Accueil
Envoyer à un ami
Version imprimable
Partager

U casticu maiò di a nostra sucetà : quelli chì ùn mettenu micca a soia

Corsica ùn averai mai bè...



U casticu maiò di a nostra sucetà : quelli chì ùn mettenu micca a soia
Quantu ne cunniscite cusì ? Sò i vostri amichi mà... dopu decine è decine di pastizzate, dopu anni è anni di briachina, ùn l'avete mai visti fà stu gestu rituale è simbolicu, rialzatu di ste parolle sacre : caccendu un bigliettu di a so stacca, "o Ange, ressers-nous".

È cusì beienu à contu vostru dapoi parechji anni... Mà ùn cridite micca ch'elli sianu di quelli disgraziati senza soldi... Pensatevi... Centinaie d'euros di vestiti nantu à elli, "portables" ottimi, vitture à buzeffu, viaghji aspessu (è micca in Corti o in Aiacciu, collanu à fà i "soldes" in Parigi, o à festighjà u carnevale in Rio...).

U peghju hè quand'elli vi dicenu "eiu ùn travagliu micca mà sto bè cusi..." A trappula si richjode sempre di listessa manera : mettite a vostra è ghjunghje u mumentu "è tù, chi beii ? - bah, nunda... umbeh, mettimi puru un "boc""... è què pò durà a serata sana... Quand'elli vedenu affaccà u so giru, vi trovanu sempre una scusa pè scappà... È noi bistiole cuntinuvemu à pagà.

Allora in sti tempi di principiu d'annu, femu sta risoluzione: in u 2008, ùn li servimu più !

u 25 di Ghjenaghju 2008
BOBZOMBIE



1.mandatu da Benghjè u 25/01/2008 20:14
Sarebbe bè di fà una raccolta di tutte e scuse di i nostri rancichi priferiti per scappà quand'hè venuta l'ora di pacà. Possu cummincià :
-"bon o zitè m'aghju da fà un pisciu, rivengu subitu" (quessu u pisciu... pudete esse sicuru ch'ellu vulterà una mez'ora dopu stu scurnachjò... s'ellu rivene !)
-"aspettate 2 minute o ghjente, ci hè qualchissia chì mi chjama, ghjè impurtante"
-"a prossima ghjè a meia hein !!" (dop'avè finitu u bichjeru, u tippu scappa cum'una volpe senza esse vistu....)
ecc...

Eccu, tocc'à voi !

2.mandatu da castagnicciaghju u 25/01/2008 23:58
poh, c'est vrai ça...

IN 2008, METTI A TOIA

3.mandatu da eiustessu u 26/01/2008 00:39
Bravu par istu situ ! Avete avutu un'idea chì basta : parlà di tuttu, sia à modu seriu sia in brulle, in lingua nustrale, è u risultatu hè trimendu : ùn basta ch'elli sianu riisciuti l'articuli, ma a lingua aduprata hè di prima marca ! Da ricumandà à tutti, cuntinuate puru !

4.mandatu da IL FAIT FROID u 28/01/2008 00:52
è i pinzuti, a mettini eddi a so turnata ?

METS LA TIENNE O GAULOIS

5.mandatu da U GIFFU u 12/07/2008 23:40
N'aghju un 'antra:
ti pacaraghju u Ritz aprossima volta, ghjè stuppatu, è micca'n tarra!
ò benghjè, pensi ch'hà un dubbiu Rumenta?

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta