Accueil
Envoyer à un ami
Version imprimable
Partager

Ùn ci tumberanu MAI !

Thiriez pò fà u musu, u Sporting hè di ritornu...



Ùn ci tumberanu MAI !
9 mesi fà, u Sporting era vicinissimu di a morte, mandatu in quarta divisione da a DNCG. I dirigenti di u futbol francese eranu troppu cuntenti di sbarazzassi di stu club chì ùn hè mai statu cum'è l'altri.

Venneri sera nant'à a u terrenu di u stadiu Eugène Pourcin di Fréjus, ghjucadori è dirigenti anu dettu addiu à u National davant'à 500 (!) furiosi. Ma più ch'è a ricullata in Lega 2, hè a rinascita di u club chì hè stata festighjata. Perchè chì sì Bastia ùn ritruvava a L2 quist'annu, era a morte assigurata...

Cum'è sempre in Corsica, hè quand'ellu tuttu và male ch'elli si pruducenu i miràculi. Dirigenti, intrenore, ghjucadori è sustenidori anu sappiutu fà l'unione è tirà tutti in u listessu sensu per chì u Sporting ùn morga micca.

Dopu à un spiazzamentu caòticu pè piglià un caffè nant'à u portu di Nizza, l'accaniti turchini anu infine pussutu fà a festa (per una volta).

È trippa pè Thiriez, u Sporting hè di ritornu !




u 25 d'Aprile 2011
U Webmaestru



1.mandatu da Alexferox u 27/04/2011 11:22
A thiriez; li pace l'arte lirica e ancu à mascarassi :

http://3.bp.blogspot.com/_-XwayVfz5Q8/S7InGPQymlI/AAAAAAAAAq0/09ckg3ePn_g/s1600/l.jpg

2.mandatu da Jojo u 28/04/2011 09:33
Quantu tempu ci soffreranu ??

Novu cumentu :