Accueil
Envoyer à un ami
Version imprimable
Partager

U ghjornu u più goffu di l'annu, hè oghje

U terzu luni di u mese di ghjennaghju hè u ghjornu u più deprimante di l'annu. Digià chì i depressivi ùn hè micca ciò chì manca in Corsica...



U ghjornu u più goffu di l'annu, hè oghje
Avete rimarcatu cum'elli sò tutti azezi in giru à voi ? Hè normale. I spezialisti di a depressione a dicenu tutti, entremu in u periudu di l'annu u più deprimante, hè u "blue monday;.

E ragione sò parechje : u tempu hè goffu, ùn si passa nunda, hè sempre "a grisa" è dumane serà peghju, a luce manca, Natale hè luntanu, ùn ci hè più soldi à spende, e bone risuluzioni sò digià abandunate, cresce a panza, a mutivazione si n'hè andata, facenu 15 anni chì nisuna bona nutizia hè stata annunziata à Corsica Sera è ùn ne pudete più di e facce di l'omi pulitichi.

Hè cusì, si ottobre sente e castagne è dicembre l'aranciu (d'appressu à Ghjacumu Fusina in sta bellissima canzona di Canta u Populu Corsu), ghjennaghju sente u Prozac.

Allora per oghje ùn vi lagnate micca nant'à "a grisa", nant'à a nostra Cursichella chì si ne và à caternu è chì "ùn averà mai bè" o ùn vi lanciate à scrive u lamentu di u Costa Concordia, ci n'hè abbastanza cusì.

A sapete, oghje serà una ghjurnataccia. V'averemu prevenutu...

u 16 di Ghjenaghju 2012
U Sgaiuffu



1.mandatu da Mike Tizzoni u 16/01/2012 11:03
"Blue Monday" dinù hè una canzona

2.mandatu da Luni turchinu u 16/01/2012 12:25
Tutti cusì i "blue monday" :

3.mandatu da mijagavignanica u 16/01/2012 14:11
Nulla di novu sott'a u sole ne u luni ne l'altri ghjiorni !!!

4.mandatu da Mare nostrum u 16/01/2012 15:58
Sara meiu " black monday " no?

5.mandatu da Mike Tizzoni u 16/01/2012 16:37
si chjava nant'à a pista in sta video di Blue Monday

6.mandatu da U Palatinu u 16/01/2012 18:42
À mè mi pare ch'e tutti i ghjorni sò ghjurnataccie. Micca oghje più ch'e sempre.

7.mandatu da ANTO u 17/01/2012 14:00
Forse quand'ella ghjunghjera a polluzione di u batellu talianu ,sera una ghjurnata ancu peghju !E po quand'omu piglia u prozac in ci vole miccaa beghje troppu .

8.mandatu da perchè micca u 17/01/2012 17:21
scusami o mare nostrum, a dicu per tutti, si scrive (è si dice) in stu casu" megliu" è micca "meiu". ùn hè micca listessa

9.mandatu da U Palatinu u 17/01/2012 18:42
Di tutte manere, tuttu và male à ogni livellu, in u mondu sanu. Ne simu tutti culpevuli, à un livellu o à un altru, ma ùn ci pudemu nunda, o ùn sapemu chì fà.
Hè prestu dettu.

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta