Accueil
Envoyer à un ami
Version imprimable
Partager

U più grande mitomanu di u mondu hà ghjucatu à u GFCA

A storia ùn pare mancu vera. Un bresilianu hà fattu a so carriera sana in l'anni ottanta fendusi passà per un futbalore allora ch'ellu era una buchja di pomu. È hà finitu à u Gazélec.



U più grande mitomanu di u mondu hà ghjucatu à u GFCA
A storia hè cuntata da So Foot è da u Courrier International.

Si chjama Carlos Henrique Raposo, dettu "Kaiser". U so nome ùn vi dice nunda chì ùn s'hè micca veramente fattu cunnosce per e so qualità di futbalore. L'omu ùn hè micca abbastanza bonu per ghjucà à u livellu u più altu, ma hè malignu. O piuttostu hè amicu cun qual'ellu ci vole : Romario, Bebeto, Branco.

U so pianu machjavellescu : arrangiassi cù i so amichi futbalori per firmà un cuntrattu à diritta è à manca... è dopu feriscesi in furia à l'intrenamentu. Cusì, ùn ghjoca mai una partita. Tandu, l'IRM ùn esistenu micca. À u primu colpu, "Kaiser" cascava cum'è una foglia è si passava qualchì settimana à l'infirmieria.

E so amicizie li permetteranu di fà una bella carriera : Vasco de Gama, Botafogo, Fluminense, Flamengo, Messicu... allora ch'ellu hè un zappaghjolu nant'à u terrenu.

Ben'intesu, truverà unepochi di catini per crede à e so bugie in Auropa è finisce per firmà... à u GFCA. Simu in u 1989. A seguita di a storia, a conta So Foot :

Lors de sa présentation en grande pompe organisée par le club corse, le joueur panique : « Le stade était petit, mais plein de supporters. Je pensais que j'allais seulement entrer sur la pelouse et saluer. Mais ils avaient mis des ballons sur le terrain. Je ne savais pas quoi faire, alors je les ai tous dégagés dans les tribunes et je me suis mis à embrasser l'écusson du club. Les fans étaient hystériques. Je n'allais pas me faire griller le premier jour… »

È iè. Ne ci vulia bè unu. Cunclusione di u "mytho" : « Les clubs ont arnaqué et arnaquent encore beaucoup de footballeurs. Il fallait bien que quelqu'un se venge pour eux. »

Hè ghjusta. È arrubanu ancu i cuglioni di sustenidori. Qualchissia hà nutizie di Flavio ?

U più grande mitomanu di u mondu hà ghjucatu à u GFCA

u 16 di Ghjugnu 2015



1.mandatu da claude e. u 16/06/2015 09:55
ie e statu presu da a meria di santa riparata

2.mandatu da ronaldu u 16/06/2015 20:20
troppu forte u tippu !!!

3.mandatu da P iacobi u 17/06/2015 08:42
a si merita una fetta di pulenda in faccia, nò ?

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta