Accueil
Envoyer à un ami
Version imprimable
Partager

U texto di dopu beie

Hè u texto ch'è tù mandi à qual'ellu ùn ci vole quand'è tù volti in casa imbriacu. Quandu ti vene a voglia di mandallu, ti si pare d’avè trovu l'edea di u sèculu. Invece ùn hè...



U texto di dopu beie
Quattr'ore di mane, ai a luminosa edea di mandà un texto, imbriacu bleu, trafalatu nant'à u to lettu. Ti pare tandu d'avè trovu l'equivalente di u vaghjolu per guarisce u sidà. Ti vedi digià incù u Premiu Nobel in manu. À a rimessa di a cuppa di a più bona edea di u sèculu, ti vedi digià in traccia di ringrazià a to famiglia davant’à u Ministru di a Cultura in làcrime.

Allora, u mandi, è bella sigura u mandi à qual'ellu ùn ci vole assolutamente micca à mandallu, mezu suddesfu, mezu suddesfu...

Ch’ella sia per seduce à qualchissia chì ùn ti dà capu, salvà u to coppiu, ricuperà a/u to ex o rimpruveralli a vostra staccatura, u texto di dopu beie ùn hè mai, mai, MAI, a bona soluzione.

10 cose à fà invece di mandà quellu texto di dopu beie à qual’ellu ùn ci vole, aspettendu chì u sonnu ti salvi.

1. Manda un texto à u to amicu per trattallu di connu d’ùn scioglie a situazione per tè.
« o fratè sì veramente una grossa coglia ! Bona notte o connu. »

2. Manda un texto à u to psì per trattallu di connu è di scruccone.
« aiò fà qualcosa ancu tù o talpa ! Connu. Scruccone.»

3. Cummàndati un bellu paghju di scarpi nant’à internet : curà a frustrazione cù a cunsumazione, un gran’clàssicu.

4. Annullà a cummanda : innò, mancu imbriacu, ùn si pò più decide di purtà un paghju di santiags à i ghjorni d'oghje. Aspetta di sbriacà ! Eppo inchiètati appena…

5. Cerca di ramintatti l’ùltima bon’edea ch'è t'ai avutu briacu. U sonnu s'avvicina.

6. Manda un texto di cumplimenti à u patrone di u baru per a so pazienza è a so simpatia. Ai rottu e stacche à tuttu u mondu cù e to storie è viutatu u baru induve tù ere. Allìscialu appena...
"O fratè, grossa serata ! Sì un pistellu. Scusa."

7. Cerca d’amparà à mente e parolle di a canzona di John Scatman : Ski-Ba-Bop-Ba-Dop-Bop.

8. Innò, a/u to ex, ex, ex, ex, ex di a scola primaria ùn si ricorda mancu più di tè. Ùn vale a pena à pruvà. D’altronde, l’ùltima volta ch’è tù l'ai vista, avìate 7 anni tutt’è dui. Inchiètati.

9. Prufitta di l’eufurìa di a briachina : cerca di fà una centinaia di pompe per fatti un corpu di spurtivu. Nurmalmente caschi di sonnu à a prima falata.

10. www.situdiculu.com:






l'11 di Dicembre 2011
Ussamà Ben Lazezu



1.mandatu da Cazzumarinu u 11/12/2011 23:48
Bravu o Ussamà!
Mi permettu di fà une poche di pruposte; (in ordine):
-Fàssi falà un bellu piattu di paste!
-Mette "arte" pè fighjà à "histoires naturelles".. O puru qualch' emissione di cugina cù stu catinu di Joel Robuchon...
-Vumisce....

2.mandatu da ANTO u 12/12/2011 06:10
Chi pèna in capu a leghje cusi longu articulu !

3.mandatu da pumataghju u 12/12/2011 10:06
buuuu! m'hai imbriacatu mi ! ! !

4.mandatu da cipolla u 12/12/2011 13:41
Merda ! a lea versu www.situdiculu.com ùn viaghja micca...;-)

5.mandatu da Ulongu u 12/12/2011 22:18
11. Andà nantu à u situ di a piazzetta è leghje l'articulu
12. S'ellu ùn basta, ricumincià à l'inguersciu
Ùn hè micca mortu Sim ?

Novu cumentu :


Seguitateci nant'à Facebook



Abbunatevi à a newsletter

Circà nant'à A Piazzetta