Accueil
Envoyer à un ami
Version imprimable
Partager

Un Pidaghju in Furiani è Bucugnà ?

In 2010, ci volerà à pagà per falà si ne in Via Notte o per cullà si ne à l'Acapulco! Eccu ciò ch'ellu ci hà annunziatu, sottu sottu, u Presidente di l'esecutivu, Ange Santini à u Corsica Sera...



U futuru pidaghju di Furiani...
U futuru pidaghju di Furiani...
A sapiamu dipoi a visita, annu, in Corsica, di u Primu Ministru François Fillon, chì u Statu era à paghjolu. Quist'annu, postu chì à Marianna, ùn la ponu più munghje, hè a CTC chì pienghje...

Allora, chì fà?

À sente à l'AS di a CTC, a suluzione, ghjè u privatu! U PPP (Partinariatu Publicu Privatu). Hè u privatu chì si surpa u publicu... S'elli ci mancanu i soldi per pagà e strade, chjameremu imprese per custruì le... Bona, ma per pagà le? Metteremu un pidaghju in Furiani? Bastia-Purtivechju: 15€ ! Poca bastunata, nò?

Si puderia imaginà un dispusitivu particulare per a Corsica. Accresce i prezzi (cum'elli a facenu i cummerci) da ghjungnu à sittembre, per spuglià i turisti... Rigalà a circulazione per i "lucali"... Ma attenti chì di regula, l'imprese ùn ne facenu tanti rigali...

Una strada per a Jet-set ?

Infine, à sente l'ultimi puttachji intesi in Séguéla-City, ci volerà à custruì un autostrada Purtivechju-Calvi... A strada di a night... Avemu omancu bisognu di què per accoglie i pumataghji è i pippoli di terza trinca di u mezu mondu... U scopu sarebbe di pudè fà u before sott'à a citadella di Calvi è l'after in Purtivechju! O u cuntrariu... L'aperitivu ind'è Christian Clavier è a night ind'è Muriel Robin! Avà chì i Russi li lampanu fora da u Sudu di Francia, s'affaccanu quì...

Eccu u PADDUC, l'avvene corsu di i visiunari di l'UMP. Grazia à elli, ci custerà menu caru di francà u mare per andà in Nizza chè di falà in Purtivechju...

È s'è faciamu un pidaghju di quelli saliti per i pippoli è i pumataghji???

u 2ndu di Sittembre 2008
Sbanditu



1.mandatu da yachtclubber u 02/09/2008 10:03
Qué si chjama "l'impot révolutionnaire", mi pare???

2.mandatu da piratella u 02/09/2008 13:27
ùn avete cà ùn andacci à Via notte o Acapulco...

3.mandatu da u corsu u 02/09/2008 18:11
I turisti chi sbarcanu in aiacciu per u mare,pè andà au camping la pinède chez angeot in calvi elli un paganu micca: ticket passage gratuit.

4.mandatu da GWM u 02/09/2008 19:08
CHI Fà ?

5.mandatu da louis u 02/09/2008 21:20
U pidaghju he u principiu d'un'eventuale "autoroute" (micca augurata)

6.mandatu da Ziu Dumè u 02/09/2008 21:47
Chì fà?

Ci vole à pagà!!!

7.mandatu da piratella u 03/09/2008 18:43

diceria piuttostu ... ci vole à fà pagà...

Novu cumentu :