Accueil
Envoyer à un ami
Version imprimable
Partager

U caminu di ferru corsu entre infine innù u 19esimu seculu

U fiascu di a settimana : I capizzoni di a CTC anu vulsutu piglià u trenu novu trà Ponte Leccia è Palasca.

Prublema : torna appena è ùn ghjunghjianu mai...




L'AMG 800 d'Ange Santini risicheghja di firmà pè pruverbiu.


U racontu u ci face Corse-Matin di u 14 di maghju è ùn s'inventa nunda.

Sta volta, hè tuttu u staff di i capizzoni di a CTC chì anu vulsutu mustracci chì avà sì ch'in Corsica eramu muderni. Ci vulia à festighjà u trenu novu, sapete u famosu AMG 800.

U scopu iniziale era à principiu piuttostu sèmplice : fà u cortu parcorsu trà Ponte Leccia è Palasca.

Ma torna appena è ùn ghjunghjianu mai è a ghjurnata hà giratu à u fiascu.

Perchè hè capricciosu è chjuccutu l'AMG 800. Stava troppu bè in gara d'Aiacciu. Allora ùn hà vulsutu francà à Vivariu... Prublemi tennichi ! Anch'ellu resiste à u "travailler plus" !

Allora i nostri capizzoni anu finitu pè piglià u vechju trinichellu d'un antru seculu... chì si piantava pè lascià traversà e vacche...

Ùn face nunda, u prugressu in Corsica, hè cum'è pè u trenu. Ùn ci vole micca à esse pressati...

In tantu, Ange Santini si rallegra di mette infine Bastia à 2ore è mezu d'Aiacciu cù u trenu. Ringraziemulu, ci face entre infine innù u 19esimu seculu ! Era ora !


u 19 di Maghju 2008
U Sgaiuffu



1.mandatu da estrimei u 19/05/2008 08:09
mi pare chi strada ferrata seria stata megliu.

unepochi dicenu chi stu novu trenu fu una gran scruccuneria , forse he buggia?
vuleria sapè dinnu si in CORSICA si ghjustificheghja ? -sta dumanda un he micca una dinunzia ,he una prova per avè spieggazioni-

2.mandatu da circinelludiguagnènativupèliguagnesusosanguaversatu u 19/05/2008 08:53
Tuttu u mondu dice "camìn di farru" parchì circà cinqui zampi à un muntonu ?
strada/caminu, di farru/ferratu... hè listessa, mi !!! ... ùn ci si avanza micca par avà, o pocu !!!

3.mandatu da estrimei u 19/05/2008 10:03

a mè , mi paria ch'ellu si dicessi strada ferrata per u parcorsu e trennu per a mecanica;ma si tutti dicenu "camin di ferru " presentu e mio scuse.

4.mandatu da circinelludiguagnènativupèliguagnesusosanguaversatu u 19/05/2008 14:12
Ma quant'à me i dui sarani ghjusti, cum'è in francesu: voie ferrée è chemin de fer...
inveci aghju sempri scritu TRENU eu, è da pocu vegu chì certi scrivani TRENNU, qual'hè chì t'ha a risposta ?

5.mandatu da IVIU u 19/05/2008 16:19
TRENU HE QUANDE TU SI FOR DI TRINICHELLU
TRENNU HE QUANDE TU SI DENTRU
ACCADE ANCU TRENNNNNNNNNU

6.mandatu da estrimei u 19/05/2008 17:52
aghju duppiatu u N ,perch'ellu si sente bè 'nu a prununzia ,ma forse mi sbagliu

7.mandatu da Jean Mathieu u 20/05/2008 13:53
Avete a raggiò o ghjente 19esimu secculu bravo Angeot!!!

8.mandatu da Culomba1 u 15/03/2009 23:52
U fattu si stà chì Napuleone u Terzu, in u 19 simu seculu, hà riisciutu à fà u tunellu pè u trenu è chì oghje à u 21simu, pare una scumessa spripusitata di fà un tunelle pè u stradone, malgratu un magnificu "Pianu eccezziunale d'investimenti" (chì ùn face ch'investimenti urdinarii è in più face sprufundà e finanze di a CTC, quessi l'aiuti di u Statu megliu à passaccine!!) ,

Novu cumentu :