Accueil
Envoyer à un ami
Version imprimable
Partager

U ghjornu u più deprimante di l'annu, hè oghje !

Oghje era una ghjurnata à stassi in lettu. U tempacciu, i soldi chì mancanu, e feste luntane, a panza chì cresce... Site deprimatu ? Hè normale, hè oghje u ghjornu u più deprimante di l'annu. L'inglesi chjamanu quessa u blue monday...



U ghjornu u più deprimante di l'annu, hè oghje !
Site rassicuratu, ùn site dunque micca u solu à avè l'ovu di sti tempi.

U terzu luni di u mese di ghjennaghju hè d'appressu à certi studii inglesi u peghju ghjornu di l'annu.

Si capisce bè perchè : manca a luce, e feste sò passate, e debbite crisciute, a paga ùn hè ancu cascata, e bone risuluzione sempre micca pigliate, u tempacciu, u fretu, è a trippa chì ùn parte più.

Aghjustemuci l'avvicinanza di e territuriali, e perspettive di sviluppu in Corsica, un'isula à l'addisperu, Santini è Rocca Serra, u Sporting chì piglia a falata, Sarkozy, i lotissements chì crescenu in ogni locu, i Corsi messi fora è quelli messi in prigiò è i conti sò boni.

È ùn parlemu mancu di Paul Giacobbi purtatu cum'è capimachja di a rivuluzione corsa di u 2010.

Dunque, site bonu pè un cocktail Prozac-Temesta-Gin Tonic.

Bon, speremu quantunque chì u blue monday ùn duri micca tuttu l'annu...

u 18 di Ghjenaghju 2010
U Sgaiuffu



1.mandatu da Antò u 18/01/2010 21:42
Blue Monday, hè un nome "explicite"... Ch'è scemi sti inglesi. --'

2.mandatu da unione depressiva u 19/01/2010 00:26
allè, femu a lista di i depressivi di u ghjornu chi duvianu esse nant'à e liste è chi so stati lampati :

Pascal Vivarelli
Jean-Fé Acquaviva
Paul-Jo Caitucoli
Paul Quastana

per elli, a fine di a depressione serà per 2014...

3.mandatu da allanubugranudiuburu u 19/01/2010 07:23
E verra che rocca serra santini giacobbi so un bellu casticu. Ma a morte di malo di st malo un he micca deprimante que!!!!???un capiscu micca che un ci he nimu per parlane...so a l'addisperu

4.mandatu da estrimei u 19/01/2010 11:39
quessa pò he vera !
quand'aghju lettu:U ghjornu u più deprimante di l'annu, hè oghje !
so statu "déprimatu" anc'eu !

5.mandatu da hans u 19/01/2010 12:16
quand'ellu si vede e tronsce nant'à e liste, ci hè veramente di chè deprimà

6.mandatu da filidatu u 19/01/2010 12:27
eo per luttà contr'à a depressione m'imbriacu l'affare hè chì sò tuttu l'annu in "depression" dunque sò diventatu alcolicu

7.mandatu da guy bedosu u 19/01/2010 15:20
oh ghjente a pudete di che ghje a morte di u mo ghjacaru malo chi vi face deprima.Ne so sicuru

8.mandatu da UBoziu u 19/01/2010 16:41
U terzu luni di u mese di ghjennaghju hè d'appressu à i studiosi corsi di l'Università u più bellu ghjornu di l'annu. Si capisce bè perchè : tutte ste facciaccie di a famiglia à a longa so' rientrate in città, e bone risoluzione ùn so' sempre micca pigliate, tantu chi si stà propriu bè cu e vecchjie. U freddu ci lascia à u caldu accantu à u focu brusgente di u carminu, è a trippa e nantu à tavula, à mezzu à u figadellu arrustitu, à a pulenta tepida e à bughjiticcie cu l'acquavita di bombucconi. O chi santu piacè !

9.mandatu da elia u 19/01/2010 19:46
questi inglesi non sanno proprio che fare,lassù è sempre freddo,umido e c'è sempre la nebbia,loro si che sono tristi e deprimenti,mica come i corsi.Pace e salute a tutti i corsi.

10.mandatu da Piratella u 19/01/2010 21:28

Noi ùn risichemu nunda.

Avemu l'ANTIDOTA : "A piazetta" !! -))) Da avè sempre à a mane avà (grazie, IPhone)

11.mandatu da quandojudex u 20/01/2010 11:51
Lista "prusaccu sempre vivu"

1 paulu quastana
2 juliette dominici
3 thierry casanova
4 anne marie natali
5 pascal vivarelli
6 pascale bizzari
7 jean zuccarelli
8 mireille lanfranchi
5 jean claude guazzelli
10 fabienne giovanini

12.mandatu da Stancumortu u 20/01/2010 12:58
L'addisperu. Hé chi stu luni famosu fussi mezzu a i ré e carnavale, e cusi simu vughendu da i detti re di a Francia a i carnavali di l'assemblea detta corsa. Poveri a noi chi ci cridimu sempre un populu allora ch'elli ci cunsidareghjanu tutti ghjustu cum' un cantone.... Cambiera???? Ie postu ch'ella ha diggia cambiatu tempi fa.



13.mandatu da Via Notte u 20/01/2010 21:20
cunfirmazione, hè veramente a settimana di a depressione per PAscal V...

Via Prugressista a été surpris de constater que les progressistes sont exclus de la liste de rassemblement au seul bénéfice d’une liste nationalo-nationaliste. Notre mouvement ne peut accepter cette situation qui met en péril tout espoir de réussite d’une troisième voie que les corses espèrent. Au moment ou les idées autonomiste, écologiste et progressiste ont été reconnues et validées par les dernières élections, nous ne pouvons concevoir que cette offre politique ne soit pas clairement affirmée

è ùn si vergognanu mancu di scrive què...

14.mandatu da dumane lezzomil u 20/01/2010 21:36
alè, cuntinuvemu a lista di u prusaccu :

11. Alexandre-Guillaume Tollinchi
12. Karine Fenocchi
13. Philippe Cortey
14. Jocelyne Mattei-Fazi
15. Alain Mosconi
16. Noelle Vincensini
17. Vincent Carlotti
18. Patrizia
19. Antoine Aiello
20. Marie-Hélène Mattei

heu ! l'avemu da truvà i nostri 51 depressivi !!!

Novu cumentu :