Accueil
Envoyer à un ami
Version imprimable
Partager

Un ditu à un CRS = 1 mese in prigiò

In Aiacciu, un omu chì hà pisatu u ditu davant'à un fourgon di CRS passerà Natale in prigiò. Bone feste.



Un ditu à un CRS = 1 mese in prigiò
Amichi, fate pianu. Ancu s'è vo site in buchja nera, ch'è vo site azezi è in crisa contr'à ciò ch'ellu si chjama in francese "les forces de l'ordre", evitate di mustralla troppu.

Corse-Matin in a so edizione di u 21 dicembre conta ciò chì hè accadutu à un omu chì hà fattu un ditu à un fourgon di CRS chì per disgrazia si truvava davant'à ellu.

Bon hè vera ch'ellu hè difficiule in Aiacciu o in Bastia d'ùn cascà mai davant'à a BAC, i CRS, i gendarmi è a pulizza. Avemu a più forte prupurzione di flicchi d'Auropa.

Hè vera dinù chì l'omu a s'hè circata appena : 12 cundanne in 22 anni per parechje cose, venia di sorte di a prigiò di U Borgu è era in bomba ceca.

Ma quantunque, un picculu ditu fattu à un CRS li custerà di passà Natale è capu d'annu in prigiò.

In a vita, hè megliu à esse CRS ch'è disgraziatu, ma quessa a sapiamu...

u 22 di Dicembre 2011
U Sgaiuffu



1.mandatu da Pumata u 22/12/2011 15:27
Mi so sempre detta chi un tipu chi e prontu a passa a so vita a surveilla, dinuncia, mina, cundana, ghjudica, incarcera a ghjente pe gualagna u so pane un vale tanti affari... Ava stu generu di reazione ci mostra be che in francia nimu ùn hé uguale a nimu! Un c'hé che sta logiga di statu cega e assassina!!!

2.mandatu da Kyrn0s u 22/12/2011 19:09
Sulidarita incu Henri Emmanuelli...

Andate a "l'Assemblée Nationale" e fate diti quant'omu ne vole.

3.mandatu da u miumese u 22/12/2011 19:37
U peghju secondu mè ghjè chì sè li fate listessu gestu allora ch'elli sò in civile, ùn vi costa nunda. Fatelu quandu sò in serviziu, hè "outrage à agent". Allora scegliete u vostru mumentu.

4.mandatu da Mare nostrum u 23/12/2011 00:08
Cumu dice a Fontaine " la raison du plus fort est toujours la meilleure "
Quessu hé un bellu esempiu !!!!

5.mandatu da michinaghjafà u 25/12/2011 19:23
A cundanna per u ditu maiò ... a prussima volta, pruvate cù u ditone , l'indice o u mignulellu ...

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta