Accueil
Envoyer à un ami
Version imprimable
Partager

U suicidiu d'un populu

I Corsi ùn anu bisognu di nimu per smarrisce. Si tombanu trà d'elli.



U suicidiu d'un populu
Cù sta duminicata di Pasqua nera, hè di ritornu u spaventu d'una guerra trà di Corsi. Ma una volta chè no ci semu lamentati, chè no avemu pientu à Cursichella è lagnati nant'à "Corsica ùn averà mai bè", chì femu ?

Saria ora d'interrugacci nant'à sta malatia chè no avemu, quella di l'autodestruzzione. A Corsica hè in pistìcciuli : ecunomicamente, sucialmente, culturalmente... ma pocu impreme, ci vole à cuntinuvà à stirpacci trà di noi per esse l'ultimu capimachja d'un paese stracciatu chì piglia a via di l'autodestruzzione.

Jo Sisti era un artigianu di a recunciliazione è di l'accordi di u Fiumorbu in u 1999 dopu à a guerra trà di naziunalisti. U sìmbulu hè forte.

Tuttu ciò chì Bucchini trova à dì hè "basta basta basta" (nant'à France 3). È dopu ?

Quellu chì avia parlatu di "mafieux qui vont faire leur entrée à l'assemblée" ùn s'hè più intesu nant'à stu sugettu. Peccatu. In tantu, a "cummissione viulenza" di a CTC hà decisu dop'à un annu di riflessione di creà un osservatoriu di a viulenza.

Vincent Carlotti scrive ellu chì : Il faut arrêter de pleurnicher et agir afin que cette île ne sombre pas définitivement entre les mains des crapules , corses elles aussi, qui sont en train de faire main basse sur elle. Il n'y a pas de fatalité face aux voyous, il n'y a que de la lâcheté derrière les bons sentiments.

Pierrot Poggioli : Aujourd’hui, comme hier, certains mécanismes sont en œuvre pour créer les conditions de dérives sanglantes qui, au-delà même des protagonistes impliqués visent à un seul objectif : l’éradication de la contestation nationaliste.
Dans les années 90, au moment des luttes fratricides, certains hauts fonctionnaires se réjouissaient en privé de la situation, créée elle -aussi de toutes pièces : « qu’il se tuent entre-eux, c’est tout bénéfice pour l’Etat !
».

Interrugatu nant'à a guerra trà di naziunalisti, un prefettu avia dettu tandu "le combat cessera faute de combattants". Hè quessu l'Etat de droit ?

A Manca Naziunale ci vole à interrugassi nant'à e radighe di sta viulenza è u rollu di u Statu.

U grande bandittisimu s'hè stallatu in Corsica in l'anni 80, quandu i sforzi di a pulizza si cuncentravanu nant'à a lotta anti naziunalista. Hè cusì chì avà sò elli chì tènenu tuttu in stu paese.

A risposta ùn pò esse chè cullettiva.

Forse un ghjornu pianteremu cù i lamenti pieni di fatalità : "chì voli fà, hè cusì..."

Forse un ghjornu pianteremu cù l'autoflagellazione : "avemu ciò chè no meritemu..."

Forse un ghjornu ci renderemu contu chì davant'à u disastru ecunòmicu chè no cunniscimu, l'immubiliare, u tuttu turisimu è u tuttu BTP ùn sò micca una suluzione.

Forse un ghjornu pianteremu cù u mitu di u soldu faciule è di u maffiusellu simpàticu.

Forse un ghjornu pianteremu cù a sete di pudere autodistrutrice chì ci face dì : "si tu es pas avec moi tu es contre moi"

U populu corsu ùn hà bisognu di nimu per tumballu, si tomba da per ellu. Quandu accetteremu di fidighjacci in un spechju ?

u 10 d'Aprile 2012



1.mandatu da CECCU u 11/04/2012 01:05
oghje U populu corsu he solu bonnu à criticà i filmi nant'à Corsica. simu pinserosi di mentene pulita a nostra maghjina ma mancu appena di mentene pulita a nostra sucieta. un c hè piu capacità nisuna di riazzione contra i veri flagelli. a paura ha pigliatu a suprana. e u spiritu cumunitariu s'he scioltu a favore di l'individualismu e di u soldu rè

2.mandatu da J G u 11/04/2012 07:15
O ceccu un serve a nunda di rompesi a ceccu ( u capu ) aghju pigliatu pusizione più d'una vorta , ma a che ghjova ? u vermu hé in u fruttu , lisciu fora e cavonatu nentru

.E i ministri e i piuvani
Si ne lavanu e mani

Qual'hé chi tomba ? = a volpe !

3.mandatu da mamone u 11/04/2012 07:16
Avete ragione , o Ceccu , certi Corsi hannu persu u sensu di l'aiutu reciprucu . Inde u mo paese , l'invernu , so una cinquantina e so quassi tutti male in tra di elli per ghjelusia ...u n'hè più quellu paese induve mi so allivata . U soldu ha tuttu corromputu .

4.mandatu da Balaninu u 11/04/2012 09:08
Verità!! mà stu fattu maladettu un deve esse una scusa pè scurdassi di l'altru lattu di u prublema...è fassi l'alleatu di un'adantura chi più nimu un vole vede....abbaghjulatt ch'elli so..

5.mandatu da Corsicamortasi u 11/04/2012 09:19
Simu un paese di scemi e sopra tuttu sumeroni, aghju 25 anni e ogni ghjorni so stumacatu di i mio paisani, l avvene mi facciu veramente à paura

6.mandatu da Scortu u 11/04/2012 09:36
Pupulazione debbula e vechja, ecunumia di scumpientu, clanisimu, affarisimu, viulenza...
Tutte ste piaghe e cuniscimu. Mà ci ne he un altra e si ne parla pocu : un neo clanisimu.

Nè tutte e structure ecunumiche (serviziu publicu, sindicati, grandi strutture ecunomiche e pulitiche) ci so bande chi funzzionanu cume mini-clani e chi facenu e so legge, cumpurtendusi comme "mini lobby" piu o menu viulenti e maffiosi.

U dirittu di u travagliu ? Un benessere di tutti ? I prugetti cullettivi ? Un valenu nunda accanta à u Pudere individuale.
In Corsica ognunu vole esse qualchisia. Di pudente. Di riccu e di temutu di preferenza.



7.mandatu da Disgraziatò u 11/04/2012 10:35
Iè l'avvene face forse a paura.
Nò ùn simu micca un populu di merda cum'ellu si pò sente.
Ma tocca à noi à scuzzulà ci per ùn rinuncià. Scrive st'articulu, cumentà lu, piglià cusì a parolla hè attu di resistenza, quandu chì u presidente di a CTC ronca u so basta, basta, basta. Ùn hè nè curagiu, nè dignità, nè rispettu. Si scorda troppu prestu ch'ellu hà datu 300 000 euri per una fizzione chì ùn vale un cartucciu di l'arme chì ghjovanu à fà corre u sangue.
Aghju ghjustu una quistione : Vulerebbi sapè quant'elli sò stati l'eletti à esse si opposti à sta suvvenzione data per a seria mafiosa...

8.mandatu da Zeruffu u 11/04/2012 12:32
Anni 1990 : riescita eleturale; assassini...
Anni 2010 : riescita eletturale trimenda è a vittoria chi s'avvicina; eccu l'assassini, è u Prifettu, sta sera, chi hà certamente bivutu u Champagne.

Un semu un populu di m.rda, semu un populu sottumessu à a mafia UMP, è i servizi segreti di u Statu chi sò elli chi guvernanu ind'è noi.

9.mandatu da Scortu u 11/04/2012 14:21
Di sicuru 300 000 euro dati per Mafiosa, sta cu..ria senza nome !
Mà si puderia parlà dinù di tutti i soldi publichi ch'un so micca ben cuntrulati, quand'elli so !
Un ne pochi d'esempii cunsciuti dà tutti pigliti nè u Corse-Matin o nant'a Via Stella :
800 000 euro manghjati dà l'associu di u cunsigliu generale "Haute Corse développement", dissoltu dopu a anni e anni di maghjusca e senza una inculpazione nè licenzimentu !
600 000 euro qui mancanu à a Falep (corse du sud) e scruccunerie à l'ADMR (corse du sud) i ladri di u Secours Populaire chi si ne fughjenu cu 10 000 euro in liquidiu (!!) mà dinu incu u libru di conti !! e tante e tante...

In Francia a pulizza a l'ordine di lascià corre i trafichi in banlieue ghje cio ch'elli chjmanu "maintenir la paix sociale" i disgraziati si sterpanu trà di elli, megliu cusi per u Statu. Prumitei, l'art du feu in Francardu : millioni privita e publichi manghjati l'affare he chjosu mà i respunsebuli s'erannu tutti date belle paghe e augmentazioni ... Mai un so stati inchietati !

In Corsica, i soldi publichi un so micca o mal cuntrulati, un hè micca tantu u "lascià corre" chi a voluntà storta di u Statu di mantene a Corsica sotta assistenza e in manu à i servi neo-clanisti (di a CTC o di i cunsiglii generali)

Cuminciemu per dumandà a tracciabilità di i nostri soldi, di e "subventions", dumandemi conti : a transparenza financiaria ghje u solu mezu di caccià u capu di l'acqua e di ritruvà a strada di à dignità e di a vitalità ecunomica.

10.mandatu da ghjovanni u 11/04/2012 14:59
http://www.lafolla.it/archivio/page.php?w=185

11.mandatu da tuttu e lu so cuntrariu u 11/04/2012 18:13
e u "complexe de Janus" u cunniscide,ci simu in pienu.

12.mandatu da tuttu e lu so cuntrariu u 11/04/2012 18:15
Scusate ,ci vole à leghje cunniscite

13.mandatu da ANTO u 11/04/2012 18:55
Troppu scrucunerie immubiliarie ,troppu trafighi di droga ,troppu maccherelli ,troppu "casseurs" eccu cio chi ci porta sta viulenza.Ci volenu i soldi pè fa i sbacconi e pè travaglia a terra hè bassa !

14.mandatu da micca nome u 11/04/2012 20:26
Mi faccenu ride quelli chì si servenu di a puzza chì c'hè in stu mumentu per minà nant' à a dritta o a manca. Arrestate di fà a vostra propaganda merdosa, a situazione hè a bastanza grava. Cuandu capisciarete ch'elli sò tutti listessi si manghjoni

15.mandatu da nazionecorsarisurghjera u 11/04/2012 21:39
so cuntentu d ave trovatu stu situ e di puddé parla corsu ancu i mio paisani,eccu...aghu leghje i vostri cummenti e pensu chi ci hé una vulinta cummuna di sorte a nostra corsica di sta situazione!

16.mandatu da Adami Ghjuvan Carlu u 11/04/2012 21:45
Per contu meo, u primu affare hè di trovacci tutti inseme aldilà di e nostre sferenze numerose. L'esempiu di "A Quaresima di a Pace" organizata da certe cunfraternite hè stata per quessa una bella lezziò. Tutti, credenti o nò, pulitichi, sindicalisti, giovani è vechji...senza cambià ciò ch'elli pensanu, anu dettu a soia in una presa di parolla rispettosa di quella di l'altri. U solu penseru era di fà una leia forte trà di tutti per circà inseme qualchì manera d'agisce.
Per figurà sti momenti, diceraghju ch'elli sò stati cum'è una "piazzetta" di paese duv'ellu si và à u riscontru di vicinenti guasi scordati.
Sicura chì ci vuleranu tempu è curagiu per risanà a nostra Corsichella ma a soluzione ùn pò esse in l'accusa è ancu di menu in lu manicheisimu. A soluzione ùn pò passà chè pè u scontru è u ragionu.
Un contu resu di ciò chì hè statu dettu hè in appruntera è azzionelle silenziose ma prifonde sò digià in ballu.
Mi si pare chì a prossima addunita sia prevista pè u 4 di maghju à 7 ore è mezu in San Roccu (Bastia).
Tanti saluti.

17.mandatu da nazionecorsarisurghjera u 11/04/2012 21:46
un ci he mancu un partitu puliticu pulitu in corsica

18.mandatu da nazionecorsarisurghjera u 11/04/2012 21:52
se no tiremu tutti inseme forse cun ghornu sciapera

19.mandatu da nazionecorsarisurghjera u 11/04/2012 22:13
scambiu un pocu di sugettu....cumu vulete chi i giovanni parlanu corsu oghje? pigliu u me esempiu ,u corsu l aghju amparatu un pocu in paese ancu missia,e u pocu a u liceu,l aghju sopratuttu amparatu solu!vecu i me amichi,so corsi,so giovanni be,ma un sanu parlalu e si po capisce...i me parenti so corsi tutt e duie ma un m hanu mai amparatu a parlalu e cusi ava, un vecu micca cumu si po scambia

20.mandatu da lesexpertsà... u 11/04/2012 22:42
Trà quelli chi si trovanu in Paoli Calmettes in Marseglia; quelli chi so in prigiò è quelli chi cascanu cum'è mosche; ùn purtate penseru zitelli chi corsi da qui à pocu ùn ne fimerà più; VERGOGNA A TE CHI TOMBI I TOI: ceux qui prennent le glaive, periront par le glaive ( Matthieu xxvi )

21.mandatu da Casalta u 11/04/2012 23:54
eccu un bellu slogan :

VERGOGNA A TE CHI TOMBI I TOI

bravi !

22.mandatu da Claude E. u 12/04/2012 00:08
un so micca d'accunsentu simu veramente un populu di merda ... simu belli, a ghjuventu corsa fughje in cuntinente o in altro perche ghje un paese di merda senza avvene. e noi stemu qui in paese a chi fa , a sopravive cume conni . a ghjente oghje un annu piu nunda a "futte" di u paese di dumane ... un ci he piu che "u naziunalismu chi vince" tutti carchi d'interessi e pe u restu so francesi .

tuttu mondu chjama a rifletta ma un ci nimu chi piglia e so cuglione in manu... simu diventati una sucieta di franchouilllard . a ghjuventu in lotta e passata di moda, e belle credenze so fughjite .

mi dumandu veramente perche a ghjente anu fattu tanti anni di prigio, perche ci so stati tanti morti per ghjunghje a sta situazione.

23.mandatu da mamone u 12/04/2012 05:28
Adjiu cuniscutu u nazionalismu di l'annate 1975/80 ,e è so idee generose ,ma dopu e da l'anni 1980 /85 certi gattivi sughjetti si so ficcadi à u mezzo e hannu viziatu l'idee cu u soldu e a un mumentu dattu un si capiva più nulla...e po a voglia di "u soldu facile " ha dattu false idee a i ghjovani ...E po quandu oghje vecu parte certi uomi à a caccia cu zitelli ,tutti vestuti cume se li partessinu in guerra , mi diccu veramente chi a Corsica a cambitu ...Mai , mai ,babbu m'avarebbe lasciatu parte cusi vestutu!!...Si coglie cio che lu si suminedia !!!!

24.mandatu da Scortu u 12/04/2012 08:43
Eccu (pigliatu nant'a Mediapart) un esempiu à seguidà : l'Islande = ppupulazione a pena di più di 300 000 persone :
" En Islande,

- le peuple a fait démissionner un gouvernement au complet ;

- les principales banques ont été nationalisées et il a été décidé de ne pas payer la dette qu’elles avaient contractée auprès de banques de Grande Bretagne et de Hollande, dette générée par leur mauvaise politique financière ;

- une assemblée populaire vient d’être créée pour réécrire la Constitution. Et tout cela, pacifiquement.
Toute une révolution contre le pouvoir qui a conduit à cette crise. C’est peut-être pour cela que peu d’informations ont été diffusées pendant deux ans.

Que se passerait-il si les citoyens européens en prenaient exemple ? "

25.mandatu da mamone u 12/04/2012 10:34
Curciaghjine ,urgogliu , banditissimu , clanismu , terrorismu...a Corsica u n'hè finisce di pate di sti prighjudizii . A nostr ' isula ,chi ha a storia à più tragica di u Mediterraneu pare trappulata in un ' imagine lighjindaria .
A l'immobilisimu e a u cultu di u passatu , ci vuole a oppone un nazionalismu apertu à e differenze , à u dialogu e purta u sguardu versu u mare.

26.mandatu da u tontonellu u 12/04/2012 11:01
ci vole à arrestà di dì "paese di merda" è "simu un populu di merda"... ùn simu ne megliu, nè peghju chè l'altri

A nostra situazione hè pessima assai, ma hè u fruttu di a nostra storia, quella d'un picculu populu poveru è paisanu, culunizatu, acculturatu, à quale anu tombu a so identità è a so lingua, à quale l'anu dettu durante anni è anni chi a so cultura hè inferiore (certi cuntinuveghjanu à dilla : cf Mélenchon, Angelo Rinaldi, Zemmour...)

E strutture di a sucetà corsa so state distrutte da a Francia, ma dinù da una sucetà ultra liberale è da una cunsumazione sfrenata, da a mundializazione

e radighe di u male sò à circà custì

oghje a Corsica hè a regione induve si face u menu studii dop'à u baccu, induve i giovani scularizati, senza diplomu è senza impiegu sò i più numerosi

l'affari ùn ponu scambià chè s'ellu si cambia, si i Corsi ritrovanu a so cultura, a so identità è s'elli anu cunfidenza in l'avvene di u so populu

a sola suluzione hè l'educazione è a cultura. ma ùn ne pigliemu micca a via è si parla solu di sviluppu ecunomicu fattu à colpu di picculi impieghi in u turismu è di BTP

un semu micca un populu di merda, semu solu un picculu populu di u tiers-monde ch'ellu ci vole aiutà à ritruvà a so identità, a so fiertà è a so cultura.

27.mandatu da A. MARCHETTI u 12/04/2012 11:02
Un articolo pubblicato a nome Pascal Marchetti riferisce in merito:
“…i lungimiranti(?!) [sic] ideatori di questa politica, in francese detta de
Gribouille, non avvertono che, sceverato dall’italiano, il còrso muore e
l’isola rimane monolingue, con la padronanza del solo francese,
cancellando così storia e cultura propria…per chi invece auspica la
permanenza del nostro retaggio linguistica e culturale, non sussiste altra
scelta se non ritemprarlo in un bagno di autenticità, riallacciando legami
malauguratamente allentati.”

28.mandatu da nazionecorsarisurghjera u 12/04/2012 16:29
eccu ava avemu be parlatu!!!! chi femu alora ?un imbasta micca di di u nostru pare nant a internet!ci vole a fa carcosa ava,un so ,pa esempiu una manifestazione o un associu ma ci vole a CUMMINCIA!!!!!!!

29.mandatu da Liberendu la nazione feremu a revoluzione u 12/04/2012 19:44
A prima di e cose a fa hé di manda a spassighja tutti l'eletti corsi ,meri, cunsilieri generale ,territuriale,qu'elli sipianu di diritta ,di manca o naziunalisti ,chi ci facenu i naziunalisti ind'é e merie cun l'eletti di a majorita ,eletti cun i soldi di i voyous???
Finch'i i corsi anderanu a vuta u si po fa nunda .
U da piu capu a l'eletti ,sempre in bocca a demucrazia ,u facenu piu ride a nimu ,a sapimu tutti cumé elli so eletti ,un'anu mancu vergogna ,u prima chi ghjunghje a fa a murale, metti lu piu bassu ché terra.
Natale Lucciani avia dettu parlendu di u muvimente naziunale ,ch'ellu avia ricoltu parechji scemi ,tuttu ché pé fa u pesu é esse piu numerosi ,ava ci simu pé u pesu.
Tra i francs maçons,i spezialisti di l'inculeria ,tra quelli chi volenu fa a guerra per fassi paura ,quelli chi si pianu pé so ch'elli u so , u muviment naziunale hé ghjuntu a é so fine..
Allora u ci ferma piu cumé in d'altri paese lampa li fora pé u sempre,ma u bastera,ci volenu dino a cambia l'usi di l'ecunumia.

Liberendu la nazione feremu a revoluzione per li vecchi é per li zitelli mi ghjunghjenu u pientu.

Sans arme ,ni haine ,ni violence.

30.mandatu da Liberendu la nazione feremu a revoluzione u 12/04/2012 19:53
Pé u pezzu ,o qualchi tempu.
Mi ghjunghje u pientu

31.mandatu da jojoucecu u 12/04/2012 19:55
A MAFFIA E A PULIZZA FORA

32.mandatu da nazionecorsarisurghjera u 13/04/2012 10:05
saria bè di urganisassi pa fa un scontru (reel) di tutti quelli chi venenu qui! NO?????

33.mandatu da anthos u 15/04/2012 00:53
@A. MARCHETTI
Anche io sono d'accordo, ma non c'e' modo, purtroppo non amano l'Italia e l'italiano(hanno anche le loro ragioni, tra Genova e Mussolini ad esempio !!) : gli farei notare che il sardo non scompare con l'italiano a causa del rapporto stretto tra le due lingue, che da noi un dialetto on eslude l'altro ... e che nessun italiano mira ad eliminare le lingue degli altri!
Se gli italiani sapessero li aiuterebbero ...ma non se ne parla, vige censura qui e anche li. L'Italia ha promesso di non interferire mai piu con la Corsica, i Francesi hanno annullato qualunque legame anche "la lingua" scritta di Paoli e li hanno rivoltati contro di noi.
Vedo dura la lotta e soprattutto impari, mi spiace molto.
Corso, fra le biu belle lingue italiche!

34.mandatu da carlinu u 16/04/2012 18:55
hè quantunque stranu l'affare: i Corsi chi si tombanu intradessi! Chi populu hè, stu populu corsu digià minoritariu nant' a a so propria terra e chi si distrugge da se stessu pocu a pocu.
Hè una fatalità? Un credu micca. Hè piuttostu a cunsequenza di un cancheru duecentenescu chi a rosu, anni e po anni, cio chi faccia a nostra forza: a solidarietà.
U clanisimu, u neputisimu, in fatti sta cultura, sta civilisazione impurtata ch'un hè micca a nostra e chi facce chi ci vole sempre a vultassi versu i capi macchia di u statu quand'ellu c'hè un problema a risolve senza piglia u tempu di riflette da se stessi e di organizassi in mettendu tutte e nostre forze inseme. Hè più facile, abituati chi no simu, di sempre dumandà che di fà un sforzu cummunu, addunendu intelligenza e forza di travagliu.
A e prussim'elezioni di i deputati ci vole a cambià di faccenda: fà passà u'nteressu di a Corsica avvant'a quellu d'un e pocchi. Ci vole a assicagnà u fiume chi alimenta u cancheru e un primu passu serà francantu. Si spera.....

35.mandatu da Titanicu u 18/04/2012 20:34
O mamone nè voli troppu, cio che tu voli e brami, si chjama a Francia d'oghje alora fideghja puru u mare e vai puru à francalu...

36.mandatu da mamone u 18/04/2012 20:52
O Titanicu , tu, un franca u mare perchè perchè cu u nome chi tu ti si sceltu arrisichi di piglia fondu !! Dunque, tu ti basta a Corsica d'oghje ...disoccupazione di i ghijovani chi un hannu appogghji , corsi chi si tombanu intradessi ,perdita di i valori...un n'hè micca , veramente micca a Corsica di a mo zitellina ..certamente tuttu cambia ma u c'hè bisognu di piglia esempiu nantu à l' America e... a finanza mundiale!!

37.mandatu da MSN u 21/04/2012 18:33
Texte écrit par Ornella Benedetti Memmi, après les Pâques sanglantes
d'avril 2012

Per l’Isula nostra, per u Populu Corsu
« Incu a forza immensa di una mossa cumuna »
Comment un peuple si fier, si grand dans son histoire, a-t-il pu en
arriver à de telles extrémités ? Mais à qui peuvent bien profiter
tous ces drames ?
La vie humaine n’a-t-elle plus de valeur ? Le deuil et la douleur
vont-ils tomber dans l’indifférence ?
En ce jour de Pâques, tant chéri par la Corse traditionnellement
ancrée dans la religion chrétienne depuis des siècles, la tragédie a
de nouveau plongé notre village, notre
île entière dans le malheur et le chagrin. Ces familles à jamais
inconsolables rejoignent maintenant d’autres familles meurtries par
la cruauté, par l’impunité.
Un décès est un drame. Une vie n’a pas plus de valeur qu’une autre.
Pourquoi nos morts sont-ils enterrés dans le silence ? Pourquoi notre
désespoir n’a d’écho que dans les sanglots de nos veuves, de nos
orphelins ? Qui s’élèvera un jour
pour crier sa révolte ? Pour dire à ceux qui s’imaginent avoir réglé
leurs comptes par leurs lâches assassinats, qu’en réalité ils ont
créé de nouvelles dettes envers nous
tous ! Nous devrions tous nous dresser d’une seule voix, d’un seul
cri d’horreur et dire que non, ils n’ont pas réglé leurs comptes !
Pas avec nous !
Je veux des réponses ; je veux que nos défunts puissent reposer en
paix , je ne veux pas qu'ils disparaissent dans le noir comme le font
leurs bourreaux qui pensent
que personne ne les chassera, ne les traquera. Je rejette ces
infamies. Moi, femme de Corse, je n'accepte pas que nos pères, nos
maris, nos oncles partent brutalement,
seulement par la volonté d'une minorité méprisable.
Qu’ils sachent que par leurs actes indignes ils s’excluent de
l’espèce humaine.
Alors seule dans le silence, je m’élève par la faible force de ma
plume. Mes larmes illégitimes et indignées, ne supportent plus de
tomber dans les abîmes. Elles ne
cesseront de couler que lorsque la Justice viendra. Sans autre
motivation que ma révolte, mon amour inconditionnel envers mon peuple
et mon île, moi qui suis si fière de
mes convictions.
Quel que soit leur nom, ils sont mes cauchemars. Ils ne s’évanouiront
plus dans le brouillard !
Leur volonté est de faire régner la peur, l’angoisse, sans que
quiconque puisse les arrêter et simplement parce qu’ils l’ont décidé.
Eux, aujourd'hui anonymes, devront un jour faire face à la Justice et
répondre de leurs ignominies.

38.mandatu da Ghjuca pianella u 22/04/2012 18:33
Chì hè stu tituru ! Iè avemu bisognu di U corsu !

Novu cumentu :