Accueil
Envoyer à un ami
Version imprimable
Partager

U ritornu di i pippulacci

Eccu ! U nostru cutitianu vene di lancià di manera officiale l'estate. À u prugramma : prumuzione di a vulgarità, di a mediucrità è di u bling-bling.



U ritornu di i pippulacci
U festivale di i pippulacci hè apertu in Corse-Matin.

Allora chì in listessu tempu u giurnale Corsica lanciava un cartulare nant'à i Pippoli (cù a so pretensione è e so villà bunkerizate in bor'di mare), u cutitianu ellu li piace à andà à serveli a suppa.

Quid di a bettunizazione ? Di u prublema di i prezzi di l'immubiliare chì ùn piantanu di cullà ? Di un'isula chì và di più in più versu un tuttu turisimu divastatore ?

MNF ! Corse-Matin preferisce fà a prumuzione di a mediucrità è di a vulgarità. Si cummencia forte, ghjudicate da per voi : Corti, Titoff, Elie Semoun...

Aspettemu cun impazienza à Daniel Ducruet, Didier Barbelivien, Jean-Pierre Pernaut, Arthur, Vincent Mac Doom è Jean Sarkozy.

È perchè micca a reabilitazione di Jacques Séguéla ? Quessa, Corse-Matin n'hè capace.

u 13 di Lugliu 2009
U Sgaiuffu



1.mandatu da KÜG u 13/07/2009 11:38
10 + grill

2.mandatu da piratella u 13/07/2009 11:51
più chè mai, u solu "ghjurnale" suppurtevule hè ""A Piazzetta"! lol

3.mandatu da torche-matin u 13/07/2009 11:52
i Corsi ùn ponu campà più che in Lupinu, i Salini o Pifano ?

è chi po fà !

Corse-Matin, continue de nous faire rever avec tes pages people !!!

4.mandatu da sumenta u 13/07/2009 13:27
u peghju hè di pensà chì ci so i lettori per stu generu di nutizie...

5.mandatu da rughjatore u 13/07/2009 14:15
u peghju è di pensà chì Croci-Matin ghjè u nosciu solu veru ghjurnali ...

6.mandatu da rughjatore u 13/07/2009 14:16
*hè

7.mandatu da Ghjuvan Filici u 13/07/2009 20:05
Saria bè d'avè un altru cutidianu oramai, di suchju menu liccaculu.

ùn ci ni sarà "mécène" cù un ciarbeddu in piazza in 'ssu paesu ?

8.mandatu da azizume u 13/07/2009 23:03
face una bella stonda chi un si compra à nice-matin UNICAMENTE PER VEDE I MORTI

9.mandatu da coybénite u 13/07/2009 23:20
è chi ci face Dave quì à mezu ?
Garbarini è Talamoni va bè mà Dave è semoun po allora chi ci feranu ?

10.mandatu da U cantadori pumuntincu u 14/07/2009 00:13
Ghjè Martin Solveig lol

11.mandatu da ricky u 14/07/2009 01:54
ùn sapia mancu chi Jean Guy Talamoni cunniscia à Dave è ch'ellu si ne falava ogni tantu à via notte...


12.mandatu da corse-matinu u 14/07/2009 15:38
rilancia u dibattitu nant'à un veru cutitianu corsu. ma quale po investisce tanti soldi in qualcosa ch'un hè micca rentabile... ???

forse a soluzione vene da l'internet?

13.mandatu da Puttachjò u 15/07/2009 07:09
JP Pernault ghjunghjerà d'aostu, ùn v'inchietate :-) A vulete un'intervista per a Piazzetta ?

14.mandatu da estrimei u 15/07/2009 11:45
o azizume ,
noi dui ci duvimmu cuntrà : tu si azezu e eu carcu d'estri; he per quessa ch'o ti vogliu ajutà:
vai nantu a tilatica e cerca "corse matin " dopu appoghja nantu a "journal en ligne" dopu ti dumandanu d'arregistratti; quand'ell'he fatta vai nantu a gratuit e custi hai i morti senza paggà.
se tu strazii dumandammi.
eu facciu cusi e tutte e mani leghju i morti

15.mandatu da filidatu u 15/07/2009 11:56
O estrimei
aghju intesu dì chì u giurnale in ligna ùn si pudia cunsultà chè à parte da una cert'ora micca a matina à bon'ora
Serà vera o serà una bucia per fammi cumprà sempre à torche matin?

16.mandatu da chì ne socu eiu u 15/07/2009 12:18
ghjè una bugia, u poi cunsultà à partesi di 7 ore.
eiu facciu cusì ;)

17.mandatu da estrimei u 15/07/2009 12:40
ié , ava , marcanu 7ore ma fin'a pochi tempi fà eu u leghjia versu 6 Ore 10.

18.mandatu da filidatu u 15/07/2009 15:11
à ringraziavvi per u rinsignamentu

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta