccu pinzutu di De Gaulle, pigliemu a storia hullivudiana di Nelson Mandela...



Da u terrurisimu à u Premiu Nobel di a Pace, listessu caminu di croce per Nelson Mandela è Yvan Colonna?
Da u terrurisimu à u Premiu Nobel di a Pace, listessu caminu di croce per Nelson Mandela è Yvan Colonna?
Da u prigiuneru nigrachjolu à un simbulu puliticu...

Mentre era statu cundannatu à perpetuità in un 1964 per e so attività pulitiche clandestine, Nelson Mandela l'hà fatta à esse capistatu di u so paese, à ottene u Premiu Nehru, u Premiu Kadhafi di i diritti di l'Omu è ancu u famosu Premiu Nobel di a Pace. Pocu CV, chè? Eppuru, ùn hè chè u 18 di lugliu 2008 chì ellu hè statu cacciatu da a lista americana di i gattivi terruristi... Era ora !

Al di là di a so indiatura contru à l'apartheid incù l'ANC o u muvimentu clandestinu armatu Umkhonto we Sizwe, ci vole à ritene u so impegnu contru à u SIDA è a guerra in Irak. Avia accusatu tandu u sgaiuffu Bush di vulè "capicciuttà u mondu ind'è l'olocostu".

È perchè micca Yvan Colonna?

Allora, quandu omu vistica appena e dichjarazione di l'anzianu ministru di l'internu o u rapportu di a FIDH, ci hè da avè u penseru in quantu à a qualità di a Ghjustizia in Francia è a culpabilità d'Yvan Colonna.

Nelson Mandela ùn hè u solu à esse passatu da a prigiò o da u purgatoriu à u paradisu. Bachar el Assad, u presidente sirianu, dinunziatu cum'è un capistatu terrurista ùn pusava à fiancu à Sarko, in tribuna ufficiale u 14 di lugliu? È Mouammar Kadhafi, u zitellu di Vezzani, ùn hè un bravu omu ancu ellu? O tempi o tempi?

Ci sarebbe ancu da scumette chì un ghjornu, Yvan Colonna puderebbe fà cum'è Nelson Mandela è strapppà u Premiu Nobel di a Pace in u 2030. Sarebbe, in listessu filu, elettu capistatu di a Corsica in u 2033. Veneranu tutti i tempi...

u 19 di Lugliu 2008
Sbanditu



1.mandatu da Cumpalliols u 27/07/2008 19:32
D'apress'à mè, senza parlà d'Yvan Colonna, ùn si pò micca cumparà Nelson Mandela, chì hè un'tipu bè chì s'hè battutu per u so paese è contr'à u racissimu, è Khadafi è el Assad chì sò dui dittatori

Novu cumentu :