Accueil
Envoyer à un ami
Version imprimable
Partager

Un ghjornu, ùn puderemu più bagnacci in u Mediterraniu

Mullizzu, urbanizazione sfrenata nant'à u liturale, battelli chì lampanu a so rubbaccia, turisimu incuntrullatu... Un raportu di u Senatu ci prevene chì u Mediterraniu hè in perìculu.



Un ghjornu, ùn puderemu più bagnacci in u Mediterraniu
È sì u fattu di ciuttassi in u mare Mediterraniu diventerà un lussu chì i vostri figliulini ùn puderanu fà ?

Un raportu di u senatore Courtaud chì u Mare Nostru hè in una situazione inchietante.

Più ch'è u riscaldamentu climàticu, hè l'urbanizazione è a frequentazione troppu forte di u liturale chì minaccia l'ambiu. In 30 anni, a pupulazione in bor' di mare hè crisciuta di 50%, senza chì l'infrastrutture di trattamentu di l'acque brutte seguitinu. Peghju : sta pupulazione duveria cresce di 41% à l'orizonte 2025.

È ùn parlemu mancu di a pressione turìstica...

D'altre inchieste avianu dimustratu chì i pesci eranu pieni di materie plàstiche è ch'elli ci sò pienu di piccule partìcule chìmiche, resti di creme pè u sole è di medicine...

Tuttu quessa hè di siguru un dannu pè a biodiversità di u mare. Quand'ellu si sà chì u Mediterraniu hè à metà chjosu è ch'ellu ci vole un seculu pè rinnuvellà l'acque, ci hè da trimà per l'avvene.

Ma bon, tantu ch'ellu face prò à l'ecunumia, chì l'urbanizazione è u turìsimu mal pensati di tutte e manere "iè ma capisci, ça va créer des emplois", tuttu và bè...

u 5 di Lugliu 2011



1.mandatu da estrimei u 05/07/2011 20:35
forse chi tandu ci inciutteremu nu i fiumi

2.mandatu da Caulerpa Taxifolia u 05/07/2011 21:12
Tantu meiu...more pè more...... cusi ci nè sarà pè tuttu u mondu.....anderemu à stà in Irlanda o in Scozzia (Ci so Chjese è Stantare è belli loghi cume indè noi) o Eretz Isreal (Ci so i Chjese è Patriotti..è dinù arabipè tazzassi)

3.mandatu da perchè micca u 06/07/2011 01:04
tantu megliu, o caulerpa

quì, ciuttà hè esattu, o estrimé, inciuttà hà un altru sensu. comprati un dizziunariu

4.mandatu da non su corsu ma a perfezioni non esiste u 06/07/2011 17:44
U commandant Cousteau dissi a stessa cosa tandu, tanti anni arredu, ma non fú mai ascoltatu...Oghji tutti chi si lamentanu ma continuanu u ghjettanu mundizi dappertuttu, no sulu int'ó mari, Corsica compresa, e non sulu i turisti...

5.mandatu da J G u 07/07/2011 07:46
Les milles et une naissances de la méditerranée
il y a 20 millions d'années la cote nord - ouest de l'afrique entre en contact avec la pointe du sud de l' Espagne . La méditerranée originelle , scellée à ses 2 extrèmités s'assèche lentement . il y a 5 millions d'années une serie de failles trés profondes brisent la jonction existant entre le Maroc et Gibraltar des tremblements de terre réduisent en poussière le pont de terre reliant l'Espagne au Maroc et l'Atlantique se déverse à nouveau donnant naissance à la plus jeune des mers : la méditerranée que nous connaissons . résumé trés succinct de l'article d'août 1992 sur le magasine " terre sauvage " par David Attenborouch
u mondu gira e noi simu chjughi chjughi chi ci puimu fà :nunda ma un hé micca una ragiô per che no dichimu amen a tuttu cio chi si passa .cridichemu u lascia corre , e soppratuttu l' intrerressi partculari chi sô i cancheri di a nostra società .I nostri fiumi tenimune accontu chi sô una furtuna .

6.mandatu da ANTO u 08/07/2011 11:45
qual'hè chi un ha mai pisciatu in mare !

Novu cumentu :