Accueil
Envoyer à un ami
Version imprimable
Partager

U patrone di u Mc Do di Bastia : 'Ancu i Corsi anu u dirittu d'ingolle a nostra rubbaccia!'

Dopu tanti anni d'attesa ardita, avemu amparatu sta mane, in i carrughji in a nostra cità chì da quì à st'estate, s'avia da apre un veru Mc Do in Bastia... Per verificà a falsità di stu puttachju, simu andati à interrugà à u patrone bastiacciu di u Mc Do. Per ragione fiscale capiscitoghje assai, ci hà dumandatu di piattà a so identità... Sulidarità...



U patrone di u Mc Do di Bastia : 'Ancu i Corsi anu u dirittu d'ingolle a nostra rubbaccia!'
A Piazzetta L'apertura d'un Mc Do in Bastia hè un culpacciu à a nostra gastrunumia!

U Patrone Cumu? Ùn ci vistimu tutti di jeans, di camisgetti frisgiati à l'usu pariginu, di scarpi Dockside, Nike o Converse americane? Perchè ùn ci manghjeriamu micca listessa rubbaccia chè l'Americani Ancu i Corsi anu u dirittu d'ingolle sta rubaccia, s'elli a volenu è ch'elli sò baulli ! È voi, quandu chì vi n'andate pè Nizza o per Parigi, ùn vi site mai attavulitati à un Quick o à un Mc Do? Una merendella à u Mc Do, l'averete fatta ancu voi...

A Piazzetta Pensate ch'elli veneranu i bastiacci à pusà nant'à e vostre carigacce rosse è gialle?

U Patrone Pensemu ch'ellu ci hè un marcatu in Bastia à prò di u sviluppu d'un Mc Do. A sapite, i liceani sò appena cum'è e mosche. Tandu, ci averianu da vene vulinteri. Serà un affare di moda. Ancu puru s'è li prupunimu un Mc Mulizzu, s'è no simu fascioni, u si manghjeranu listessu. Listessa per i zitelli chì ci anu da arricà i so parenti. Soca, in certi casi, sarà ancu u cuntrariu. Oramai, in Francia, vene lecita per i pinzuti di manghjà si un Mc Do settimanale. Piace assai à i zitelli è à noi, ùn ne parlemu ! Hè un veru jackpot ! Avemu da fà tombula, ma quessa pò, ùn la dite micca... Hè listessa per i giovani chì si volenu manghjà un pezzu durante l'aperitivu o dopu una surtita, di notte tempu, per ingolle si un buccone, ancu puru una rubaccia cum'è a nostra."

A Piazzetta A rubbaccia chì ci vulete vende, serà fatta di vitellu corsu di vitellu chinese

U Patrone Per avà, ùn la sapimu ancu, si dipende di e nostre capacità d'investimentu. S'è a ci la femu à impiegà un vaccaghju, iè, a carne serà corsa. Ma altrimente, l'ecunumia ci imponerà d'impurtà a carne.

A Piazzetta Ci avete da prupone una carta tradiziunale incù Big Mac, pomi frifrifritti è cocà o v'avete da adattà à e pruduzione lucale?

U Patrone Ùn ci pudemu francà di prupone a nostra carta tradiziunale, quella chì hà fattu a fama di a nostra marca. In quantu à e trippette, avemu da amparà à i nostri impiegati à scucinà le. Da quì à st'estate, viderete chì a faranu i cucinari indiani di Mc Do, à prupone ci un Mc Kipuzza muntagnolu. Accantu à sti pranzi nustrali, v'avemu da prupone una carta Mc Dorsica : un Mc KiDJ stunatu, un Mc Kinadafà disprezzosu o un Mc Kassati più salitu...

A Piazzetta Bravu ! Què, hè per a manghjusca ma e bivende saranu corse ancu elle?

U Patrone In quantu à e bivende, avemu da passà un cuntrattu incù u Corsica Cola di Ficabruna, l'acqua St Georges, l'acqua acitosa Mac Do Rezza è sopratuttu u Moussor di Furiani...

u 15 di Maghju 2008
Sbanditu



1.mandatu da Oriente u 15/05/2008 17:53
Aghju intesu chì u vulianu apre à a piazza di u Régent.

2.mandatu da u regente u 16/05/2008 00:20
le Régent a effectivement été racheté par des voyous...

la rumeur dit que ce sera pour en faire un Mac DO, un Zara ou un Quick...

merci la BDM

3.mandatu da SULAna u 18/07/2008 13:37
haha bobu seranu tutti obese.......ci vole a fallu sarta torna ^^

4.mandatu da TonyMontana u 19/07/2008 13:21
ùn serà micca un Mac Do, ma un Quickacciu ! "Nous c'est l'égout"... huum

5.mandatu da U Ghisonese u 03/08/2008 12:55
pora corsica...

6.mandatu da LETIZIA u 13/08/2008 10:04
JE SAVAI PO KIL IAVAI UN MAC DO A BASTIA MDR

Novu cumentu :