Accueil
Envoyer à un ami
Version imprimable
Partager

U corsu à parità cù l'inglese à a scola !

U prugettu di u ministeru di l'educazione naziunale dice ch'ellu ci vulerà à cunnosce duie lingue à a fine di u cullegiu, puru una "lingua regiunale". Allora ?



Cunnisciamu i famosi "c'est en option", "ce sont des heures en plus" et "ça ne sert à rien".

Ma què era nanzu !

Eccu chì avà u corsu entre in u Fundale Cumunu (u famosu "socle commun") !

U Fundale Cumunu di Cunniscenze è di Cumpetenze hè un inseme di sapè, sapè fà è sapè esse, chì tutti i sculari sò tenuti d'ottene prima di falla finita cù a scola. Senza ellu ùn hè pussibile (fora di casi eccezziunali) d'avè u Brivettu in fin'di terza (Diplôme National du Brevet). Sì dice ancu chì prestu prestu puderia rimpiazzà u Brivettu.

Di settembre 2016 u Fundale Cumunu sarà mudificatu. Hè cusì chì e lingue regiunale anu da entre in e cumpetenze linguistique. À l'origine bastava d'ammaestrà una lingua straniera (u più spessu l'inglese), ma in u prughjettu d'evuluzione (da vede quì hè scrittu :

"La mobilité accrue des personnes et l'internationalisation de tous les échanges impliquent la prise en compte de la pluralité linguistique et culturelle et la pratique d’au moins deux langues vivantes étrangères ou régionales dont l’anglais."

Capisce : in più di l'inglese, u vostru figliolu hè tenutu d'ammaestrà un'altra lingua, a lingua corsa pudendu esse quissa quì, à parità cù u spagnolu o u talianu !

Iè ! Parlà corsu diventa una cumpetenza di u stessu valore chì parlà inglese ! È ùn sò i naziunalisti chì a dicenu ma hè l'Educazione Naziunale !

E cunsequenze sò tamante. Un scularu bislingu ùn sarà tenutu d'amparà una seconda lingua in più di l'inglese. Piglià u corsu in LV2 vi franca di 3 ore supplementarie a parte si da a quarta.

Chì sarà a reazzione di i parenti "chéri tu as intérêt à être fort en espagnol sinon tu vas devoir apprendre le keurs' !" o piuttostu "o figliulè parlemu corsu in casa chì ti ghjuvarà à a scola !"

Noi avemu sceltu. È voi ?
U corsu à parità cù l'inglese à a scola !

Amparate u corsu è vulete vede a traduzzione in francese ? Hè statu traduttu nant'à u situ Ampargu a lingua corsa.

u 12 di Nuvembre 2014
U Pettirossu



1.mandatu da sardu u 12/11/2014 12:22
vi stanu pigliandu pè u culu!!!! duviate studià,oltre a l' inglese,ma socu chi un andate a geniu, ghja u francese,alemannu o spagnolu....u corsu,u guvernu un vi u lascia micca f...,fundatevi una scola tra di voi, fate una culletta reghjunale!

2.mandatu da capicursina u 12/11/2014 14:15
a seconda lingua strangera a cunnoscenu digià mi pare : u francese

3.mandatu da luntanu u 12/11/2014 14:23
cù stu prugettu mi pare chì u mestieru di l'avvene in francia serà prufessore d'arabu

4.mandatu da hantzu u 12/11/2014 15:42
Iè, ma piglieranu spagnolu o alemanu

5.mandatu da u turcu u 12/11/2014 17:04
u mandarinu he a prima lingua in u mondu seconda l'inglese terza u spagnolu cuarta l'arabu quinta servita u corsu

6.mandatu da sardu u 13/11/2014 11:42
e u turcu?=)

7.mandatu da siciliano u 28/11/2014 12:29 (da un teleffuninu)
Questi sciovinisti francesi vi fanno studiare la lingua madre (il corso) come se fosse lingua straniera. Anche se io sono per la reintroduzione dell'italiano in Corsica, come sarebbe giusto, che farebbe rivivere il corso e supportarlo.

Novu cumentu :


Seguitateci nant'à Facebook



Abbunatevi à a newsletter

Circà nant'à A Piazzetta