Accueil
Envoyer à un ami
Version imprimable
Partager

U fight club di i mazzeri

S'è vo cruciate dui omi chì si mettenu i cazzotti sta notte, hè normale. Segondu a tradizione, in a notte di u 31 di lugliu à u 1u agostu c'eranu e battaglie di mazzeri.



U fight club di i mazzeri
I nostri mazzeri dinù avianu i so fight club, chì si chjamanu "e màndrache".

A sapete, un mazzeru hè un omu chì hà u pudere d'induvinà, durante u so sognu, quelli chì avianu da more.

Per diventà mazzeru ci vole à esse mal battizatu. U prete, o u cumpare si sò sbagliati in e parole di u battezimu.

E màndrache sì passavanu in a notte di u 31 di lugliu à u 1 d'agostu, in generale à e bocche. S'affruntavanu tandu e squadre di mazzeri à colpi di bastoni di talavellu (chjamatu dinù luminellu, tirlu, talavucciu...).

Ùn ridite micca, u paese chì perde averà di più morti ch'è l'altru in l'annu à vene. Hè dunque assai più impurtante chè Intervilles o una partita puzzica di "Ligue 1".

Allora attenzione, s'è vo cruciate dui omi chì si techjanu di colpi di notte à colpi di bastoni, hè sia ch'elli sò dui briaconi in fine d'apperitivu, sia ch'elli sò dui mazzeri.

In i dui casi, ùn vale a pena di chjamà a pulizza.

Da leghje : una lista di màndrache in u libru di Roccu Multedo, Le Mazzerisme, un chamanisme corse.

Publicatu u 31/07/2012 messu à ghjornu u 31/7/2014

u 31 di Lugliu 2014



1.mandatu da perigot u 31/07/2012 02:24
C'hè appenna listess'affare chì si passa ind'è i paesi boliviani, é quallà a chjamanu "u Tinkù" 'ssa tradizione.
http://www.youtube.com/watch?v=sTSTojpCZhs

2.mandatu da FanDiUSgaiuffu u 31/07/2012 10:30
"Per diventà mazzeru ci vole à esse mal battizatu. U prete, o u cumpare si sò sbagliati in e parole di u battezimu." avà???! quessa po ùn la sapia!! sò anni chì dicu di leghje Roccu Multedo è ùn l'aghju ancu lettu! Mi nè vocu subitu à cumprà 'ssu libru :p

3.mandatu da Jerome u 31/07/2012 12:52
Je monte au village ce soir (Salice / Cruzzinu) pour allumer le feu devant la maison pour que les mazzeri ne s'arrêtent pas chez moi en montant a Bocca Oreccia !!

4.mandatu da Circinelludiguagnenativupeliguagnesusosanguaversatu u 31/07/2012 13:39 (da un teleffuninu)
U Salge quant'à me sarà l'ultimu
Paesi di u rughjonu chì mantinissi viva sta tradizioni...!

5.mandatu da Circinelludiguagnenativupeliguagnesusosanguaversatu u 31/07/2012 13:39 (da un teleffuninu)
U Salge quant''à me sarà l''ultimu
Paesi di u rughjonu chì mantinissi viva sta tradizioni...!

6.mandatu da Cosu u 31/07/2012 14:39
Da veru ? si facenu sempre i fochi in stu paese ? ùn hè micca una magagna ?

7.mandatu da salice2A u 31/07/2012 15:06
é no ! un hè micca una magagna !! sta séra faccemu un focu di mazzeri in u salge ! i zitelli si campanu ! Et nous, on protège nos maisons ;-)

8.mandatu da Acqualacciu u 31/07/2012 15:13
"Assai più impurtante chè Intervilles"

9.mandatu da ùn sò micca mazzeru eiu u 31/07/2012 17:49
à quelli di Salice : mettite i vostri ritratti di sti fochi nanta internet !

vulemu vede !

10.mandatu da salice2A u 31/07/2012 18:25
ié! nant'u "facebook " di U Salge. A settimana prossima si tuttu va bene, ci sarà qualché ramentazi di sta sératta ;-))

11.mandatu da Cosu u 31/07/2012 19:19
Bravi ! Eccu una bella tradizione... Cuntinuvate sempre !

12.mandatu da Pseudonimu u 01/08/2012 02:16
Mettite l'indirizzu URL quandu avete i ritratti

13.mandatu da pietri lolo u 01/08/2012 13:07
Anu vintu; so salginchi ma di a Catastella
url:http://www.twitpic.com/ae6447

14.mandatu da Marcumà u 01/08/2012 21:50
Un brusgiati micca a furesta di Tartaveddu...ch'eddu faci 40 gradi..!

15.mandatu da Marcumà u 01/08/2012 21:51
Un brusgiati micca a furesta di Tartaveddu...ch'eddu faci 40 gradi..!

16.mandatu da ghji u 31/07/2013 12:03
" ci eranu i mazzeri, ci eranu "

Innò ci ne sò sempre, ne cunnoscu parechji !

ùn hè micca morta issa " tradizione " !

17.mandatu da A moitinca u 31/07/2013 12:15 (da un teleffuninu)
À me mi pare, chì si diventa "un mazzeru" durante u so sonnu. A parsona hè scelta è hè iniziata durante a notte... È certe volte, nanzu di nasce dinù!
Abbracci

18.mandatu da Dume u 31/07/2013 13:38 (da un teleffuninu)
In piazza e junta Faciana ce qualchi sia in cantina? Sera un mazzeru!

19.mandatu da bastiacciu stortu u 03/08/2013 00:06
Mi parè d'avè vistu a Tatti e a jeanjean sta nottè in Teghimè mi ...!!!

20.mandatu da tont''''e finu u 03/08/2013 14:08
"Per diventà mazzeru ci vole à esse mal battizatu. U prete, o u cumpare si sò sbagliati in e parole di u battezimu."
A cultura pupulare sà pocu di a teulugià; in u cristianismu esiste "Ecclesia Supplet" chi dice chi
sià malfattu u rituale o puru sià u prete un impustore, u sacramentu ferma valide.
U vechju sensu di à "pensée magique" arcaica.

21.mandatu da de profundis u 04/08/2014 22:43
http://www.ina.fr/video/CPB78055300

22.mandatu da Vincent33 u 14/08/2014 14:39
"There Can Be Only One"

23.mandatu da ficca nasu u 23/08/2014 11:39
Trattendusi d'usi, sè a Corsica ùn avia persu u so spiritu, a so anima è a so storia , serebbe sata a prima à dumandà d' accoglie unepochi di sti disgaziati cristiani Iracchiani !

Cum'ella l'hà fatta ni i tempi per i grechi , l'ebrei è i russj bianchi.

Ma oghje ghjornu ùn s'accoglie più chè ghjente carch'à solli chi ponu sbancà per bettunizà

DUVE SI POPULU CORSU?

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta