Accueil
Envoyer à un ami
Version imprimable
Partager

U Sporting lancia i so biscotti

Si ponu truvà i biscuttini di u Sporting, per esse forte cum'è Krasic o per mette i calci cum'è Angoula, cum'è vo vulete.



U Sporting lancia i so biscotti
Ci vole u curagiu per esse dirigenti di u Sporting. Cù a mansa d'azezi, di mai cuntenti è di criticoni chì sustenenu u club, ùn deve micca esse tutti i ghjorni faciule.

Allora chì serà quandu l'azezi anu da scopre chì u club hà lanciatu i so... biscuttini. Hè u tweet d'un certu Capone chì ci l'ampara.

Eccu dunque e "méga barres gourmandes" fatte di "noisettes, amandes, noix de cajou, raisins, nappées de chocolat". Perchè micca ? I zitelli seranu cuntenti.

Ma attenti à e magagne ch'ellu s'induvina digià, cum'è "O Romaric o panzò ai manghjatu troppu biscotti" o "O Zissé, vai è manghjati duie méga-barres".

Ùn si sà micca sì i biscotti seranu rigalati à i futuri abbunati. A campagna principia l'ondeci ghjugnu.

À quande e panette ? Pistellu ùn hà ancu reagitu.


u 5 di Ghjugnu 2014



1.mandatu da ernestu u 05/06/2014 10:12
Welcome to the foot-business...

Un populu, una squadra, una bandera... e 310.000 cunsumatori

2.mandatu da AciaccerA u 05/06/2014 10:26
Nuciole, amandule, anacardii (si dice cusì?)... Pruteine ci sò, ma cù TANTI GRASSI !!!
Ci vole à rimpiazzà una noce da baracucca o banana.
Eppo, a cicculata deve esse NERA. Più sana è cù più magnesiu.
Una versione Bio serebbe apprezziata dinù.

Ah, è per e donne una versione cù i superfrutti antiossidanti seria perfetta.

3.mandatu da FBI u 05/06/2014 13:59
dalli subitu subitu à i ghjucadori chì a rientrata s'annunzia difficiule assai..

4.mandatu da sempr'azeza u 05/06/2014 14:42
è l'ete vistu u latte ISULATTI : u latte di l'isule, 100% latte di Sardegna !!...
perchè quantu sô isule Sardegna?

5.mandatu da sardu u 05/06/2014 17:10
isulatti??

6.mandatu da sempr'azeza u 06/06/2014 01:03
iè, ind'è Leclerc in Bastia

7.mandatu da sardu u 06/06/2014 01:35 (da un teleffuninu)
m''informeraghju...un l'' aghju mai sentitu, forse seriá gaddurese...ma un credu sia sardu-corsu...

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta