Accueil
Envoyer à un ami
Version imprimable
Partager

U Qatar pè salvà a lingua corsa

A catena beIN Sport, di u gruppu qatari Al-Jazeera, hà annunziatu ch'ella ritrasmetterà u derby ACA-SCB in lingua corsa.



U Qatar pè salvà a lingua corsa
È si i soldi di i petrodòllari di u Qatar aiutavanu u sviluppu di a lingua corsa ? L'annunziu hè statu fattu da Charles Biétry, patrone di beIN Sport. U derby corsu serà ritrasmessu in lingua corsa nant'à unu di i canali di a catena (da leghje in Corse-Matin).

Per avà, ùn si sà quale averà da cummentà a partita.

In a storia di i media in Corsica, serà a prima volta ch'una partita di ballò serà cummentata in corsu. Nisun media, pùblicu o privatu, tv o radio, ùn l'avia fatta nanzu. A sola sperienza di cummenti in corsu hè stata pè a ritrasmissione d'una partita di a Squadra Corsa diffusata in streaming nant'à u net.

Seremu cusì incapaci per ùn avè riesciutu à falla nanzu, da per noi ?

Sì a lingua corsa si salva grazia à una televisione finanzata da un paese arabu, introdutta in Francia da Frédéric Thiriez, hè veramente chì a fine di u mondu s'avvicina...

u 14 d'Utrovi 2012



1.mandatu da sweigfughjò u 14/10/2012 19:26
vendu 10 ettare, piaghja orientale...

2.mandatu da KüG u 14/10/2012 20:10
"La Prince, parla corsu"

3.mandatu da Hulku u 14/10/2012 20:42
I cummenti seranu assigurati da Jacques Bastianesi è Pierre-Jean Luccioni.

4.mandatu da festistronzi u 15/10/2012 08:47
a vende , duii casi in paese (m aghju da cumpra una bmw,un t-max e una paillotte "en gerance")

5.mandatu da festistronzi u 15/10/2012 08:47
ARABI FORZA

6.mandatu da Uniti vinceremu u 15/10/2012 14:43
Ci voli a mette u nostru jean pruneta e basta!!!!!!!

7.mandatu da stumacatu u 16/10/2012 16:31
Sweigfughjò e Festistronzi, elli, so veri corsi d'oghje...!!

8.mandatu da DOMINICI François u 17/10/2012 00:28
In a storia di i media in Corsica, ùn hè micca a prima volta ch'una partita di ballò serà cummentata in corsu. In i tempi...dumandete à Voce Nustrale a radio di l'ADECEC in Cervioni...

9.mandatu da u tippu u 17/10/2012 00:51
Radio Voce Nustrale hà cummentatu partite di ballo in corsu ? in chi anni ? qualessi macci ? di u Sporting ?


10.mandatu da anna u 17/10/2012 19:27
A radiu di l'ADECEC, Voce nustrale ha ritransmessu i scontri di ligua 1 in l'annata 84/85, tuttu in lingua corsa. Era a sola! voce nustrale era dinu a u primu media a da a classifica in direttu!

11.mandatu da Marcumà u 18/10/2012 22:27
Attenti o beddi, Papy Chevenement ha da fà un paragonu trà i salafisti è i naziunalisti corsi...

12.mandatu da Galiani, Ghjuvan Lavighju u 10/11/2012 05:32
U principali e ch' a lingua corsa sii aduprata, parlata e ch' omu prova ch e una lingua viva.

Novu cumentu :