I tempi sò duri pè i nostri amichi castagni. Abandunati, ghjestimati ("et on va manger quoi, des châtaignes ?"), attaccati da u cynipsacciu... E bone nutizie sò rare.
Allora l'elezzione di "l'arbre de l'année" di u giurnale Terre Sauvage è l'ONF ne ralegrerà parechji. È senza froda, falsi elettori, precure o boni alimentarii. Mancu Paul Giacobbi ci hè per qualcosa, per divvi !
A ghjuria s'hè riunati marti in Parigi è hà sceltu u castagnu di U Pianellu. Purtantu, cum'ella a dice Le Point : "la concurrence était touffue".
Ci vole à dì chì stu castagnu di a pieve di A Serra n'hà vistu passà unepochi di scurnachjoni. Pensate, averia trà 800 è 1000 anni... In a so longa vita averà cruciatu pisani, genuvesi, francesi, turisti, partigiani di Sambucucciu in piena rivuluzione, suldati genuvesi, truppe francese, è forse ancu Pasquale Paoli à cavallu... è cacciatu a fame à generazione di Pianellacci. Per divvi sì st'arburu hè un persunagiu...
Allora siamu puru cuntenti per ellu.
Ma al dilà di stu premiu simbòlicu, ci pudemu pone unepoche di quistione nant'à l'avvene di u castagnetu corsu, di i nostri paesi, di u nostru raportu à a terra, à l'agricultura.
À un'epica induve a piaghja cunnosce mutazione tamante à un rìtimu scemu, à un'epica induve tuttu hè corsa à u soldu, à u prufittu, à a cunsumazione è individualìsimu, a messa in lume d'un vechju arburone pianellacciu c'interrugheghja è ci pone tante dumande.
Prima quella di l'avvene di u castagnetu corsu, minacciatu da u cynips è da l'abandonu.
Pone a quistione di u travagliu di a terra, di l'agricultura, abandunata ella dinù. Pone a quistione di e terre agrìcule, minacciate da una frenesia di custruzzione dannifica.
Pone a dumanda di l'economia di a Corsica, oghje pensata in giru à u turìsimu, a stagione, l'immubiliare, è mai in giru à a pruduzzione. In Corsica ùn si pruduce nunda, mancu i pommi di i pommi fritti servuti l'estate à i turisti ùn sò prudutti quì.
Pone a dumanda di a ruralità. In una Corsica diventata citatina, è ancu peghju, periurbana, induve tuttu ognunu vole u so pavillon cù u so modu di campà uniformizatu, chì ne femu di i nostri paesi chì si ne morenu ?
Pone a dumanda di a leia à a nostra terra, à e nostre radiche, à i nostri antichi chì a ci l'anu lasciata. Chì ne femu ? In chì statu a lasceremu à e generazione à vene ?
Iè, tutte ste dumande e ci aviamu poste cinque mesi fà. Ci avete riflettutu dapoi ?
Allora l'elezzione di "l'arbre de l'année" di u giurnale Terre Sauvage è l'ONF ne ralegrerà parechji. È senza froda, falsi elettori, precure o boni alimentarii. Mancu Paul Giacobbi ci hè per qualcosa, per divvi !
A ghjuria s'hè riunati marti in Parigi è hà sceltu u castagnu di U Pianellu. Purtantu, cum'ella a dice Le Point : "la concurrence était touffue".
Ci vole à dì chì stu castagnu di a pieve di A Serra n'hà vistu passà unepochi di scurnachjoni. Pensate, averia trà 800 è 1000 anni... In a so longa vita averà cruciatu pisani, genuvesi, francesi, turisti, partigiani di Sambucucciu in piena rivuluzione, suldati genuvesi, truppe francese, è forse ancu Pasquale Paoli à cavallu... è cacciatu a fame à generazione di Pianellacci. Per divvi sì st'arburu hè un persunagiu...
Allora siamu puru cuntenti per ellu.
Ma al dilà di stu premiu simbòlicu, ci pudemu pone unepoche di quistione nant'à l'avvene di u castagnetu corsu, di i nostri paesi, di u nostru raportu à a terra, à l'agricultura.
À un'epica induve a piaghja cunnosce mutazione tamante à un rìtimu scemu, à un'epica induve tuttu hè corsa à u soldu, à u prufittu, à a cunsumazione è individualìsimu, a messa in lume d'un vechju arburone pianellacciu c'interrugheghja è ci pone tante dumande.
Prima quella di l'avvene di u castagnetu corsu, minacciatu da u cynips è da l'abandonu.
Pone a quistione di u travagliu di a terra, di l'agricultura, abandunata ella dinù. Pone a quistione di e terre agrìcule, minacciate da una frenesia di custruzzione dannifica.
Pone a dumanda di l'economia di a Corsica, oghje pensata in giru à u turìsimu, a stagione, l'immubiliare, è mai in giru à a pruduzzione. In Corsica ùn si pruduce nunda, mancu i pommi di i pommi fritti servuti l'estate à i turisti ùn sò prudutti quì.
Pone a dumanda di a ruralità. In una Corsica diventata citatina, è ancu peghju, periurbana, induve tuttu ognunu vole u so pavillon cù u so modu di campà uniformizatu, chì ne femu di i nostri paesi chì si ne morenu ?
Pone a dumanda di a leia à a nostra terra, à e nostre radiche, à i nostri antichi chì a ci l'anu lasciata. Chì ne femu ? In chì statu a lasceremu à e generazione à vene ?
Iè, tutte ste dumande e ci aviamu poste cinque mesi fà. Ci avete riflettutu dapoi ?
A Corsica dice à vedeci à Edmond
