Accueil
Envoyer à un ami
Version imprimable
Partager

Un Mutu chì face u tazzu

Pè a so prima intervista, Adrian Mutu, u novu attaccante di l'ACA hà fattu forte : "je viens en Corse et non en France". Emile Zuccarelli è Nicolas Alfonsi ùn anu micca appreziatu.



Un Mutu chì face u tazzu
Cumu riesce à fà u tazzu nanzu d'avè ghjucatu una partita ? Invitatu di u Canal Football Club, l'attaccante rumenu hà dettu chì : « J’ai certes fait des erreurs, et j’en ai tiré des leçons. Je me moque de savoir ce que les français pensent de moi, et sans manquer de respect, je viens en Corse, et non pas en France », fendu allusione à i so dui cuntrolli pusitivi.

Ancu sì durante a cunferenza di stampa di l'ACA, u ghjucadore hà dettu ch'ellu era scherzu è ch'ellu ùn vulia micca parlà di pulitica (vede a videò versu 8'30), cù sta dichjarazione, l'anzianu di a Fiorentina, di a Juventus è di Chelsea face parlà d'ellu in a stampa è s'hè fattu parechji nemichi in Francia (basta à vede i cummenti nant'à Twitter...)

Per Alain Orsoni, Adrian Mutu hè « le plus grand joueur que nous ayons eu en Corse depuis Johnny Rep en 1978 ». Bon, ci avianu digià dettu quessa dopu à a signatura di Juan Esnaider in u 2003 ma ùn li hà micca purtatu furtuna.

Allora d'accordu, era una dichjarazione per fà piacè à i sustenidori... ma à vede e riazzioni di l'unu è di l'altri, u colpu mediatiu hè statu riesciutu.

Ùn mancanu più chè i cummunicati di cundannazione di l'Association France-Corse, di i Zuccarellisti è di a nova CFR.

u 1mu di Sittembre 2012



1.mandatu da Vote for me i'm famosu u 01/09/2012 12:33
Peccatu chi Thierry Roland ùn sia più quì per biscà !!!!

2.mandatu da ANTO u 01/09/2012 14:35
Ghja da finisce cu u fronte storicu !

3.mandatu da Casalta u 01/09/2012 15:57
Hà da rilancià u MPA ?

4.mandatu da Stonclette u 01/09/2012 23:34
Mi dumandu veramente quale hé chi à fattu à so lezzio......????????

5.mandatu da stumacatu u 02/09/2012 18:59
Forza un stara micca... mutu ghjuchendu !!

6.mandatu da Zeruffu u 03/09/2012 19:20
France-Corse ùn hè micca un associu.
Hè solu un situ internet liatu à L'Express di Christophe Barbier :
www.france-corse.fr

Date una fighjata !

7.mandatu da tutucelli u 06/09/2012 20:06
CFR = "disparition" tel le dinosaure....

8.mandatu da Capicursinu rancicu u 07/09/2012 09:56
Adrian Mutu ha parlatu.... Ùn hè micca statu mutu..

9.mandatu da Petru u 08/09/2012 20:18
Mutu, cum'è povara hè a miseria

Ma Corsu, cum'è u Corsu ùn hè più !

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta