Accueil
Envoyer à un ami
Version imprimable
Partager

U top 10 di i mullizzi di u mese

Ogni mese, circheremu di pruponevi una classìfica di i peghji mullizzi chì anu fattu l'attualità. È ci vole à dì chì u mese scorsu ùn mancavanu micca i candidati !



Noël Forgeard : in più di a so facciaccia, l'anzianu patrone d'EADS hè un bellu scruccone. Messu in causa in un "délit d'initiés", hà scruccunatu a so intrapresa, risichendu d'arruvinalla à di licenzià centinaie di picculi impiegati. Tuttu què per empiesi e stacche. Un bellu mudellu di riescita pè i grandi patroni francesi tantu curati da Sarkozy.




Frédéric Thiriez
: u mustaccione capimachja di a liga francese di ballò s'era scatinatu contr'à u Sporting in "l'affaroni Kébé". Per una prima volta, un presidente di a liga avia ancu fattu appellu d'una decisione di a cummissione di disciplina, micca abbastanza severa d'appressu à ellu. In privatu, averia dichjaratu à giurnalisti ch'ùn vulia più vede u ballò corsu in Liga 1. È dì ch'ellu vulia luttà contr'à u razzisimu...



I rispunsèvuli di a ricustruzzione di u stadiu di Furiani
: 16 anni è 18 morti dopu à u 5 maghju 92, cuntinuveghja a vergogna di u stadiu u più terzumundistu di u campiunatu francese. Mentre chì i dirigenti di a CAB trovanu u stadiu attuale cunfurtèvule, i travaglii pè finisce a so custruzzione sò torna stati ritardati. À colpa di quale ? Di u putere puliticu incapace di custruisce un stadiu degnu in 16 anni ? O di l'intraprese chì vulianu manghjassi di più soldi ? Emile Zuccarelli si permette un "vous devriez me remercier" à i sustenidori inzergati chì anu occupatu a CAB. Forse. Ma futte quantunque male. Mancu una catastrofa è 18 morti ùn averanu ghjuvatu à dà à a Corsica un stadiu normale.



U scunnisciutu di Casabianda
: di u so nome ùn si sà nunda. Cummunicazione, ci n'hè puchissimu. Purtantu stu tippu chì avia una permissione d'esce da u penitenziaru di Casabianda hè smaritu è hè periculosu. Ma forse Michel Fourniret piglierà a so stanza ?




L'ANPE
: L'ANPE hà ricusatu chì un annunziu dumandessi impiegati cursòfoni. Saria discriminatoriu. È a discriminazione contr'à i corsi ?



Jacques Séguéla
: N'avemu assai parlatu nant'à A Piazzetta. D'appressu à u Nouvel Obs Sarkozy l'averia cunsigliatu d'ùn dì nunda per ùn micca impeghjurisce u so casu. Meritava quantunque di sorte in stu top 10.



I patroni di u CAC 40 : +58% ind'a stacca !
Hè una inchiesta di u giurnale L'Expansion chì a dice : i so rivenuti sò crisciuti di 58 % in l'annata 2007. A vidite chì Sarkozy ci la face à occupassi di u prublema di u "pouvoir d'achat" ! Allora piantate appena di lagnavvi.



Than Shwe, capimachja di a dittatura birmana
: ci lagnemu spessu di i nostri pistelli Camillù è Ange Santini, ma si pò fà peghju. A prova cun Than Shwe, à u capu di a dittattura birmana. Una catastrofa face più di 130.000 morti ind'u so paese ? Si n'impippa, lascia crepà u so populu, ricusa in un primu tempu l'aiutu internaziunale. Un mudellu pè tutti i dittatori di u pianeta. Mancu Kim Jong Il averia fattu peghju !



L'acula marina chì si n'hè risa di Jean-Paul Poletti
: A storia hè cuntata in u Corse-Matin di u 30 maghju : una "mouette rieuse" hà impeditu un airbus di parte di l'aeroportu d'Aiacciu. Hà custrettu u pilota à fà una manovra periculosa. Nentru c'era u poveru Ghjuvanpaulu Poletti chì s'appruntava à parte in Parigi pè dà un cuncertu. Ma cum'è Chuck Norris, u nostru JPP ùn hà paura di nunda, a dice u giurnale : Le chanteur Jean-Paul Poletti assurait « n'avoir ressenti aucune inquiétude. Le personnel d'Air France a parfaitement su maîtriser la situation. Chapeau pour eux. Le plus embêtant pour moi est que je vais être en retard pour mon concert ce soir à Paris ».



Quelli chì anu trovu una tribù amazoniana
: Ch'averanu pensatu sti poveri indiani, scunnisciuti è luntanu da tutti, quandu anu vistu ghjunghje l'elicotteru chì l'hà fotografiati ? Spaventati, anu cumminciatu à tiralli e so frezze d'un antru tempu... Sin'à avà, campavanu in a furesta, cù e so piccule lenze cultivate è ùn cunniscianu nunda di u nostru mondu mudernu : nè a so pulluzione, nè a so cunneria, u so Coca-Cola è u so Sarkozy. Francamente, ùn li ponu micca lascià in pace torn'appena, nò ?

U top 10 di i mullizzi di u mese

U top 10 di i mullizzi di u mese

u 17 di Ghjugnu 2008
U Sgaiuffu



1.mandatu da cazzerola u 17/06/2008 10:35

2.mandatu da Tony Montana u 17/06/2008 12:12
Vi site scurdatu di u prefettu, o zitè !

http://www.alta-frequenza.com/index.php/l_info/l_actu/loi_littoral_pour_le_prefet_de_corse_la_loi_est_appliquee_comme_il_se_doit_en_corse

3.mandatu da Georges Clemenceau u 17/06/2008 11:26
@cazzerola

Donnez-moi quarante trous du cul et je vous fais une Académie française.
[Georges Clemenceau]

4.mandatu da dumè neccu u 17/06/2008 17:55
è Domenech ? induve u mettite ?

5.mandatu da estrimei u 17/06/2008 19:12
eu,ci averia aghjustatu u mere e u cunsigliu municipale di Bonifaziu

6.mandatu da GWM u 17/06/2008 21:28
I novi spezialisti di u "chjappemu l'arme è pertite"...(chi ponu diventà i mullizzi di u dicenniu...)

7.mandatu da Andréani u 17/06/2008 21:15
Avà, duvenu dubbitativu apprupositu di l' elicotteru (forse spaventu).

8.mandatu da ribella u 18/06/2008 16:36
D'accordu cù GWM : Ci n' hè parecchi chi quand'elli sò in "l 'ORI DI A REPUBLICA " un si sentenu più... che... infine... nunda... ! mà in à sò anima li piacè chi l'altri si sacrificheghinu pè a Corsica
...!Intantu s'empienu è stacche !
L'affare hè curiosu !

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta