Accueil
Envoyer à un ami
Version imprimable
Partager

Un Ghjovi Santu pè Corti…



Hè ghjovi ! E feste di Pasqua cummencianu. A mane à bon’ora i Curtinesi s’attaccanu à a priparizione di u ripastu “santu”, ste sòsule cunnisciute da l’anziani è chì sò tradiziunale.

8 ore :

Mammò face a pasta di e frittelle di zucca . Pè quessa li ci vole :

- a farina (1 kilo)
- un pane crosciu
- u levitu di pane
- una zucca cotta
- appena d’acqua vita
- acqua è sale

Mischia tuttu, batte a pasta è a lascia ripusà. Dop’avelle fritte, una volta ch’elle sò calde e passa pianu pianu ind’è u zuccheru.


11 ore è mezu :

Hè guasi l’ora di manghjà ; i tavulini di a cità s’empienu di casgiette di fritelle (fatte in casa o compre), si sente l’odore di ceci cotti ind’è tutte e cucine chì Mammò pripara a suppa di paste è ceci.

Cumu face ? Mette i ceci cotti cù e paste fresche. Lampa una scatula di cunserva di pumata è un pocu di rosumarinu nantu senza scurdassi d’appena d’agliu, di sale è di peveru.

Eppo lascia coce un’ore è mezu.

Un Ghjovi Santu pè Corti…

u 2ndu d'Aprile 2015
Saveria



1.mandatu da sardu u 02/04/2015 14:35 (da un teleffuninu)
SANTE DONNE

2.mandatu da estrimei u 02/04/2015 17:34
paste e ceci , hè vera , so a tradizione di a CENA DOMINE , u Ghjovi Santu in Corti .
ùn ci scurdemu chi a Cena Domine , hè cena di festa , ci arricorda quella induve u nostru Signori Spertì u pane e u vinu 'ncù i s'apostulli , i s'amici .
per vultà a e divuzioni di u Ghjovi Santu in Corti , ùn ci scurdemu di a Cerca - 'nù i tempi ùn era praticata che da l'omi - chi perte da a chjesa di Santa Croce , per andà fin'a u giratoghju di a vechja strada d'Ajacciu , e chi volta , fendu una piantata in chjesa di l'Annuziata .
a cerca hè fatta da i battutuli , termine curtinese ch'elli impiecavanu per ammentà ciò ch'elli chjaman'avà i cunfratelli (??)
ci'ole a specificà chi u Ghjovi Santu , i preti ùn participeghjanu micca a a cerca
a ringrazià a Saveria ... chi forse , a a prussima , ci cunterà e fritelle di porri e u baccallà di u Vendari Santu

3.mandatu da luntanu u 02/04/2015 18:10
ete a ragiò per cunfratelli, o puru cunfraternità : ùn la sò da duve vene (acculturazione ?) ma ùn hè chè da pocu chì si sentenu ste parolle. Eu aghju sempre dettu cunfraterni è cufraterna. mi piacerebbe à sapè se in l'altri paesi s'impiecava cusì o s'ell'hè un gallicismu.

4.mandatu da estrimei u 02/04/2015 18:27
a pensu anc'eu o Luntanu .
ch'o sappie , u termine di battutullu , ùn era impiecatu che in Corti .
in astrò , nù a sò ?
sò andatu a fiighjà nantu a "Sicurani" , ellu ammenta u termine di cricca .
u termine , u cuniscia , ùn sappia ch'ellu ghjuvava per l'associi civili chjesali ?

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta