Accueil
Envoyer à un ami
Version imprimable
Partager

U stadiu di Cagliari, peghju ch'è quellu di Bastia ?

Stadiu troppu vechju, partite à porte chjose, tribune pruvisorie... A situazione di u club di Cagliari hè guasi peghju ch'è quella di Bastia. Attenti, a storia hè un pastizzu di quelli maiò.



U presidente di u Cagliari Calcio, Massimo Cellino hà cunfirmatu ch'ellu lasciava u so club à un fondu d'investiscimentu americanu. Hà dettu ch'ellu a facia "per il bene della Sardegna", è ch'ellu era fiaccu di battesi per u stadiu.

Ci vole à dì chì u club sardu si ritrova in un pastizzu, peghju ch'è quellu di Furiani. Attenzione, hè cumplicata.

U stadiu storic di u Cagliari Calcio, hè u Sant'Elia. Hè statu custruitu in u 1970, dop'à u solu tìtulu di campione di u club sardu. U stadiu hà ancu ricevutu partite di a cuppa di u mondu 1990. Ma cummencia à esse vechju è periculosu pè riceve a ghjente. Hè chjosu di ghjennaghju 2012. Tandu Cagliari ghjoca à porte chjose, senza nisun sustenidore.

U presidente Cellino decide allora d'andà à ghjucà e so partite in casa in Trieste... à 1000 chilometri di Cagliari.

Una suluzione pruvisoria hè trova. In tantu ch'ellu si face un stadiu novu, Cagliari ghjucherà in una cummuna vicina, à Quartu Sant'Elena, in u stadiu Is Arenas. Ma à partesi u terrenu, ùn ci hè nunda. Si custruiscenu allora quattru tribune "pratichèvule" (hum...) à corri corri.

Ma cum'è in Corsica, l'affari ùn sò micca semplici. A ghjustizia mette in causa u presidente Cellino d'avè fattu pressione per accelerà i travaglii per custruisce un stadiu pruvisoriu d'Is Arenas. Sette persone si truveranu in prigiò (è dinù u presidente Cellino). È ùn si ghjoca micca subbitu. Certe partite si ghjocanu à porte chjose, dopu solu cù un mezu stadiu apertu à u publicu, eppò ancu partite nant'à terrenu neutru...

Dop'à parechji imbroglii, u club s'intuppa cù l'autorità è decide d'abandunà Is Arenas per turnà à parte in... Trieste.

Per finisce, u club rossu è turchinu decide di vultà à u Sant'Elia, fendu unepochi di travagli. Hè per quessa ch'elle ci sò tribune pruvisorie, messe nant'à e tribune in bettone. Hè forse u solu stadiu à u mondu chì hè cusì.

Curagiu amichi sardi. In quant'à noi, avemu aspettatu vint'anni per avè un stadiu in Bastia chì s'assumiglia à un veru stadiu. Ma avà ch'ellu hè custruitu, hè digià vechju...

U stadiu di Cagliari, peghju ch'è quellu di Bastia ?

u 30 di Maghju 2014



1.mandatu da ghjiuvanluca u 30/05/2014 08:30 (da un teleffuninu)
Un ringraziu pa''u voscu interessamentu.Nudda e''sicuri per ava''.Quellu chi preme di più e'' l''allargamentu di a capienza a 16.000 piazze e iscrizione a u campionatu.Nimu stadiu,nimu campionatu.Poi ci e'' u misteriu di a cumpravendita sucietaria.Saluti

2.mandatu da sardu u 30/05/2014 15:26
ormai u cunisciu tuttu u mondu!!! a quartu(chi hè a mia cità e is arenas u meiu quartiè) i cagliaritani credu chi righiocherannu a trieste! sinù addiu serie A...

3.mandatu da turchinu u 30/05/2014 18:12
Chi si passa da veru in Cagliari ? L'amichi sardi ponu risponde ?

4.mandatu da Corsicanu u 30/05/2014 18:17
u fondu d'investimentu americanu hè cio chi c'hè di megliu pe stu club....

5.mandatu da sardu u 30/05/2014 18:44
scusa turchinu un aghju capitu,in chi sensu?

6.mandatu da ghjiuvanluca u 30/05/2014 20:13 (da un teleffuninu)
Quellu chi si passa daveru,un lu sapimu micca.U presidente Cellino dice chi i Solli duverianu esse girati mercuri o a trattativa salta.Tottu e'' ancu'' pussibili.Pa''Noi Sardi a suffranza continueghjia

7.mandatu da sardu u 30/05/2014 21:39
a ok

8.mandatu da acquaviva u 31/05/2014 01:51
cagliari anni 70 U SCUDETTU CUN GORI RIVA NICOLAI POLI ALBERTOSI CERA DOMENGHINI TOMASINI E DOPU UNIPOCCHI DI QUESTI IN FINALE A MESSICO CONTRA U BRASIL DI PELE GERSON TOSTAO RIVELINO JAIRZINHO E NOI ZITELLI............................

9.mandatu da sardu u 31/05/2014 02:48 (da un teleffuninu)
bravissimu acquaviva mancu eu mi ricurdavu...!:)

10.mandatu da Cagliari u 06/06/2014 07:22
Ci vuole il gemellaggio col bastia!!!!

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta