Accueil
Envoyer à un ami
Version imprimable
Partager

Un ci hè più nunda à Décathlon

Hè una grande è bona nutizia in u mondu magnificu di a cunsumazione à buzeffu : avà ci hè un Décathlon in Aiacciu, è hè statu pigliatu d'assaltu.



Un ci hè più nunda à Décathlon
À noi Corsi, a sapete bè ci piace à cunsummà. Ci piacenu i parkings di supermercati, e mascine à cartes bleues, a coda à e casce, e spese... Avemu a passione di u caddie.

Semu poveri, ùn ci hè micca travagliu, a precarità hè sempre più impurtante, i restos du coeur in pienu sviluppu, ma a prupurzione di supermercati è di grandes surfaces hè a più forte di Francia. Hè cusì, à noi ci piace à spulà i nostri soldi, pè u più grande piacè di i grandi patroni.

Dapoi mercuri dunque, i passiunati di caddies è di catini sò cuntenti. A marca Décathlon hà apertu un magazinu in Sàrrula, è semu passati vicinu da a guerra civile.

Tutta a ghjurnata ci hè statu un mondu scemu. I rayons cumplettamente spachjati. À chì n'hè ripartutu cù veste Millet, à chì cun slips pè fà a bissicletta, à chì cun materiale di musculazione (chì di tutte e manere ùn serà mai utilizatu). Ci saria ancu statu una scuzzulata è trè feriti, per via d'una prumuzione nant'à articuli di piscina.

Tuttu cuntinuveghja d'andà benissimu in Corsica. Quì cummencia u terzu mondu...

u 27 di Nuvembre 2011
U Webmaestru



1.mandatu da AK47 u 27/11/2011 20:16
CORSICA, AFRICA = LISTESSU DESTINU

eccu a dimustrazione di u sprufundamentu di a nostra sucetà...

2.mandatu da Mare nostrum u 27/11/2011 23:31
Ci hé un mondu scemu 1 mesu po dopu ci hé piu nuli ! He sempre cusi in corsica 😉!
Po dopu décathlon riturnera in francia !!!! Cume sempre !

3.mandatu da MediLibera u 27/11/2011 23:34
Da pienghje ...

4.mandatu da J G u 28/11/2011 05:08
Sô tutti andati a Décathlon perchi in casa face u fredu e custi hé scallatu , e d'estate ci si va pe rinfrescassi chi c'hé a clim !

5.mandatu da De catillone u 28/11/2011 07:48
decathlon, ùn hè micca peghju chè Leclerc o Casino... Hè a morte di u picculu cumerciu ma s'omu guarda i prezzi.... ùn si pò avè sempre a botte piena è a moglia briaga ... hè cusì. Ci sò chì anu i soldi è l'altri più pocu. Cumu femu? CUmprà ci vole à cumprà è cumprà corsu, s'elle ùn sò e clementine, u figatellu a farina pisticcina o un caprettu ... Quì certi si facenu piacè scrivendu, d'altri si battenu soli...Ma u risultatu hè un sistema economicu danneficu per a Corsica chìbatte tutti i "records" di l'impurtazione, vestiti, robba da manghjà, è altru restu. Basta à parlà tutti in francese è "ùn si ne parla più" ...

6.mandatu da giramondu u 28/11/2011 09:26
Pè me ghjè una cunferma chi Aiacciu ùn hè micca in Corsica , ghjè un paese stranu è furesteru. Ad ogni volta chi ci vadu pigliu u mo passaportu. Mi piantu qui chi ci hè tantu da di annantu a stu lucacciu,

7.mandatu da Tinelu u 28/11/2011 11:03
Eu pensu chi i
CORSI confondanu millet cu u granu à cereale
E Pè quessu chi si lampanu nantu cume ....
Disgraziadu à noi

8.mandatu da muammar u 28/11/2011 12:00
Ci lagnemu sempre ch'ellu hé "baccalà per Corsica"... E quandu pà una volta si passa indé noi cumé in altro, ci lagnemu ancu di piu... Saremu cundanati à campà cumé in 14eci...

9.mandatu da Belzebuthu u 28/11/2011 14:26
A ghjente un pensa piu che a una cosa : cumprà

10.mandatu da Ulongu u 28/11/2011 14:30
Ch'ellu ci sia un decathlon in Corsica perchè micca, si pagherà sempre a robba più à bon'pattu (ci sò da a ghjente chì vanu à fà e cumissiò in Sardegna perchè hè menu caru culà). U prublemu hè piuttostu sta reazzione chì hà purtatu tutta sta ghjente à lampà si nantu à a robba, à assaltà u magazinu cum'è s'ellu ci era una manchenza degna di i più grandi eroïnoman...

11.mandatu da picciaghjolu u 28/11/2011 21:46
dopu à "les corses découvrent le quick" u figaro puderà scrive "les corses découvrent décathlon" è mancu ùn si sbaglierà

12.mandatu da ANTO u 29/11/2011 05:16
Mi dumandu perchèi Corsi si so innamurati di ste ghjachette Millet chi so goffe e so state purtate a l'origine de u GIGN.

13.mandatu da mijagavignanica u 29/11/2011 10:55
O Cristone tamantu salvatecci !!!! a povara CORSICA si nè va a caternu !!!

14.mandatu da Piatamò u 29/11/2011 13:33
Ùn vecu micca ind'edd hè u prublemu?
Ch eddu fussi una franchizia francesi?sport 2000, intersport, bedda robba sputica!...
Parchì prima à eddu c erani i magazeni incù una Vera scelta dì qualità è di prezzi pà u materiali spurtivu? I magazeni ditti "di sport " ùn pruponini chè prêt à porter sportswear è basta. È a marcanzia dì tutti manera pocu impremi u magazenu hè ghjunghjiticcia.
È a curiusità hè sempri stata ind'è no. Quandu unu faci qualchì travaddu in casa o altru ci affacchemu par renda ci contu è essa tistimoniu dì a vita chì passa è dì i cosi chì cambiani.
Allora insaccheti puru a fumaccia fendu cunclusioni filusofichi è critichendu quiddi chì ci sò andati ma francamenti trovu chì u niveddu dì riflissioni hè beddu bassu. À rombu d essa contru à tuttu eti da finiscia par lampà vi sottu à qualchì ponti cusì tandu vi cunvinarà a voscia vita.

15.mandatu da Afonlaforme u 02/12/2011 09:59
O Giramondu, tu chi pensi chi Aiacciu un si trova in Corsica, prova à parlà corsu com'eddu ci voli par cumincià...(micca u corsu)
Sò ghjenti com'è tè chi strughjeni a noscia cultura, sulidarità è identità
Populu Corsu un ci n'hè chè UNU !!!


16.mandatu da Afonlaforme u 02/12/2011 10:03
Vulia dì " micca u corsu chtimizatu"...

17.mandatu da Quicku u 05/12/2011 00:49
@ Piatamo : leghji bè u cummentu di Ulongu :

u prublema un he micca Décathlon (tantu megliu si a robba hè menu cara) ma a riazzione di a ghjente quandu qualcosa di novu apre (cume u Quick)

lampassi cusi nantu cume famiti, he forse chellu ci he un prublema no ?

paremu disgraziati di u Nigeria !

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta