Accueil
Envoyer à un ami
Version imprimable
Partager

U perìculu Russiu

Ècculu chì ci torna à frìghjeci l’orechje u spaventosu perìculu Rùssiu. Ogni tantu, quandu a sòlita munutunìa vene à ròmpesi è chì i raporti di forza vòlenu cambià, tandu…. SÒ I RUUUUSSSSII !!! I pòveri Russii li fàcenu a paura à i Corsi, ùn si sà mancu troppu perchè… Di fatti, sti pochi tempi, incù l’assassinii à sbuzeffu in trà e màffie Corse (senza troppu chì nimu sappia nunda), e cundizioni per l’invasione Russia sò reunite. Bouh !



Sò ghjunti. Cum’è a sanu fà, sò sbarcati à a zitta à a muta pè inghjilocu. L’invasore hè quì, è per un bellu pezzu… Ma l’invasore ghjustamente, ùn hè micca stu gattivu maffiosu terroristu Russiu. Innò, l’invasori o cari, sò elli :
U perìculu Russiu

Tutti l’anni simu à què ! A settimana Santa chì ci si dumanda perdonu per u casticu chì l’Omu hà impostu à Ghjesucristu marca u principiu di l’attaccu pumataghjescu in Còrsica. Hà suffertu Ghjesù, ma suffrimu ancu noi chì l’avemu u nostru, u casticu. È u sentimu passà ! È nimu ci dumanda perdonu à noi ! Torna un’antra inghjustizia…

TOP 3
I candidati per l’elezzione di i turisti più guizzi sò parechji. Annu, avìanu vintu i Lucchesi, seguitati da i Pinzuti è i Bosci, un podium imbattèvule. Quist’annu dinù, incù a crisa, i spezialisti annùnzianu digià a corsa à e vacanze men’ à care è a lotta per u premiu di u Pumataghju più puzzicosu hè dunque digià lanciata. I Francesi sò favuriti (cum'è tutti l'anni). I Corsi di a diaspora, elli, s’azzèccanu à un’antra categurìa chì ne parleremu forse un’ antra volta.

Resistenza !!!
U perìculu ci hè, avà a sapemu. È hè decisu à mètteci à u più male. Stringhjìmuci è femu fronte : STUMACHÈMULI !
Eiu aghju digià appruntatu un figatellu di u Zuper U, un discu di u gruppu Notte è dui biglietti per andà à vede un macciu in Timizzolu…. L'uspitalità Corsa l'anu da rigrettà ! Vi possu dì chì à parechji, l’aghju da fà passà eiu u laziu di turnà à ròmpeci e stacche in Còrsica. Ùn ci vole à scuragìsceci, e munizioni po l’avemu !

u 29 d'Aprile 2009
Ussamà Ben Lazezu



1.mandatu da Diplodocus u 29/04/2009 13:55
Per stumacalli aghju preparatu un PASS VIP per u spetaculu di PIDO. S'elli ne sortenu vivi allora tandu ùn si puderà più fà nunda...

2.mandatu da Kugùrn u 29/04/2009 17:18
www.rotten.com

3.mandatu da U cantadori pumuntincu u 29/04/2009 18:10
Par aiutà u me babbu certi volti,vendu i frutti è i ligumi à u marcatu d'Aiacciu.Dunqua,dapoi anni è anni, ni vecu passà una bella mansa, è i mi supporti più chè mai lol.Ma ùn socu micca troppu d'accunsentu cù 2 cosi : u discu di Notte ùn hè micca cusì quantunqua è pensu chì , certi volti in Furiani, i macci sò ancu peghji cà in Timizzolu.

4.mandatu da dallavacuncihenimu u 29/04/2009 19:01
eo li possu prupone una merendella ind'e u nostru amicacciu Nanar clavier cusi si puderà mette u so famosu "moule bite" di i "bronzés" è tutti seremu stumacati!!

5.mandatu da piratella u 29/04/2009 23:31
A Natura odia u Viotu, si dice, allora da ch'elli partenu i sturnelli ghjunghjenu l'altri...Mai tranquilli. Hè ora di fà corre tutte e vuciate e più tonte! lol

Novu cumentu :