Accueil
Envoyer à un ami
Version imprimable
Partager

U ballò per e narpie

Ùn ci capite un'acca inde u foot ma primurosu d'integravvi, avite decisu di mischjavvi à u slanciu pupulare. Vi spieghemu à l'alesta per ch'è vo ùn passite per un catinu



- Site per Bastia

- "Football" vole dì "pede" è "ballò". Vole dì ch'ellu ci si ghjoca cù i pedi è un ballò

- Forchè u purtiere : ellu, pò chjappà u ballò di mani. Ellu, Thierry Henry è Maradona. Si ricunnosce chì porta i guanti.

- Ci sò duie squadre di 11 ghjucadori signuna : 10 ghjucadori chì ghjocanu cù i pedi + 1 purtiere.

- Ci vole à mette u ballò in a gabbia di a squadra di l'altri.

Attenti : à a pàusa, si cambia di campu.

- A regula di u foraghjocu (hors-jeu). Tutti dicenu ch'ella hè cumplicata ma infatti hè fàciule.

Bon avemu da fà più sèmplice : s'ella hè l'altra squadra chì marca, mughjate ch'ellu ci hè foraghjocu, s'ella hè Bastia, mai.

- Ùn ci hè micca parità.

- Sì à a fine di i 90 minuti ci hè ugualità, si mettenu 30 minuti in più di prulungazioni.

- Sì à a fine di e prulungazioni ci hè ugualità, ci sò i penaltys.

- Sì à a fine di i penaltys ci hè ugualità, u primu chì manca hà persu.

- I circate nantu à u terrenu ? Lasciate cascà. Ùn pratècanu più u foot : Maradona (a so manu di diu li ghjova per minà a moglia), Pelé (vende sandwichs è viagra), Platini (cicciutu è vindutu à i qataris), Zidane (micca cicciutu ma vindutu à i qataris), Beckam (manicchinu per slips), Ronaldo (cicciutu è micca u listessu ch'è Cristiano Ronaldo), Cantona (ma sempre azezu), Claude Papi († in u 1983), Olive è Tom (ùn esistenu micca in veru).

- In casu di disfatta : lagnàtevi. L'àrbitru hè vindutu, u macciu era arrangiatu, sò ricchi, a Lega hè anti corsa. (In più hè vera). À truvacci da quì à 12 anni.

- In casu di vittoria : site cuntentu.

U ballò per e narpie

u 10 d'Aprile 2015
Laura



1.mandatu da sardu u 11/04/2015 17:06 (da un teleffuninu)
:)...simpatichi.....e oghje forza bastia eh...per un isola...pe u populu...per identita e urghjnalita...quindi oghje soprattuttu...FORZA CORSICA...a voi l eterna gloria...

Novu cumentu :