Accueil
Envoyer à un ami
Version imprimable
Partager

Un dîner presque parfait... cun Emile Zuccarelli

Cunniscite tutti l'emissione di M6 "un dîner presque parfait". Corse-Matin vi prupone megliu : "un dîner avec... Emile Zuccarelli". Pocu rigalu quessu, nò ?



Un dîner presque parfait... cun Emile Zuccarelli
Chì Corse-Matin era cunfurmistu, a sapiamu. Ch'ellu era u portavoce di i putenti è micca di i chjuchi, face una stonda ch'ellu ùn ci hè dubitu. Ch'ellu hè u giurnale officiale di l'eletti, a sapiamu dinù. Ma quantunque...

Un cuncorsu induve u primu premiu hè un ripastu in capu à capu à u Flunch cun Emile Zuccarelli, ci vulia à falla !!! L'avete sunniata ? Corse-Matin u realizeghja !

I cuncorsi di stu tippu prupònenu piuttostu una serata cù i rock star. Un ripastu cun Bono, Madonna, Beyoncé, ùn dicu micca... Ma chì vulite fà, avemu e rock star ch'è no meritemu.

Chì tanti George Clooney ! Noi, avemu a furtuna di pudecci abbuchjà durante 2 ore a faccia di Milù chì vi cunterà u ramassage des ordures à Sant'Antone o les problèmes de l'éclairage public dans le quartier de l'Annonciade è perchè micca la mise en place du tri sélectif dans les containers jaunes de la rue Baietta.

Si vede da quì a suppa di musu...

Ma postu chì u nostru cutitianu hè cusì bè inspiratu, eccu qualchì suggestione di primi premii di cuncorsi :

  • una serata in buatta è un after cun Camille de Rocca Serra
  • un doppiu Big Mac cun Paul Giacobbi
  • una garden party ind'è Clavier cun Ange Santini
  • un dopu meziornu à l'Hippopotamus cun Paul Natali
  • una pastizzata cun Paul Quastana
  • un Pacific force anis ind'è Playa Baggia cun Jean-Christophe Angelini
  • un thé dansant à u Tango Bleu cun Edmond Simeoni
  • un dopu meziornu in e scale di a meria di Biguglia cù u cunsiglieru finanziariu di Sauveur Gandolfi-Scheit
  • una ghjurnata à a MAPAD cun Jean-Claude Guazzelli
  • una matinata ind'è Jean-Louis David cun Jean-Martin Mondoloni

D'altre pruposte ?

Ghjovi 19 Marzu 2009
U Sgaiuffu



1.mandatu da Maria u 2009-03-19 07:49
mi stona! ùn ha prupostu nudda incu stéphanie Grimaldi , marie- Ange Susini, Véronique Sciaretti, Nadine Nivaggioni... e tutti l'altri donni eletti... ! pensu chi par certi ci sariani i candidati. una sittimana à visità tutti i ritinuti d'acqua incu Stépfanie Grimaldi... saria intarissanti...

2.mandatu da maria u 2009-03-19 08:42
un dopu mezziornu incu Georges Mela annantu u yacht di un V I P à u portu di Portivechju.
una ghjurnata à i Lavezzi incu J C Orsucci.

3.mandatu da circinelludiguagnenativupeliguagnesusosanguaversatu u 2009-03-19 08:53
"una pastizzata cun Paul Quastana" o mancu (te ! pigliati quissa o altò !) o mancu saremi sicuri di senta parlà di musica bona, di ghitara è di rock.
uskeubeu

4.mandatu da cipolla u 2009-03-19 10:10
ùn giru di capicorsu in pedalo incù Ange Pierre Vivoni...
http://upinzalone.free.fr/

5.mandatu da fratellu ficatellu u 2009-03-19 11:40
O Maria, aghju intesu di chi u nostru sgaiuffu avia pinsatu a una serata in Pariggi incù le nostre donne elette (Club 41, La chéminée, le 2+2, è Chez Alban...)

6.mandatu da machja u 2009-03-19 13:34
Oghje uPopulu francese si move !!!! E NOI CHI FEMU ???????

7.mandatu da heliofobu u 2009-03-19 15:01
Dimu cunnerie annant'a internet...

8.mandatu da panzarotti's day u 2009-03-19 18:16

Oghje uPopulu francese si move !!!! E NOI CHI FEMU.....


......... manghjemu i PANZAROTTI !!!!!

9.mandatu da C.BARBIER u 2009-03-19 19:18
un "week end" à euro disney cù Rosa Prosperi, è una settimana à u Maroccu cù Jean Guy perchè " t'a la mouni"!!!!!!

10.mandatu da fratellu ficatellu u 2009-03-19 19:34
Han bon ! Aghju capitu u principiu di a cacciata ! Prosperiri, Fifi è Loulou !

11.mandatu da C.BARBIER u 2009-03-19 19:43
no, Prosperi per via di l'arechje , cum'è quelle di Mickey!!!!

12.mandatu da malcunciliu u 2009-03-19 20:43
una pastizzata, ma di quelle, cù l'amicu Quastana. Cusì, versu duie ore dopumeziornu, tutti inseme, canteremu per i carrughji à voce rivolta" eviva u pastizzu, eviva a Strada diritta"

13.mandatu da Pastacarbusgiu u 2009-03-19 21:53 (da un teleffuninu)
E un "barbeuque" incu B.Bonnet a Cala d'Orzu , sara sempri pussibuli?

14.mandatu da fratellu ficatellu u 2009-03-19 22:01
O C.Barbier, un parla micca di Micckey annant'a piazzetta chi, hà da ramintà ricordi gativi a l'administratori !

15.mandatu da Culomba1 u 2009-03-19 23:07

Un sughjornu in meza pensione in una Riserva Indiana (vera) cù Antone Giorgi...

Una serata Cubana cù Dumenicu Bucchini

Una surtita Sinemà "Sex and the city" cù Pascale Bizzari

Una visita guidata di u Borgu cù Madama "Natali" , in musica cù l'immurtali "Mantini"

16.mandatu da ZIU ANTO U PURCAGHIU u 2009-03-19 23:31
ho!!ho!! é una manghiata di ficatelli e di sangui purcini incu Joselyne Fazi.Perché no!!!

17.mandatu da Lisandrinuccia 2a u 2009-03-20 02:28
Una sirata sadù-masù, cun Pasquale Paoli, Minutu Grossu è Circineddu !

18.mandatu da pichjettu u 2009-03-20 11:02
una partita tamanta di culu a l'assemblea di corsica cun tutti l'eletti e dopu brusgia tutti i scagni

19.mandatu da uomudibiendadaccuanustrale u 2009-03-20 11:04
una bedda suppa di musu in cu i tutti i nostri eletti di lassemblea di Corsica Milù in postu di presidenza . . . .

20.mandatu da Cardone u 2009-03-20 11:54
http://www.dailymotion.com/relevance/search/diner+de+con/video/x3fk42_mr-pignon-appelle-prevost

21.mandatu da ceccè pignò u 2009-03-20 17:39
eccu !

serà piuttostu un "diner de con avec emile zuccarelli...

CQFD

22.mandatu da Una u 2009-03-22 13:53

Una zinata gigante in Playa Baya cù Angelinou è i so amichi "pipoli"?

23.mandatu da Culomba1 u 2009-03-23 23:06
Una corsa scema nantu à l'autostrada Furiani Furiani cù Gandolfi Scheit (sè vo site una Bimbo Bling Bling)

24.mandatu da Paris hilton u 2009-03-24 19:28

Ow, I can invite you on my yacht with John Cri!! come on! He is so nice!

By the way, nobody has still proposed me a beautiful land to build on, by sea... !

25.mandatu da Culomba1 u 2009-03-24 23:47
Una girata di e rumenzule di a CAPA cù ZIu Simonu....

26.mandatu da ziu santu u 2009-03-31 15:55
una merendella in Tizzà incù Dumnicu Bucchini pè felicità ci di a crescita di e residenze di turisimu nantu à u liturale.

27.mandatu da Ali bertà u 2009-05-07 21:12
"Un dîner presque parfait... cun Emile Zuccarelli"
Eu avaraghju pensatu piuttostu à "Un diné de con...cun Emile Zuccarelli" ^^

Novu cumentu :
B i u QUOTE URL

Scumpienti

U top 50 di i nomi struppiati

Facenu 200 anni ch'elli sò struppiati i nomi di lochi corsi. Paesi, muntagne, paisoli è cità, u sterminiu hè generalizatu.

U top 50 di i nomi struppiati
À i cani i nomi di lochi corsi ! L'antica memoria di i nomi si sfassa per lascià a piazza à nomi struppiati è plasticati.

Eccu u Top 50 di i scumpienti di a tupunimia corsa...


Leghje a seguita
A Piazzetta nant'à Facebook

Site più di 8000 à avè l'applicazione per iPhone8

Site più di 8000 à avè l'applicazione per iPhone8
Eccu, sò più di 8.000 caricamenti nant'à l'AppStore !

A Piazzetta era digià nant'à l'iPhone, avà ghjunghje nant'à Android

Hè a prima applicazione d'un media corsu.

Sò state sviluppate da una intrapresa corsa, DuoApps !

Ricircà nant'à A Piazzetta
Ricerca avanzata
Inscription à la newsletter