Accueil
Envoyer à un ami
Version imprimable
Partager

U scumpientu di Furiani : a scopa o a fanga?

Mentre a Corsica sana s'aspettava à un scontru di quelli è chì u populu corsu s'appruntava à festighjà nun solu a vittoria di u Sporting ma quella di a Corsica, a serata s'hè compia in i lamenti adduluriti è in u tazzu di l'elicotteri. L'ambiu festivu d'alegrezza pupulare hè turnatu torbitu, incù e racane di i pumpieri è e lacrime mammarecce...



drama, tragedia, furiani, 1992, maghju, 5, scb, bastia, om, marseglia, tapie, filippi, soldi, vittime, morti, ballò, corsica, corse, football,
drama, tragedia, furiani, 1992, maghju, 5, scb, bastia, om, marseglia, tapie, filippi, soldi, vittime, morti, ballò, corsica, corse, football,
U scumpientu

Più di 2300 feriti è 18 morti per una partita di ballò chì vulia esse a festa d'un populu sanu. Quella sera, a Corsica hà tuccatu, una volta di più, u fondu. Dipoi, hè passatu un prucessu chì ùn hà arregulatu nunda nunda, ne à u dulore di e famiglie, ne mancu à u stadiu di Furiani chì dipoi, hè statu rifattu à pezzi è à bucconi.

A muralità publica...

Ghjustu à puntu, parlendu di bucconi è di manghjoni... Malgratu stu drama, certi si sò tichjati quandu elli anu custruitu e tribune nove. Chì stumacheghju! Chì vergogna!

testa mora, stade, stadiu, bastia, psg, 1994, furiani, drama, sustenidori, scb, publicu, statu, eletti, basta,
testa mora, stade, stadiu, bastia, psg, 1994, furiani, drama, sustenidori, scb, publicu, statu, eletti, basta,
Furiani: a scopa o a fanga?

16 anni dopu u 5 di maghju 1992, ne simu à sicutera. U stadiu ùn hè ancu compiu. Malgratu centu annunzii, malgratu i feriti è i morti, malgratu a cuppa di u mondu di u 1998, malgratu u PEI, malgratu e prumesse, u stadiu di Furiani face cum'è a scopa... Ne simu sempre à scumbatte per avè una miseria. Di tantu in tantu, spunta un fiore, una tribuna o una dichjarazione chjuccuta, eppò passanu e stagione... U stadiu di Furiani face cum'è a scopa. Hè fiuritu ma ùn hè mai granatu...

Cusì, a storia di u stadiu di Furiani simbulizeghja i 40 anni scorsi. U soffiu di sperenza inghjenna una situazione più pessima chè quella di nanzu. Ma quandu hè chì la feremu, cum'è u pueta, à trasfurmà a fanga in oru, à fà di a sperenza pupulare, u solcu di a nostra casa cumuna?

u 5 di Maghju 2008
Sbanditu



1.mandatu da estrimei u 05/05/2008 15:59
Quandu? quandu u Populu serrà cuscente ch'ell ' he ellu u rispunsevulle di tuttu.
s'elli ci so stati,s'elli ci so i manghjoni ,he colpa nostra ,a colpa di un populu chi un si rispetta piu ,chi accettta tutte e cumbliculle perch'ellu pensa ch'ellu ne po avè bisognu,ch'ellu he troppu periculosu di dinunziale .
e postu ch' ellu si tratta di ballo, ferraghju a mio dumanda tradiziunale(a so, he una di quelle chi un facenu tantu piacè ) :induve he benefiziu per u Populu , per a Corsica , ch'elle ci sianu duie squadre prufeziunali ?
oghje,16 anni dopu , induve so i rispunsevulli di a strage di Furiani, induve so e cundanne?
eu, cumme cundanne , un cunoscu che quelle di sti disgraziati chi ci hanu lasciatu a vita o chi so stati ferriti.i veri ferriti......
u soldu ha mantenutu a suprana, he l'arrabiati so sempre pronti a andà ind'er diavule per difende e so bandere in fenduci crede ch'ell'he per l'onore di a Corsica.
scuserete , ma a mè mi pare chi per difende l'onore di a Corsica ,ci'ole a difende u Populu, tuttu u Populu e di piu quelli chi so nu u bisognu che l'altri.cusi ,forse ci puderemmu salvà, o signo, avemu tutti a capicciuttà

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta