Accueil
Envoyer à un ami
Version imprimable
Partager

U newtiziale settimanale

Nutizie è disinfurmazione, tuttu ciò chì ci vole à sapè di a simana scorsa!



U newtiziale settimanale
CHARBONNEAU FORA
U so nome ùn vi dice sicuramente nunda! Innò, ùn avemu micca ritrovu "Charbonneau Fora" nant'à u muru di a so casa. Hè Sarko chì l'hà detta. Detta, fatta. Hè statu licenziatu da u so postu di prefettu di a Manche. Duie simane fà, in visita in Saint-Lô, Nicolas Sarkozy avia mancatu di piglià si un paghju di scarpi in capu. In un annu, a pupulazione di u purgatoriu di Sarko hè cresciuta di 13%!

U mudellu bastiacciu
Mentre a Francia era aggrunchjata da u muvimentu di greva di ghjovi, Nicolas Sarkozy hà tenutu à salutà Emile Zuccarelli : "In Bastia, ch'ellu ci fussi una greva o micca, ùn a sà nimu, sta cità hè un bellu mudellu di u spiritu republicanu oghjincu"... A meriiiia cantavanu i Mantini...

Una rocchetta face tombula à 20 milioni d'€
Hè abbracciendu e famiglie chì a ministra di l'internu, di i tunelli è di i canali hà annunziatu un pianu di sviluppu di a Corsica. 20 milioni d'€ per una rocchetta in una vitturaccia... U felice tiradore chì hà fattu tombula ùn s'hè ancu dichjaratu!

Aiò, o falsò, vai à a scola!
Soca v'arrivurdate di sta giurnalista di Canal+ chì l'avia fatta à intrappulà Xavier Darcos. U ministru di l'educazione ùn sapia micca fà una divisione... L'atru eri, hè Jean-Vitus Albertini chì l'hà fatta à intrappulà à MAM. À contu soiu, 18 assassinii nant'à 22 serianu stati sciolti... Fussi ella puru!

Ballò
Ci simu campati venneri sera. Era una campa à vede li batte si i ghjucatori. Quessi sì i guerrieri. Peccatu ch'ella ci fussi mancata a biera dopu un oretta di filmu. Ci vene sempre u fretu à a pelle quandu guardemu u scagninu di l'epupea, quandu si ghjucava sempre à u ballò in Bastia...

Fame vechja
Veronica Sciaretti hà iniziatu una greva di a fame in i lucali di l'Assemblea di Corsica, per dinunzià e cundizione d'incarcerazione di i prigiuneri naziunalisti. Appena più tardi, in un lapsus, a coppa in bocca, MAM dichjarava ch'ella facia u so pussibule per i "prigiuneri pulitichi". Si sbaglia ancu u prete à l'altare...

u 31 di Ghjenaghju 2009
Sbanditu



1.mandatu da IN CAUDA VENENUM u 31/01/2009 15:39
A ELLA SI CHI LI STEREBBE BE U CAZZU COPTER IN DUVE PENSU

2.mandatu da estrimei u 31/01/2009 17:38
o IN CAUDA VENENUM,
nu a sai mancu! dicenu-in veru ! - ch'elli so i so piu belli piecè ...

puru,puru! era ora ! e gira, e volta , da a Piazzetta a u Foru corsu, da u Foru corsu a Via Campagnola , da Via Campagnola a foru di u Rinnovu -custi pò , si so lampati nu un sfrancisume chi un si po piu parà- un c'era piu mezzu di leghje articuli d'attualità .
aghju lettu ch'ell' era stata ricevuta cume una principezza in Lumiu , e ch'ella s'era buscata un prisuttu. si ne serà andata carca?
ci so chi facenu "greve " di a famme , d'astri chi vanu in priggiò , e d'astri .....chi leccanu u cullu .

3.mandatu da campagnolu u 01/02/2009 06:04
A quandu una canzona chjamata "les mendiants de l'AGRIculture" ?
a chi s'inghjinnochja per caghjà, à chi corre per dà u prisuttu, à chi si mette in prima ligna per u ritrattu..
v'aghju dà dì hé sempre stata, è sempre serà, i listessi a ferannu sempre.
In francia serannu cusì corci ? a corre tutti appressu à i ministri ?
Avemu propriu u ritrattu di ciò ch'ella hé diventata oghje l'agriculura corsa, per via di i so più alti "raprisentanti" in cismonte.
E ancu, ùn n'avite mai vistu à corre à certi (prisuttu in manu) appressu à chirac inde e travate di u "salon de l'agriculture" in parigi, dicendu ch'ellu (u prisuttu) era statu fattu specialamente per ellu (chirac)...o u cuntrariu...avà ùn a sò più !

4.mandatu da estrimei u 01/02/2009 09:25
o campagnolu ,
he capita ch'o so d'accunsentu 'ncu tè , ma he forse per ringrazialla di tutti i sforzi chi a pulizza e magistratura facenu per sciaccacci tutti in priggiò .

5.mandatu da Culomba1 u 03/02/2009 10:56

Bella macagna di Simon Renucci chì vole recuperà a citadella è l'armata trica à dì di sì; hà uffertu à MAM un quatru riprisentendu a citadella!

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta