Accueil
Envoyer à un ami
Version imprimable
Partager

U Sporting pò veramente more ?

Venneri sera dop'à Bastia-Clermont, o si cuntinuveghja à sperà, o si piglia u Prozac. U Sporting ghjoca un scontru per ùn micca more.



O calescia, o galera.

A speranza d'ùn micca more, o u Prozac.

Sia si batte à Clermont-Ferrand, sia si mette un pede in National.

Sin'avà ci facia appena ride a L2. Si sapia ch'è no eramu in Purgatoriu, ma si pensava ricullà. Strazià qualchì tempu, ma micca troppu, nanzu di ricullà.

Sempre ultimu nanz'à a treva, dop'à una scunfitta assassina in Strasbourg, u Sporting hè vicinu di turnà à cascà in l'anonimatu di u futbol amatore, 45 anni dopu à esse ghjuntu à u livellu prufessiunale.

Si Bastia fala, ùn si ricullerà più : perdita di u centru di furmazione, di u statutu prufessiunale. Cù 1 millione d'€ di dèbbite, serà a morte di u club.

Un destinu cum'è u SC Tulò o l'AS Cannes, anziani grandi clubs di u meziornu persi in l'orrore di u ballò amatore francese.

Allora iè, ùn hè ch'è futbol. Ma u Sporting hè "di più ch'è un club". U sìmbulu d'un paese, un cimentu suciale, un fattore d'integrazione. Finalmente, ùn hè ch'è u spechju di a sucetà corsa d'oghje : in pistìcciuli.

Allora, hè veramente a fine, sta volta ?

U Sporting pò veramente more ?

u 3 di Dicembre 2009
U Sgaiuffu



1.mandatu da rughjatore u 03/12/2009 21:55
pà mè, u sporting si n'ha da falà...in CFA, à u meddu...i curnachjoni di dirighjenti si strapparani u pezzu di carni trà d'iddi sin'à ciò ch'iddu ne firmessi più nudda, è si ne scapparani in Ibiza...

Ghjè veru, ghjè u club di a Corsica...dirighjatu da scrucconi, in perdita d'identità è in cumbugliu permanenti...bedda rifarenza O zittè...

Forza Aiacciu! ;)

2.mandatu da ite missa est u 04/12/2009 22:29
Emu persu dinù stasera. Eccu u risultatu di quelli chì si ne vanu è chì ùn partenu micca, di quelli chì partenu è chì ùn si ne vanu micca ... L'ete da finisce a vostra cumedia ? U sporting hè in perdizione ... Nisun rispunsevule, nisun respunsabilità ... Bravi, o sgiò dirigenti, u vedimu u risultatu. Ci hè da fdumandassi perchè facenu una tribuna ... Fate piuttostu un campusantu ...

3.mandatu da altore u 05/12/2009 00:10
avà si pò dì "u bè di u sporting". a mo giuventù si ne và à tempu à ellu... è à tempu à una Corsica chì si more dinù. quella di u paese, di a lingua, di e vive quandu Bastia vincia, di e trumbittate in cità, ecc... mi piantu quì... sò stancu. vengu di piglià un colpu di vechju.

4.mandatu da moussor u 05/12/2009 13:02
chi tristezza... tuttu hè dettu, o altore...

5.mandatu da Carlos alberto u 07/12/2009 22:40
Ma chì si passa à u sporting ? Avà l'affare si sà. L'hà detta un giurnalista di RCFM oghje: site cumè i siciliani. Piiù tostu chè di lascià a vostra piazza, preferite di vede more u club. Di Cappia ùn ne vulite micca o affunatu. Dirigenti bastiacci, andatevine ! Vergogna ! Vergogna à voi !

6.mandatu da GWM u 08/12/2009 17:38
"Bastia-Tulò in Morta"

7.mandatu da Peggy u 08/12/2009 18:26 (da un teleffuninu)
Comu? Chi t'ha u sporting?
Ùn capiscu micca. Ha vintu 1-0 contr'à St.Omer ò mansa di ballalò !!

8.mandatu da Peggy u 08/12/2009 18:26 (da un teleffuninu)
Comu? Chi t'ha u sporting?Ùn capiscu micca. Ha vintu 1-0 contr'à St.Omer ò mansa di ballalò !!

9.mandatu da faruk u 09/12/2009 17:09
U sceubeu hà torna scambiatu d'intrenore postu chì vene di fà signà à hadzibegic

10.mandatu da leroifarouk u 16/12/2009 06:11
L'affarri ci vò à sapelli tutti. Certi dirigenti ùn volini parta chì i travaddi di u stadiu di Furiani l'ani da fà vincia monda solda...17 miliona d'euros.... Si capisci tandu chì "repreneurs" ùn ni volini micca. ùn anu nisgiun primura di u ballò è di u SCB chì pò falà in national pà iddi. ùn ci hè cà u soldu chì conta. Manghjunacci...

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta