Accueil
Envoyer à un ami
Version imprimable
Partager

U top 15 di e frase nant'à a Corsica

1000 anni di fatalìsimu, 500 assassinii in 20 anni, 200 anni di lascia corre di u Statu.



T-shirt in vendita nant'à eBay. Difficiule di fà peghju...
T-shirt in vendita nant'à eBay. Difficiule di fà peghju...
1. "J'ai honte d'être corse". L'abitanti di Marseglia o di u 93 si vergognanu d'elli quandu ci hè un assassiniu ? Nò. Ma noi altri Corsi, ci sentimu obligati di culpabilizà più chè l'altri.

2. "Corsica, ùn averai mai bè". Sta frasa saria stata prununziata quandu fù tombu u conte Arrigu Bel Messere... 1000 anni fà. Difficiule di sorte da u fatalisimu chè no ci trascinemu dapoi tantu tempu.

3. "Si ça continue comme ça, je m'en vais vivre ailleurs". Pruvate puru, ma ùn hè micca megliu in altrò.

4. "Les Corses doivent prendre leurs responsabilités" (Manuel Valls). Frasa strana prununziata da u ministru di l'internu dopu à l'assassiniu d'Antone Sollacaro. Vole dì chì u Statu ùn piglia e so rispunsabilità ? Forse hè una chjama à a vindetta ? O serà chì ogni Corsu hè culpèvule di ciò ch'elli facenu i maffiosi ?

5. "Povera Cursichella". U statutu u più spartutu nant'à Facebook quand'ellu ci hè un assassiniu hè "povera Corsica"... Ma i lamenti ùn anu mai fattu veramente scambià e cose.

6. "Chì voli fà... hè cusì". U discorsu fatalistu "ùn si pò fà nunda contr'à i maffiosi, hè cusì" hè forse u peghju discorsu à tene. In Sicilia, a sucetà civile hè in prima linea in a lotta contr'à a maffia. Ma in Corsica, simu tutti spettatori di ciò ch'ellu si passa... è a pulizza è a ghjustizia dinù.

7. "In Corsica simu una mansa di closce". Purtantu, ùn simu nè megliu, nè peghju chè l'altri.

8. A criminalità in Corsica hè a più forte d'Auropa. Cù 17 assassinii quist'annu (à u 15 di nuvembre) pè 300.000 abitanti, hè di più chè in Albania o u Kirghizistan. I spezialisti di l'anti-maffia taliana ùn capiscenu micca perchè u Statu francese ùn ci la face micca à risolve stu prublema. Serà ch'ellu ùn hà micca a vuluntà.

9. "Basta Basta Basta". È una volta ch'ella hè detta quessa ?

10. "La Corse va mal". Frasa di Camille de Rocca Serra nant'à Europe 1. Merci, quessa a pudiamu truvà ancu noi.

11. "C'est l'escalade, un pas a été franchi" : Purtantu, cun più di 500 morti in 20 anni, face un pezzu ch'elli si francanu i scalini.

12. "En Corse il y a trop d'armes à feu". Durante a campagna presidenziale, Nicolas Sarkozy si vulia attaccà à "la détention d'armes légales trop nombreuses". For'chè l'arme chì tombanu u più in Corsica ùn sò micca l'arme "legale", ma quelle di i maffiosi, di i "cuntratti" d'amazzadori prufessiunali.

13. "Il faut un retour de l'état de droit en Corse" Face dunque 30 anni ch'ellu si sente sta frasa. Ch'hà fattu u Statu sin'avà ?

14. "Laissons la police faire son travail..." o piuttostu cuntà i punti ? : Quand'elli volenu, l'assassini i trovanu. Un Statu chì lascia un populu stirpassi trà d'ellu, ùn hè a peghju di e viulenze ?

15. "Le combat cessera faute de combattants" : Avia dettu un prefettu in l'anni 90, quandu i naziunalisti si tumbàvanu trà d'elli. Bisognu d'aghjustà qualcosa ?

Bonus-track : "Quelle image on donne de la Corse ?" Serà forse ora d'inchietassi piuttostu di u paese chè no simu in traccia di lascià à i nostri figlioli chè da a fiura chè no demu à l'altri, chì di tutte e manere ùn ci ponu pate.

Face un pezzu chì i Siciliani anu capitu chì a situazione passa dinù assai pè l'educazione è a cultura. È noi ?

u 15 di Nuvembre 2012



1.mandatu da aiotuttiifratelli u 15/11/2012 10:00
Quandu si tocca a u "Naziunalismu" arristanu a tuttu u mondu....Ci piglianu pa campane dipo 60 anni!!!
"Diviser pour mieux regner" ha dettu quellu.....
PIU CHE MAI: Statu Francese assassinu !!!FORTI SAREMU SE UNTITI SEMU

2.mandatu da Occhju u 15/11/2012 10:09
Un possu piu sente.:"..basta "..qu'elle image on donne de la corse...il y'a trop d armes à feu en corse..etc ...pourquoi s'obstine t on a vouloir faire passer la corse avec une belle image sans armes sans problèmes sans drogue sans spéculation..etc la corse est comme tout autres pays avec ses beautés ses qualités et ses défauts.mais essayons plutôt de réagir de s'assoir tous autour d'une table et de régler une fois pour toute les vrais problèmes..de Clan de répression de chômages de drogues de pouvoir de gouvernement bidons..d'assassinats et la peut être un jour les choses changerons..pour ma part je suis corse et j en suis fière mais tout les jours que dieu fait j essaie de comprendre et de me demander comment toi tu peux faire en sorte d'améliorer cette situation afin que le peuple corse et la jeunesse à venir vivent mieux...Eccu juste un peu de rabia ce matin...

3.mandatu da Calvoise u 15/11/2012 10:26
Se avete u tempu, aiutate U Topu : http://www.lefigaro.fr/flash-actu/2012/11/14/97001-20121114FILWWW00741-le-president-de-la-cci-de-corse-du-sud-tue-par-balle-a-ajaccio.php

4.mandatu da ghjuva u 15/11/2012 10:45
ai rasgio aiotuttifratelli ,,, quandu averemu capitu chi a disgrazia di a Corsica ghje a so culunisazione da a francia! ancu si di sicuru ce daltri prublemi gravi, ma u guvernu a da prufita torna per fa casca a causa di ste disgrazie nanta i naziunalisti, e certi corsi francisati anu da 'enfoncer le clou" di sicuru

5.mandatu da aiotuttiifratelli u 15/11/2012 11:06
o Ghjuva, un ci vole micca a smintica i traditori "naziunalisti" o"maffionaziunalisti" ....
So eddi i peghji!!!!

6.mandatu da ghjuva u 15/11/2012 11:31
ie di sicuru ma speru chellu ce sempre naziunalisti sinceri...ne cunoscu quantuque....un ci scurdemu micca che so elli solli a diffende u nostru populu..laltri vanu induve soffia u ventu

7.mandatu da ANTO u 15/11/2012 17:11
Un vedu che una soluzione pè eschè d'issa trapula :fa rivènè in Corsica u sgio prefettu Bonnet chi avvia tuttu capitu !

8.mandatu da Ulongu u 15/11/2012 18:06
A sola vulintà ch'ellu hà avutu u statu hè di sradicà u muvimentu puliticu naziunalistu, cursistu, identitariu... chjametelu cum'ella vi pare.
È hà lasciatu sviluppà a mafia.
"La pieurité cé l'natio !" per i flicchi è i gendarmi.
È avà cercanu à fà culpabilizà i corsi cù a so omertà chì ghjè una fola chì soli i ciucci ci credenu. Hè un pezzu ch'elli sanu è ch'elli ùn facenu nunda.
Fillon cundanna a mafia in A Porta. "Cherchez l'erreur" si dice in francese.






9.mandatu da Stonclette u 15/11/2012 18:23
Eiu pensu chi à corsica averebbe bisogna di un statutu propiu , chi à corsica hé différente di à francia di fattu di so insularita micca bisogna d'anda à cerca l indipendenza, cu l aiutu di u statu e di à CE di fa un pianu di sucieta corsa, pensu chi l eletti corsi si mettanu à u travagliu per pruposta qualche soluzioni

10.mandatu da #pasympa u 15/11/2012 19:19
faut-pas-chauffer-marcel_nov2009[1].flv

11.mandatu da ghjuva u 15/11/2012 19:46
un he micca linsularita chi face che a corsica he sfarente di a francia..simplecianente a corsica era corsa nanza a esse frencesa..he stata pigliata incu a forza armata..un vi ne scurdate! les gaulois un so micca i nostri ancetres!!!!!!!! ci ne stadu morti disgraziamente nanzu che a francia podesse di la corse cest la france..putana nunda che ste parolle mi stumaganu

12.mandatu da SARDEGNA u 16/11/2012 00:01
Sarebbe meglio fare nazione corsica sardegna dentro l'unione europea...

13.mandatu da Ma-i^ u 16/11/2012 12:09 (da un teleffuninu)
"C'est l'homme qu'il faut, là où il faut !"

14.mandatu da Ma-i^ u 16/11/2012 12:10 (da un teleffuninu)
"C''est l''homme qu''il faut, là où il faut !"

15.mandatu da Linguatorta u 16/11/2012 13:35
Vistu e rubaccie ch´ellu c'hè in Corsica assassinati ùn ci n'hè micca abbastanza. Di sicuru mi dispiace quandu sò ghjente ch´ùn meritanu micca una sorte cusì. Ma ci vole à dì chì ci sò stati i cadaveri di qualità è di scelta di primura. Pezzi , arca, casce !!!

16.mandatu da aiotuttiifratelli u 16/11/2012 14:12
Da qui a 20 anni saranu finiti i prublemi ancu i corsi ,un ci ne quasgiu piu.....
Annu riisciuti a stirpa u populu

17.mandatu da ANTO u 16/11/2012 16:46
Ancu grazia chi Valsu un leghje micca a Piazzetta ,chi s'omu rifletè bè ,e u locu u piu addattu pè fa "a bilancia" :esempiu :
Eu cunoscu un écologicu rinumatu ,chi a un grossu 4x4 puzzulente ,qual'hè chi sa duv'ellu a presu i soldi pè cumpralu .

18.mandatu da STRANPALATU u 17/11/2012 11:17
a canzona dicè "parolè,parolé parolè
" " "
parolè,parolé parolè
encore des parolè

et tous ces mots

un so micca risatè o quèdda gjientè

19.mandatu da Zeruffu u 18/11/2012 01:05
U statu francese lascia fà apposta. Pè distabilizà a sucietà è stantarà u dibattitu puliticu.
"Le débat institutionnel ne sera pas ouvert tant que la "mafia" ne sera pas éradiquée".
Traduzzione :
"Le débat institutionnel ne sera pas ouvert tant qu'on pourra aider les voyous à vous détruire".
C'est la réédition du scénario de 1995.
Ma sta volta, pertantu, i Corsi devenu capisce.
U pudè, ghj'hè u Statu chi l'hà. A respunsabilità, ghj'hè A SOIA.

20.mandatu da Talavesu u 18/11/2012 15:22
Brutta sterpa maladetta,a francia suvita a so logica di culunizazione!
Diu vi salvi Regina....E noi altri qual'he chi ci salvera!!!!!

21.mandatu da pietri u 18/11/2012 22:21
Baccalà per corsica ; ils se régalent.....

22.mandatu da J G u 20/11/2012 11:49
30 anni fà , 30 anni fà , he custi chi tuttu à cuminciatu ..... i sinceri hanu spalancatu a porta e i mafiosi si so infrugnati tra mezzu dicendusi pulitichi ..... e avà un si sà piu da unu a l'altru , quelli chi a sanu so i soli a pudi fà qualcosa !

23.mandatu da a mo casata hè in petra u 06/12/2012 16:27
" Vai chi... s'ellu l'anu tombu... è chi c'era pe qualcosa... ùn era un enfant de coeur manch'ellu "

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta