Accueil
Envoyer à un ami
Version imprimable
Partager

U più impurtante hè di participà

L’Armata Francese, avvezza à pigliassi conce, chjibbe è riviste, ùn si vole piantà. Sta volta ùn sò nè i Rumani, nè l’Alemani nè astru nimu à mèttela in dirotta. Hè ella stessa : duie cumpagnìe si sò tirate adossu in Afghanistanu. Un bellu esempiu di Fair Play.



U più impurtante hè di participà
Pochi ghjorni fà, in un cunflittu induve a so presenza rimarchèvule hè più ch’è di primura, i sullati francesi si sò tirati à dossu. Un rispunsèvule sopr’à locu hà dichjaratu ch’ellu ci era statu un isbagliu è chì un’unità di l’Armata avìa fattu focu contr’à un’antra. Nunda di male. Ancu ancu chì ci sò stati i feriti è chì ci n’hè unu in discussione avanzata incù u Barbutu per una piazza à l’altru mondu.

Ci hè veramente da dumandassi cosa ci anderà à fà sempre l’Armata Francese innù i cunflitti, ella chì ùn hà più guadantu una guerra, è nè mancu una battaglia dipoi itempi di u puverettu di Napulione.
L’Alemani, chì avìanu piegatu a ligna Maginot – l’infranchissab’- in quattr’è trè sette èranu tandu troppu forti, l’Algeriani troppu famiti, i ribelli Afgani… troppu, è basta.

Ci vole malgradu tuttu à ricunnosce à a Francia una capacità à fà crede ch’ella vince tutti i cunflitti induv’ella hè ingagita bench’ella i perdessi tutti.

Allora pò esse chì, quant’è u Sporting, à rombu di falà, un bellu ghjornu l’Armata Francese cascherà abbastanza bassu per ùn scuntrà più ch’è avversarii à u so livellu. Si ne tichjeranu i siti di scumesse è di prunòstichi à l’usu bwin :

L’Armata Francese contr’à i Galapagos 1 N 2, à domicile ponu fà qualcosa
L’Armata Francese contr’à u Botswanà 1 N 2, digià più cumplicatu
L’Armata Francese contr’à u Vaticanu 1 N 2, mancu stampa
L’Armata Francese contr’à Plabennec è Luzenac 1 N 2, perchè micca ?
L’Armata Francese contr’à i pumpieri di Cervioni 1 N 2 sigura…
L’Armata Francese contr’à I Muvrini 1 N 2. Eh di tutte e manere I Muvrini sò i più forti !

Di chè ? Ci ralegremu di i guai di sti pòveri sullati pinzuti ?
Iè.

u 22 di Sittembre 2010
Ussamà Ben Lazezu



1.mandatu da anto u 22/09/2010 05:55
E L'ARMATA FRANCESE CONTRA L'ARMATA CORSA ?

2.mandatu da Camperemustacci u 22/09/2010 09:26
u Bostwanà, accantu à u Zibamwe?

3.mandatu da misiri isabelle u 22/09/2010 12:58
j'aimerais bien que l'on puisse traduire en Français , car je n'ai pas la chance de comprendre le corse.

4.mandatu da corsu u 22/09/2010 15:33
a isabella

a sapete comu u corsu he sparitu: parchi c'hera sempre una parsona chi un capia u corsu

fate vi traduce pa un prufessore di corsu (ghjuvan francescu di calvi par asempiu

5.mandatu da U Rossu... u 22/09/2010 16:42
E sole volta induve l'armate francese so state vincente solu dà per elle (Micca cume a prima e seconda guerra mundiale...) era quandu l'aiaccinu Buonaparte cummandava a "grande armata" è era dinù l'Imperatore di i francesi.....Pè a guerra francesi ùn ci capiscenu une cavulu.......Dunque a Soluzione ghjè una francia mà Corsa...!!

6.mandatu da U Rossu... u 22/09/2010 16:45
* un cavulu...

7.mandatu da spaisatu u 22/09/2010 17:00
"Partir en guerre sans les francais, c'est comme partir à la chasse sans son accordéon"

dixit Géneral N. Schwarzkopf, commandant en chef opération "Désert Storm" (Tempête du désert.) 1991.

8.mandatu da per ride u 22/09/2010 18:04
L'armata francese hè prisente in corsica dipoi u 1768...

Soca l'urganettu cunvene à i corsi?

è po sò tanti i corsi à magnà à i MESS

9.mandatu da u stumacatu u 22/09/2010 19:17
pas de victoire depuis napoleon! retourne a l ecole coco tu fais quoi des victoires du second empire ,de la victoire de 18(et le sacrifice d innombrables corses) .

10.mandatu da U Rossu u 22/09/2010 20:16
Aghju bè dettu nunda dipoi i Bonapart..... u secondu imperu face partitda postu chi ghjè torna sta faliglia corsa aiacciana ...In 18 a vittoria hè stata pussibule hè vera incu u sacrifizu di 20000 corsi mà senza l'aleati anglu-sassoni hè ci sarebbe statu vittoria....hè sarebbe forze statu megliu pè noi...(A parè meiu..)

Ps : Stu blog deve firmà in lingua nustrale o stumacatu..ùn ti nè scurdà...è sapia chi à a scola ci voltu spessu....!!


11.mandatu da u stumacatu u 22/09/2010 20:26
je veut juste que l on insulte pas nos ancétres corses qui se sont bien battus et sont morts pour un pays qu ils n avaient pour la plupart jamais vu.salute a tutti.

12.mandatu da estrimei u 22/09/2010 20:39
o stumacheghji ,
ti dà fastiu di scrive in corsu?

13.mandatu da U Rossu u 22/09/2010 20:50
@ Stumacatu . Iè so morti...mà micca pè a francia, so morti dà a francia......!!

14.mandatu da LIEBEN u 22/09/2010 23:36
dommage qu'il n'y ait pas la version en français malgré mes connaissances en langue CORSE j'ai quelques difficultées à tout comprendre

15.mandatu da frederic hantzonetti u 22/09/2010 23:39
cosa anu tutti à dumandà a traduzzione in francese cun st'articulu ?

ça bisque à la caserne ou quoi ?

16.mandatu da Genghis Cane u 23/09/2010 18:03
o les bidasses piantate appena avà
hè longa a cumpagnia di quelli "morti pè a Francia"

17.mandatu da marboeuf u 23/09/2010 21:13
Hè sopratuttu longa a cumpagnia di quelli morti per nunda... Tantu chi ci sarà bandere anant'à sta terra, è pecure per marchjà darettu à u son' di u tamburu, l'umanità un valerà una baiocca...

18.mandatu da nicolas sarà cusì u 24/09/2010 10:45
"Bella gamba sè una guerra hè ben'fatta, per quellu chì ci lascia l'osse hè sempre una disfatta.Cumu fà per ùn rivede 'ssu fattu? Fà tace i sumeri chì roncanu l'attaccu!"
Natale Rocchiccioli

19.mandatu da Suruffu corsu u 24/09/2010 14:31
Eiu faciu parti di quidd armata ghjustappuntu.So d' accunsentu cun certi parolli, ma d' altri no. A guerra ne possu parla postu ch aghju fattu 2 volti l Afghanistan(10 mesi)) , ed un era micca da distribuiscia cuverti o altri affari. Hé Vera chi l armata francesa un ha missu una concia a nimu dipoi ssu traditori e bastardu di Napuliò. Ma pa u restu CI voli a veda CIO chi c hé darettu.ci voli a capiscia chi St. Armata hé cumandata da i pulitichi baulli e vigliacci. i francesi so sottumissi a l americani e mandani i so suldati a morra pa eddi, u petrollu e n importa chi , ma a salvezza di francia no. Di sicuru u suldatu a sceltu di pudè morra un ghjornu a u cumbattu. Ma morra pa l
americani, pa
l intéressi di Total,Areva etc ,quissa no. Si po rida di stu casu di "tirs fratricides français " ma ci voli a rifleta parchi so cula? chi hé a mutivazioni? In fine un si devi scurdà chi di ssi morti o firiti, ne fermani morri famiddi in dolu è morri urfaneddi

20.mandatu da pinzutu.scalcitadonne u 24/09/2010 21:44
O Suruffu, per piage, que vule di a parola "eddi" indu tu post 19, un l'aghju scontra inde u mo dizziunariu, per u restu so d'accodu cio que tu sribe, per u piu.

21.mandatu da Surcuffu corsu u 25/09/2010 00:16
eddi o elli se tu voli, so l americani è tutti ssi putenzi impirialisti chi ani da conducia u nosciu mondu versu l abissi, parlendu di guerra contru a l islam, di negazioni di l eculugia è di cinisimu, hé longa a lista. Ié c'hè di piu peghu che i francesi, ci so EDDI ssi purciddò e salvatichi d' americani è di Statu ghjudeu dinò (par dilla forti)

22.mandatu da spazzinu.. u 25/09/2010 07:26
@ Suruffu, mà chi ferai indè st'armata, hè bella è bona di criticà mà si andatu à cumbatte no ??

23.mandatu da Surcuffu u 27/09/2010 20:45
Eiu criticheghju i raghjoni di fa sta guerra è manera di parlane . Par risponda a i to quistioni, ié mi so fattu tirà da i barbutti a colpi di mortier rpg7 è kalasci , è ben intesu aghju rispostu. militariu hè un beddu mistieru par mè, un mi socu ingagiatu pà l amori di sta bandera postu chi a marsegliesa un l aghju mai cantata manch' in reggae. Senza paragonu mi pari chi ghjera u casu di certi naziunlisti famosi ( so spariti ava)

24.mandatu da spazzinu.. u 29/09/2010 18:14
Eccu aghju capitu chi hai risicatu a to vita, mà ùn m'hai micca dettu perchè ??* Ai ripostu à i tiri ùn ci nunda di vergugnosu, hai difesu a to vita è averai vistu cio ch'elli l'islamisti..Certi naziunalisti e numerosi corsi hannu fattu e guerra pè a Francia, pè duvere o pè isoldi e po certi hannu capitu ch'elli ùn eranu francesi, eccu ùn hai cantatu l'innu francese mà averai salutatu a bandera e purtatu a tenuta.. mà perchè ?? pè i soldi (Ghjè una bunissima ragio;;) o pè gustu di l'aventura o di u cumbattu (passione corsa dipoi chi u corsu esiste..) Corsi hannu sempre fattu guerra pè elli pè l'altri e pè i soldi, ùn simu mai stati un populu di "pantouflards" in chi regimentu eri, le 8 ??

Novu cumentu :