Accueil
Envoyer à un ami
Version imprimable
Partager

Ùn ci mancava più chè Nanard

U mensile Corsica s'hè autocensuratu. Bernard Tapie ghjunghje à Corse-Matin. Ci hè di chè esse inchieti pè l'infurmazione.



Ùn ci mancava più chè Nanard
Quelli chì anu pruvatu di leghje l'ultimu nùmeru di u giurnale Corsica anu avutu una surpresa : duie pagine eranu incullate.

Errore tecnicu ? Censura ? Prudenzia ? Publicità per Super Glue 3 ?

A risposta hè venuta in Corsica Sera : l'articulu chì purtava nant'à l'affare di e suvvenzioni di u CG2B à i gîtes ruraux era troppu vicinu di a diffamazione, segondu u so rispunsèvule.

St'affare hè statu cacciatu da L'Express è tredeci persone si ritrovanu messe in esame.

Ma in pocu tempu, l'articulu si ritrova subbitu nant'à internet è circuleghja nant'à Facebook è Twitter.

In listessu tempu, Nanard visitava i lucali di Corse-Matin. A bona nutizia, hè ch'ellu era accumpagnatu di Patrick Le Lay, anzianu PDG di TF1 chì hà da aiutà Tapie à ristrutturà u gruppu Nice-Matin.

Le Lay hè quellu chì avia dettu chì u rollu di a televisione hè di preparà u cerbellu di i telespettatori à i messagi publicitarii : "Ce que nous vendons à Coca-Cola, c'est du temps de cerveau humain disponible".

Tappettu hà dettu ch'ellu ùn hà da scambià nunda (vole dì ch'ellu hà da sciambulà tuttu), ch'ellu ùn tuccherà micca à a linea edituriale (vole dì ch'ellu hà da ficcacci u so nasu) ma ch'ellu ci vulia à "diversificassi", occupassi di furmazione è ch'ellu hà da creà una... scola di cummerciu, in i lucali di Corse-Matin.

Hè u grande ritornu di "la combine à Nanard", è ci vulia ch'ella caschi nant'à noi.

u 13 di Marzu 2013



1.mandatu da ghjuv u 14/03/2013 00:11
O puttana gobba

ùn ci mancava più chè Nanard-Matin...

perchè simu cusi casticati ?!?

2.mandatu da Buzz a saetta u 14/03/2013 02:34
Ùn manca più chè Pravda Matin scambiessi di nome. Chì ne pensate di NANARE INCATINATU ?

3.mandatu da henry smart u 14/03/2013 07:56
Ancu assai chi c'he a piazzetta !!!

4.mandatu da Mammone u 14/03/2013 08:09
"Keurse-matin"...un bà!...so numerosi quelli chi u leghjenu che per e pagine necrologice e più spessu nanta u "net" e avà , da poi lu c'hè "Nanard" , per leghjelu nanta u " net" ci vuole a pagà . Per u restu , u c'hè tanti "scoppi" !! Ci n'hè una tetja di " Deux oui pour un nom" per i matrimonii e altri articuli in serviziu cummandatu , all'ordine di pulitici !!

5.mandatu da ANTO u 14/03/2013 11:07
E u megliu hè chi prestu a da cumprassi u SQUEUBEU ,cum'ellu avia fattu cu l'OM ,attenti a e fette cum'ellu dice Marsili !

6.mandatu da Libertà per i panzarotti u 14/03/2013 11:38
Corse-Matin = Giendarmi Matin

7.mandatu da MARCUCCIU u 14/03/2013 11:51
hé ! ma cusi ci losciara uni pocchi di milioni d' euro !!! viva nanar!!!!!queddu campessi cent'anni !!!!!!

8.mandatu da U polpu u 14/03/2013 12:04
Un omu puliticu di manca chi ghjé dino un buziness-man è un appassiunatu di ghjoca-pallone, quessi si chi u ci ciole in corsica è in particulare à u scb....

9.mandatu da leprovençal u 14/03/2013 20:13
Cume si traduce in corsu a casata di Bernardu ? Tapettu ??

10.mandatu da N'u u fondu di a valle u 14/03/2013 21:39
O mancu u premiu Pulitzer un sera micca datu a un giurnalistu corsu...

11.mandatu da STRANPALATU u 14/03/2013 22:51
UN' CORNU ! ! ! ! !

12.mandatu da Deferre u 15/03/2013 09:55
Colombani , bourdiec, silvani , acquaviva (ribombu) so stati giurnalisti corsi, mà per di s'elli eranu gran giurnalisti ghje un altra'affare....

13.mandatu da Deferre u 15/03/2013 09:58
Mà cume presidente di u cunsigliu genarale di corsica suprana un sarebbe ( forse) un gattivu affare, Nanare a soldi, persunalità e amicizia incu i sgaiuffi corsi e maresegliese...

14.mandatu da Premiu Pulizzeri u 17/03/2013 14:59
Scoli di Tapie, ci n'hè dighjà un bon parrecchji in Corsica cù u cunsigliu ginirali di Corsica Suprana, i prighjoni d'Aiacciu é di U Borgu é uni pochi d'impresi privati di furmazioni di "l'apprentis" ind'A Vinzulaca, in Bastia, Veru, Pila Canali é altri lochi...Di tutta manera, pudarà essa peghju cà avà, u nostru Kepi-Matin?

15.mandatu da U polpu u 19/03/2013 13:40
u peghu indè tuttu st'affare ghje u silienziu cumplice di a stampa, di i puliticanti, di tutti quelli chi parlanu di transparenza, tutti quelli chi dicenu circaà, l'"etica" u sensu indè e so "lughjaccie massoniche" quessi um si sentenu !!!! Poveru paese, poveru populu!!!

16.mandatu da U polpu u 19/03/2013 13:42
Bona festa a stu baschicciu di Joseph -guy Poletti !!!

Novu cumentu :