Accueil
Envoyer à un ami
Version imprimable
Partager

U Sporting s'avvicina di a terza piazza

Battendu à Troyes 1 à 0, u SCB hà fattu una bona operazione in l'ottica di cullà in prima divisione. Ma sopr'à tuttu, u Sporting pare avè ritruvatu e virtù chì anu fattu a so forza innù u passatu.



Bastia cuntinuveghja a so bona seria di vittorie (quattru cunsecutive !) è battendu à Troyes, chì hè in terza pusizione innù a classifica, face a bona operazione di a ghjurnata di L2. Cun sta vittoria si ritrova à trè punti di a piazza qualificativa per l'accezzione in L1, avendu un macciu in menu (à ghjucà in ritardu contr'à Reims).

Sapendu ch'ellu hè statu cacciatu un puntu pè cumpurtamentu razzistu d'una parte di u publicu à Libourne (d'appressu à i resi conti di i bastiacci chì anu assistitu à stu scontru l'affari ùn si sò micca passati cusì, a lotta pè sta terza piazza hà da esse stretta sin'à a fine di u campiunatu.

Ma ciò chì hà fattu piacè venneri sera hè sopr'à tuttu a manera è u ghjocu bastiacciu : grinta, ingagiamentu, generosità. Ùn ci hè chè da vede a riazzione di gioia di Leca è Lorezi, veri bastiacci attaccati à a maglia turchina quant'è i sustenidori, per vede cum'ellu hè impurtante d'avè tali ghjucatori innù a squatra.

Cusì, Furiani s'hè trovu un novu ghjucatore preferitu : l'aiaccinu Yannick Cahuzac, chì hà fattu un macciu veramente stunante. U picculu centrucampista difensivu hè statu di manera incuntestabile l'omu di a partita, è u so but ricusatu di manera inghjusta l'averia ricumpensatu pè tutti i so sforzi.

I sustenidori bastiacci si sò spessu lagnati cont'à a "perdita di i valori" chì facianu u caratteru specificu di u ballò corsu è di u Sporting. Sta generazione pare avè ritruvatu ste virtù.

Allora o zitelli, sta squatra face u spetaculu è mèrita veramente d'esse incuragita !


u 10 di Farraghju 2008
u webmaestru



1.mandatu da ULTRAS BASTIACCI u 12/02/2008 17:49
ULTRAS BASTIACCI

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta