Accueil
Envoyer à un ami
Version imprimable
Partager

U fast food à l'usu corsu

Piuttostu ch'è di manghjà rubbaccia americana in i fast food, perchè ùn si puderia micca manghjà rubbaccia corsa ?



U fast food à l'usu corsu
In e nostre vitacce d'omi muderni, ùn ci hè più piazza per una manghjusca di qualità. Ci vole à manghjà in furia, è cum'è no semu tutti fusciati, ci vole à manghjà micca caru.

Oghje ùn si campa più ch'è à hamburgers in cartone, jambon in plàsticu è hot dogs radioattivi.

A sapemu, ùn vale a pena di pienghje i tiani di fasgioli di mammone è i prisutti di Tempi Fà. Finiti i sturzapreti, fiadoni, pisticcini, piattoni di lasagne è nicci. Troppu longu à fà, troppu caru !

Ci sò sempre prudutti di qualità in Corsica (ancu di grazia !) ma da quì à pocu a bona robba nustrale serà riservata à i ricchi russii è à quelli chì viaghjanu in Cayenne. U bonu prisuttu diventa un pruduttu di lussu, riservatu à a Corsica d'in sù, quella di i novi sgiò.

A Corsica d'in ghjò, quella di Lupinu è di i Salini, di e classe mezane sbaiuccate forma a grande magiurità di l'abitanti di a Corsica. Ma cum'ella flamba i so soldi in spechjetti Ray Ban è in scarpi Prada, fermanu pochi i soldi per manghjà. Li ferma i knackis è e paste Lustucru.

Allora perchè micca un fast food nustrale, cun pulenda à bon pattu, figatellu chinese è casgiu corsu cun latte pulunese ? Manghjà male, d'accordu. Ma almenu, manghjemu male è nustrale !

u 22 di Marzu 2011
U Sgaiuffu



1.mandatu da AOC u 22/03/2011 09:50
E u vinu, "Le Barbu" ??

2.mandatu da KÜG u 22/03/2011 10:09
perchè micca un buttiglione di cola corsu? cusi frescu è stanciante !

3.mandatu da ANTO u 22/03/2011 14:34
Sell'un mi toccanu un i toccu !Ma si po manghja bène senza spende assai ,basta a dassi appena di rumènu e micca aspetta ch'elli falinu i macheroni coti da u celu !

4.mandatu da estrimei u 22/03/2011 17:30
un he robba tantu naturale , ma quand'aghju u laziu di una bienda zuccherosa , mi sciaccu un mussor .
u "barbu" un he micca un gran vinu , ma un he micca rubbaccia.

5.mandatu da em u 23/03/2011 09:49
... bon ...
on aimerait peut-être aussi lire de plus graves satires en ce moment, non ?
par exemple sur l'utilisation de Solenzara par l'armée française ?

6.mandatu da AnnaBella u 23/03/2011 10:06
Zara 126 hè una basa francese in Terra francese no ??

Hè vera chi saria megliu una basa di a NATO, incu materialenamericane assai più mudernu...


7.mandatu da francescu u francese u 23/03/2011 11:19
o forse dinù parlà di u tsunami di Sant Andria di Cotone ?

8.mandatu da mamone u 23/03/2011 12:46
è vera chi in stu munentu tra a schimadgine di Sarko e Kadafhi ,c'è da inchidasi : a basa di Solenzara diventa un terrenu per l'armata francese e si lo si pensa chi Kadafi vuole mette a mediterranea a "foghu e a sangue " ,c'è da inchidasi!! In cio che lu cuncerna u fast food nustrale un c'è che da segue i cunsigli di i "pruduttori" cursi di u "salone di l'agricultura" e semu sicuri di mandgia i prudutti nustrali cume in "keursse" : le lonzo ,le saucisson d'âne ....eccettera

Novu cumentu :