Accueil
Envoyer à un ami
Version imprimable
Partager

U sacrifiziu di u Casoni ?

U populu turchinu ùn hè micca cuntentu, u Sporting s'avvicina pianu pianu di l'ultime piazze. S'ellu ùn batte micca à Sedan, ci vulerà à fà un sacrifiziu...



U sacrifiziu di u Casoni ?
À trè punti di a falata, cun un attaccu chì face pietà, un ghjocu dèbbule è solu 7 punti (nant'à 15) pigliati in casa soia, u Sporting face sudà i so sustenidori. Di più in più in zerga contr'à u so intrenore, s'ellu ùn vince micca contr'à Sedan venneri, u SCB serà di manera offiziale in crisa. Femu u puntu nant'à l'ambianza à u Skeubeu.

L'anti-Casoni : si facenu sente di più in più forte è facenu un pezzu ch'elli dumandanu a demissione di Bernard Casoni. E ragioni : e so ozzioni tàttichi, i so cambiamenti strani, a so satisfazione dop'à tutte e partite, ancu perse, a so cunfianza in i so ghjucadori...

I pro-Casoni : Di menu in menu numerosi, dicenu chì malgradu tuttu, Casò face un bon travagliu, cù i pochi soldi è i pochi mezi ch'ellu hà u Sporting.

Allora chì fà ???

Tene à Casoni : ùn hà più a cunfianza di una grande parte di u publicu. Pò vultà, ma ci vulerà à vince almenu i 12 prussimi macci per 3 à 0. Vistu u ghjocu praticatu, serà difficiule. Si a squadra ùn reagisce micca subbitu, a stagione puderà veramente diventà un infernu.

Caccià à Casoni : L'intrenore hè sempre u primu à pagà pè a debbulezza di i so ghjucadori, è u publicu dumanda sempre un sacrifiziu quandu l'affari vanu male. Ma per mette à quale ? Licenziallu costa caru, è i soldi mancanu. E suluzioni à l'internu sò Philippe Anziani è Michou Padovani.

O sinnò ? Frédéric Hantz ? Francis Smerecki ? U spaventu di u ritornu di Robert Nouzaret ???

Una prima risposta dop'à a partita contr'à Sedan... È voi, chì ne dite ?

u 30 d'Utrovi 2008
u webmaestru



1.mandatu da bernard nasoni u 31/10/2008 09:38
UNA SOLA SULUZIONE : A DEMISSIONE !!!

2.mandatu da GWM u 31/10/2008 10:37
"DEMISSIOOOOOOOOOOOOOOOOOOOOOOOOOOOOOON" incù l'accentu di J2M !

3.mandatu da casinchese u 31/10/2008 10:44
forse averà fattu i sbaglii ma serà ellu u solu rispunsevule? I ghjucadori ùn ci vulerà micca à metteli in causa?

4.mandatu da Zorba u grecu u 31/10/2008 14:48
Vogliu à Jacques BASTIANESI !!!

5.mandatu da bernard pazzoni u 01/11/2008 11:11
è merda... ma cum'ellu a dicia un tippu à u stadiu eri dopu a vittoria : O CASONI, TU ES MAUVAIS QUAND MEME !!!!

6.mandatu da Mirvella u 01/11/2008 11:46
Ch'iddi si mantinissini, sarà ghjà una bona.

'Ssu Casoni ùn la so po' ciò ch'iddu vali, ma i ghjucadori s'iddi sò zappi sò zappi, è basta !

Ah nò, ani vintu arisera...

7.mandatu da Balaninu u 01/11/2008 12:51
Avemu vintu arisera, avete da vede voi, quist'annu cullemu ! (In Tighjime)


8.mandatu da uomudibiendadaccuanustrale u 01/11/2008 19:02
Ma ino ci a dà fà cuddà in Marseilla Bernardu Casoni.. . . . .

9.mandatu da D. MISSION u 08/11/2008 01:32
DEMISSION !!!!

10.mandatu da macà u 09/11/2008 15:17
so dacordu incu casinchese casoni fora ma micca solamente. hètempu di da una bella spazata

11.mandatu da A MUVRA RIBELLA u 22/03/2009 08:39
casoni face so che lu po tutti manghinioni a direttione

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta