Accueil
Envoyer à un ami
Version imprimable
Partager

Un girettu in muntagna...

Per scambià appena di i sempiterni dibattiti nant'à l'attualità corsa, A Piazzetta vi prupone di piglià appena d'aria pura cun stu panorama muntagnolu, pigliatu da a cima di San Petrone.



È s'è no surtiamu appena di e storie di pumataghji, di rientrata, di Giacobbi è di l'altri sempiterni capatoghji nustrali, eccu appena di silenziu è d'aria pura chì ci vene da u San Petrone.

Per vede u panorama è i nomi in più grande, appughjate nant'à stu ligame.

(da fidighjà ascultendu L'Alta Strada à fondu).
Da a cima di San Petrone (Castagniccia, 1.767 m)
Da a cima di San Petrone (Castagniccia, 1.767 m)

Ghjovi 2 Sittembre 2010
u webmaestru



1.mandatu da anto u 2010-09-02 15:10
Hè dinu bè di parlà a pena di u nostru paèse, ghjè cio chè facciu ogni ghjornu ,pè pruva di fa cunosce a vera faccia di st'isula chi un'hè mica che Porti Vecchiu o Calvi .....
http://www.blog-anto.be

2.mandatu da Antò di Sion u 2010-09-02 15:13
Oh Sgaiuffu a mumenti ùn si puderà mancu più esse serenu indé e nostre muntagne, ùn ci fermerà più che dà andà in cima di u "Sinai" pè esse tranquilli....!!

3.mandatu da Zitellu u 2010-09-02 21:35
Hè bienvinutu s'tu viaghju quì !
Ci vole à ramintassi chì i pumataghji ùn pudenu micca vede issu panorama chì trè mesi per annu, noi l'avemu sempre à a finestra...

4.mandatu da Carlinu Rocchi di Rusiu u 2010-09-04 10:15
Di lu nostru San Petrone, Rè di a Castagniccia e di a Corsica nova, si puo fànne lu vantu. Ellu ci invita a vede u piu bellu panurama di tutta a Corsica: da u Capi Corsu a l'Alcudina, da u Renosu à Monte Padru.
Ma, un hè micca tuttu. Si vede dinnù u mare Tirrenu e tutte e so isule da Capraja a Pianosa, passendu per quella d'Elba e di Monte Cristu.
Ma un hè micca tuttu. Di notte (incu i lumi incesi), cume di bon'ora si po dinù vede a Nizza e tutta a costa taliana.
Veradimente, per me u San Petrone e una muntagna sacra, spettaculu maravigliosu e permanente di tutta a mio zitellina, da a pisata a a chjnata di u sole. Muntagna sacra chi, incu lu so magnificu pilone di foi verdi l'estate e rossi d'ottore, abbraccia tutti i paisoli di e Vallerustie a punente e d'Orezza a levente.
Carlinu Rocchi di Rusiu

5.mandatu da estrimei u 2010-09-04 12:53
o Carli' ,
u San Petrone ha incantatu a to ghjuventu. ma oghje , face cumme tutta a Corsica , si lagna e chjamma i so figlioli a voce rivolta...

6.mandatu da corsu u 2010-09-04 14:51
bavellla era splendidu nanzi chellu ghjunghjssi jean paul quilici chi l'a vindutu a i turisti e s'in he missu pienu i stacchi !!!!!!

7.mandatu da estrimei u 2010-09-04 17:28
so chi he u piu vergugnosu tutti sti nomi dati a lallera , ch'elli imponnenu per fassi passà per putenze -"le trou de la bombe " pè u tafon' di cupulleddu ,"les aiguilles de Popolasca pè a Penna Rossa (d'altronde u paese he Upulasca) ......, si ne pueria fà un librone! -

8.mandatu da estrimei u 2010-09-04 17:32
vuleria aghjustà "a bocca di u Pratu "pe a bocca a u Pratu.
quandu u sumeri si metten'a runcà , nimu nu i po parrà!

Novu cumentu :
B i u QUOTE URL

Scumpienti

U top 50 di i nomi struppiati

Facenu 200 anni ch'elli sò struppiati i nomi di lochi corsi. Paesi, muntagne, paisoli è cità, u sterminiu hè generalizatu.

U top 50 di i nomi struppiati
À i cani i nomi di lochi corsi ! L'antica memoria di i nomi si sfassa per lascià a piazza à nomi struppiati è plasticati.

Eccu u Top 50 di i scumpienti di a tupunimia corsa...


Leghje a seguita
A Piazzetta nant'à Facebook

Site più di 8000 à avè l'applicazione per iPhone8

Site più di 8000 à avè l'applicazione per iPhone8
Eccu, sò più di 8.000 caricamenti nant'à l'AppStore !

A Piazzetta era digià nant'à l'iPhone, avà ghjunghje nant'à Android

Hè a prima applicazione d'un media corsu.

Sò state sviluppate da una intrapresa corsa, DuoApps !

Ricircà nant'à A Piazzetta
Ricerca avanzata
Inscription à la newsletter