Accueil
Envoyer à un ami
Version imprimable
Partager

U "peuple bleu" hà rimpiazzatu u "populu corsu" ?

L'averete rimarcata, oghje tuttu u mondu adopra a formula "populu corsu". Ma per dì chè ? Peghju : certi l'anu rimpiazzata da "le peuple bleu".



Purtata dapoi un pezzu da i muvimenti è partiti naziunalisti, a brama cuntenuta in quelle trè parolle hè oghje in bocca à tutti. Quale hè chi ùn hà parlatu di u populu corsu dapoi unepochi d’anni ?

I pulitichi, guasi ognunu, basta à vede i prugrammi di l’ultime elezzioni ; l’artisti, ne facenu a so spirazione, à sente li ; i spurtivi, tutti i ghjorni si rallegranu di scumbatte per « u populu corsu ». Ultimamente, u presidente di Reims (chì hà fattu un culpacciu à u Sporting...) s'hè scusatu : "Je n'ai pas voulu heurter le peuple Corse, mais je ne voulais pas être le bouc émissaire après leur finale".

A cunfusione pare tutale, ancu s'ellu hè per parlanne in bè (Didier Tholot in So Foot) :

U "peuple bleu" hà rimpiazzatu u "populu corsu" ?

Ma forse si parla di questu quì ?

U "peuple bleu" hà rimpiazzatu u "populu corsu" ?

Si vede difatti propiu bè ch'ellu ùn s'hè mai parlatu cusì vulinteri di quellu populu. Ma avà chi ì naziunalisti ùn sò più i soli à parlà ne, cumu pudemu esse siguri chì ognunu hà listessa capiscitura di sta lucuzione ? Serà u listessu u populu corsu di e rivindicazioni di u 70, è quellu di i pulitichi « cursisti » più o menu in mancanza d’idee ? Forse ci serà qualchi cunfusione.

D’altronde, induve si pò vede, stu populu corsu ? Ultimamente, a mossa più tamanta di ciò chì s’assumiglierebbe à un populu hè stata per u Sporting. Ore, ghjurnate sane di coda, d’attesa, tramutera di l’atru mondu in Parigi per difende è purtà i culori di u SCB è dunque di a Corsica.

Ci seria un altra causa capace d’infiarà stu paese di manera cusi intensa ?


U "peuple bleu" hà rimpiazzatu u "populu corsu" ?

Forse vale à dì chì u populu corsu hè diventatu u già famosu « peuple bleu ». Quandu si vede chì u Statu francese ùn vole sempre mancu sente l’odore di u fattu storicu corsu, chì u cuncettu di populu corsu hè da partuttu in pulitica ma pocu à palesu per sti carrughji, allora forse si pò capisce chì a ghjente si cerchinu un sonniu cullettivu. È « u populu turchinu » ne pò esse a fiura.

Ma cosa ci firmerà di stu populu, passati i ghjucadori, cuntentati l’arbitri, ingullite e scunfitte ?

u 21 d'Aprile 2015



1.mandatu da stumacatu u 21/04/2015 15:04
E allora ?

"Insulaire" hà bè rimpiazzatu "corse" annantu à Via Stella, RCFM, F3 Corse ("Insulaire", no ?), CM...

Eppuru, 'Insulaire" vole di "d'une île, de l'île" e micca "corsu" !!!

Dindu "populu turchinu", un si dice piu "populu corsu", un n'hè megliu...?

E po ci vole à di chi c'hè piu bandere turchine che bandere bianche stampate di a Testa Mora in Furiani...

2.mandatu da fier d'être bleu-blanc-rouge u 21/04/2015 15:10
u "peuple bleu" hè fattu dinù di pinzuti chi vanu à Gifi a dumenica. sapete, di quelli OVNIS chi ne ghjunghje 4000 a l'annu.

u populu corsu ? unn esiste più

3.mandatu da stumacatu u 21/04/2015 19:22
"u populu corsu ? un esiste più"...

Esiste sempre, mà si ne more...

4.mandatu da barça u 21/04/2015 20:48
avatar

5.mandatu da Turchinu corsu u 22/04/2015 20:47 (da un teleffuninu)
U populu turchinu hé una manera chi permette l''integrazione per fa nasce u nuvellu populu corsu

6.mandatu da Hamed Zufiume u 22/04/2015 23:05 (da un teleffuninu)
U "peuple bleu", quellu chì manghja "du pain et des jeux" ?

7.mandatu da estrimei u 24/04/2015 08:55
accade spessu chi i scritti di a piazzetta ùn mi ghèrbinu ; sti pochi di tempi , accade dinù , ch'elli ci sienu scritti (cume quessu) chi signaleghjanu fatti chi purtati a u nome di a Corsica participèghjanu à a scunfitta di a nostra nazione.
Hamed Zufiume scrive :U "peuple bleu", quellu chì manghja "du pain et des jeux" ?
innò o Hamed , quelli chi portanu e bandere turchine ùn anu bisognu di pane , ma, a cantu a elli , ci ne sò d'astri a i qualli u pane ùn basta ...
ci sò l'associ di custi , i sindicati di quallà , chi secondu u ghjornu , secondu u 'nteressu , sò corsi o frencesi .
e pò ci hè a ctc ,`ncù l'umniputente P.Giacobbi
- chi una carezza di quindi , un pattone di cullandi , chi ùn hà più solli in cascia ma chi ghjetta solli a ghjittera .
-chi chjode bocc'e c... e lascia u sollu , a cumbina , piglià a maestria per l'anni a vene di u serviziu marittimu.
nimu ùn anscia! e mi parenu , belli pochi , per disgrazia , a appughjà l'amicu Mosconi e u u stc di i marinari

di l'interessi - quelli ch'elli chjamanu in frencese :"droits imprescriptibles"- di u Populu corsu nantu a SÒ terra , tuttu u mondu si n'hè scurdatu .

8.mandatu da Paulu Bellucuse u 24/04/2015 19:34
Bleu c'est juste avant à point...

9.mandatu da luca u 24/04/2015 22:56
Per me u populu turchinu si riferisce a la ghjente corsa ma in un ambiente sportivu
Mentre chi u populu corsu è un entità culturale più vasta e concreta
Poi ùn la so per voi ma per me peuple bleu mi face pensà a sang bleu ùn la so se è fatta apposta a confusione ma ùn mi garba tantu

10.mandatu da luca u 24/04/2015 23:01
Stumacatu face 1'seculu chi dicenu chi simu morti ma simu sempre qui ùn ti ne fà per u populu corsu ancu u latinu u chjamanu lingua morta eppuru si parla sempre

11.mandatu da UNGHERIA 1956 u 27/04/2015 08:48
una nova tinta ne i populi culunizzati da a rep francesa????

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta