Accueil
Envoyer à un ami
Version imprimable
Partager

Ùn hè micca l'annata di i Gérard

Dopu à l’affare Gérard Depardieu, a pulemica Gérard Romiti.



Ùn hè micca l'annata di i Gérard
Presidente di u cumitatu regiunale di pesca di Corsica è di u cumitatu naziunale di e pesche maritime (scusate dugià di u pocu), Gégé Romiti vene d’esse numinatu cavalieru di a Legione d’Onore.

Hà dettu ch’ellu era qualcosa chì ùn si ricusava micca. Ci vole à dì chì J.G Talamoni l’avia digià messu un bellu polpu sculiscente sottu à i pedi dichjarendu nant'à u so blog ch’ellu ùn pudia più esse in accordu cù ellu stessu s’ellu l’accettava. Seranu dunque cuntente tutte l’anchjuve, e ragnole, l’aligoste, e sardine di vede chì u riprisentente di 22 000 famiglie di piscadori riceve cù emuzione u frisgettu rossu à nome di tutti i pesci di u mare.

U disegnatore Jacques Tardi, ellu hà ricusatu cù a più grande forza per firmà un omu liberu, « u
ghjornu ch’omu ricunnoscerà i prigiuneri di guerra, i fucilati per l’esempiu, serà forse un altru affare », à nome di i suldati chì si sò fatti compie in u macellu di e duie guerre, quelli chì u pudere puliticu è militare francese sguassa di a memoria cullettiva.

Avemu in Corsica i rivultati è i resistanti ch’è no meritemu : Dopu u Premiu Goncourt accettatu da Jérôme Ferrari da una ghjuria chì hè in cumbricula cù e famose case d’edizione pariginie à colpi di rigali tremendi (cavalli di corsa, ghjuvelli…) è a greva di a fame di u Bobby Sands bastiacciu Jo Bonavita, pudemu puru esse fieri è cuntinuà à riceve i pattoni sciaccati da Valls è da u Cunsigliu Custituziunale. Ci vole à crede ch’ella ci piace.

u 9 di Ghjenaghju 2013
Pesciu Anguilla



1.mandatu da Pesciu pané u 09/01/2013 19:19
M'hè sempre piaciutu Gérard Romiti.

Ma quessa, era nanzu.

2.mandatu da Vinzaresu u 09/01/2013 19:47
Accittà u premiu Goncourt ùn hè micca listessu chì à leghjone d'onore chì si tratta di cultura è ancu i scrivani stranieri ponu vince issu premiu. Eppò a casa d'edizzione Acte Sud ùn face mica parte di e cumbricule di à ghjuria cum'è Gallimard è Flammarion . A leghjone d'onore hè,à u principiu,un premiu militaru per qualchissia chì campa per a Francia (fora l'artisti mericani), è chì ricunnosce u statu francese (per un tippu chì ùn l'hà mai ricunnisciutu). Socu d'accunsentu incù voi per Romiti, menu per Ferrari . Ma l'articulu m'hà campatu è soprattuttu à fotò chì hè magnifica!

3.mandatu da capitaineadoccu u 09/01/2013 20:04
O Gè ùn ai rientratu chè pesci in i battelli, a vede u livellu di vita, a mè ùn mi pare micca???

4.mandatu da hanzu u 09/01/2013 20:12
u prublemu hè : quand'ellu si riceve una ricumpensa d'una istituzione, à chi si rinuncia ?

5.mandatu da marescialu puttana u 09/01/2013 21:25
L'onori sò castichi.... Mi dispiace di fanne a rimarca ma s'ellu era statu un muderatu, averebbe capitu ch'ellu accetti u frisgettu. È ancu, ùn sò micca sicuru ch'ellu l'averia accettatu.... Ma per un'indipendentistu la marca propiu male... Anc'assai ch'è no ci simu abbituati à u so discorsu "armemuci è partite"... Chì ne penseranu i prigiuneri pulitichi ??? Allora, per finisce: o merda o baretta rossa... Ma dopu, statti zittu....

6.mandatu da mc bart u 09/01/2013 21:27
cunuscendu a Gérard, éu pensava ch'un l'averia micha acétatta, è po dopu adiu lettu u perchè nant'a u giurnalè, un é so micha cunvitu ma dié u so ragionamentu é d'éu u rispétu, Gérard dié un omu di passione, dié apassiunatu per a pesca é dinu per u so paése di cursichella, tuttu cio quellu a fatu indé a so vita dié una prova di a so intégrita,é di u so militentismu. a fatu parétiu per a pesca é per a corsica, per difendé i giovani a instalasi indé u mondu di a pesca é anchu di piu. alora si po macagna l'omu, ridè dinu di a cumplésida di a so scèlta di accéta sta ricunucenza di a francia per u so travagliu, ma cié un'affarè chi a me un mi piacè micha é dié cio chi a dettu quellu chi si fa chiama " capitaineadoccu" perchè dié un insultu a l'omu chi dié gérard é sottu indendé qui avéria fattu qualcosa di disunestu per campa cumé lu campa .... é vistu cume lu campa (un è micha Rotchild) dié veramentu verguniosu di lascia di ciarti affari a l'apiatu daretu a una farzata, capitaineadoccu po éssé un "pédophile" chi vende a droga é chi sputa u so venenu senza risigui. dié un cumentu spiazatu chi duverebè esse spazatu di cui. n'anta a que prégu a pacé e a salute a tutti tranè unu!

7.mandatu da Corsi-k u 09/01/2013 22:16
Spazza, o simpatica sapazzola spatrunata e sapienti, i spazzii spiazziati, spavintosi ma spaziosi. Spazza chi u spazzinu spizzicaghjolu, a sò spazzulina ha persu. Spazza e basta.

8.mandatu da Obamacciu u 09/01/2013 23:17
Ma perchè ai fattu què Gérard ?!? :'(

9.mandatu da Iglù u 09/01/2013 23:27
Gérard Romiti hè un omu onnestu, appreziatu da tutti, ricunnisciutu è tenutu caru in Bastia.Peccatu d' ùn avè ricusatu quessa....

10.mandatu da Capicursinu rancicu u 10/01/2013 07:47 (da un teleffuninu)
O ghjente, ùn vedite micca chì st'affare hè fatt'apposta pè divisà i naziunalisti.. Chì n'em a fà s'ellu ha accettatu ? Di tutt'e manere sta légione d'onore ùn vole dì nunda.. Ci sò d'altri veri prublemi ind'e noi

11.mandatu da U corbu biancu u 10/01/2013 08:36
A Francia l'hà cacciatu à un naziunalistu di u PCA nanzu guerra (mi pare in 39), ufficiale d'infanteria chì s'era battutu in Verdun per via di u so ingaggiamentiu puliticu...

12.mandatu da capitaineadoccu u 10/01/2013 08:44
o mc bart mi dispiace assai ma ùn si po avè dui discorsi cum'è certi cerviuninchi:"français de merde"è ne passu, è po dopu vende u murianincu à sti francesci di m...più nunda ùn mi stona: i figlioli di i grandi naziunalisti so pè u Parigi à fà lettere, psiculugia è altru i parenti appiecanu a lege di u "Armemu ci è partite chi eo so qui pè ruspà!!!"Simu lechi, almenu chi u corsu naziunalparigi sia u novu naziunalismu (è à mè mi va s'ellu ci vole à piglià 2 soldi...cum'è u nostru Gégé regiunale, cusi simu unu à unu cù Parigi è Depardiunovich; ùn avemu propiu più nunda à dì, mi pare????Solu forse un picculu affare, cio ch'emu persu in Corsica hè a VERGOGNA...chi peccatu o mc bart

13.mandatu da ANTO u 10/01/2013 09:22
U soldu e l'onori facenu cambia d'avisu à quale sia si .U mazzardu si pliglia subitu pè una ragnola ,cumè a ranocchja di a favula si pigliava pè un boiè !.

14.mandatu da Nathan Bronsky u 10/01/2013 12:15
St'affare ùn hà nisun impurtanza. Sean Connery hè statu fattu Lord da a "Queen". Hè pertantu presidente d'unore di u SNP, u Scottish National Party, chi guverna oghje a Scossa. E u SNP face un travagliu tremendu (studie superiore gratisi, energie pulite sin'à 80% per un dettu), è hà fattu rinasce a Scossa. Innanzu, a Scossa era cum'è a Corsica oghje: arruinata, debbule, depressiva. Patia a droga (pensate à u film Trainspotting), a disuccupazione è a delinquenza.
Oghje hè una Nazione rinata è degna.
Allora invece di dice sempre "tout est foutu", meditemu.

15.mandatu da henry smart u 10/01/2013 12:55
aio, qui un ci site mancu appena. paraguna u Goncourt di Ferrari è stu premiaccu ch'ellu ha accetatu romiti. peccatu, guasta appena u vostru articulu chi nant'à romiti avete tuttu à fattu ragio. un cunnoscu micca l'omu, ma ghje un omu puliticu chi acetta un premiu "puliticu" . ma Ferrari, ciò che vo dite, s'avvicina da u populisimu. un ha mai fattu lezzio à nimu mi pare . se stu premiu permette di fa cunnosce a so opera tremenda à millaie di personne, ghje una bona !! ancu eiu, a ricunnoscu mi so interessatu di più à Ferrari dopu à a mediatizazione ! e chi piace tamantu !!
e cum'ellu ha dettu unu , ghje un premiu literariu è micca un premiu datu da u statu francese ! so numerosi i francesi chi averebbenu ricusati a legione. allora ...qui romiti he à a risa ! punta è basta..bon s'era digia impignatu ind'u prugettu stella mare

16.mandatu da n'u u fondu di a Valle u 10/01/2013 13:03
Quandu vecu cum'ellu face u gruppu CL à l'assemblea,pensu chi certi un ponu da lezzio à nimu...

17.mandatu da u furbu u 10/01/2013 15:04
ferrari he peghju di romiti anzianu capuredatore di paese ha dettu "le contexte a changé" dunque u naziunalismu un n'ha piu scopu ;abbastanza!! fa un libru di fizzione chi he statu presu per a realita pe i francese .he statu premiatu cume rinaldi perche ha stupatu a nanta u populu corsu

18.mandatu da Vinzaresu u 10/01/2013 16:09
O furbu ùn ai micca lettu u libru di Ferrari è e so interviste dop'à u so premiu chì ùn hà mai stuppatu annantu à a Corsica. À u contrariu, face un travagliu di prima trinca per a corsica è à lingua incù u so amicu marcu Biancarelli. U premiu Goncourt ùn hè micca un premiu datu da u statu punt'è basta!

19.mandatu da Vinzaresu u 10/01/2013 16:11
Eppo Ferrari ùn s'hè mai prisentatu à una elezzione. Vale à dì ch'ùn hà pigliatu nimu per un connu.

20.mandatu da u furbu u 10/01/2013 16:37
ferrari ha piaciuttu a u jury perche ha stupatu sopra i naziunalisti cume rinaldi avia dettu chi a lingua corsa un servia che per chjama i capre.ferrari ha dettu in corsica matina "j'etais nationaliste (sous entendu je ne le suis plus) le contexte a changé.le romantisme est devenu tres dangereux" so stati primati perche hannu dettu cio che i francesi aspetanu di i corsi : niga u so pae se o imbruttalu

21.mandatu da ghjallochju u 10/01/2013 17:44
o furbu (di piu bellu cugnome)cuntinueghji u to travagliu di stomacheghju , ferrari un stupa micca nant'à a corsica e nemancu nant'à u naziunalisimu à u cuntrariu ancu s'ellu hà pigliatu u rinculu annant'à cert'idee di l'epica . u so premiu è un onore prima per ellu chi ricumpensa u so travagliu persunale e dopu dinò per a corsica sana .stu premiu nu u l'hà micca datu u statu , è un cuncorsu organizatu nu un quatru privatu e un deve nunda à nimu .
imboleghji tuttu , e u peghju per te è chi d'appressu à me nu a faci manc'apposta .. in sant'ornellu ci so chi so chjosi allora chi so piu astuti che te .. cio chi mi face ghjunghje u vomitu è di leghje a piazzetta per cascà nant'à cumenti mullizzosi e brutti cume i toi . è vera chi tu à parte per u premiu di a cunneria e di a lingua a più brutta un risicheghji mancu di cuncorre in tanti lochi spezie di carnavà . quellu chi imbrutta u so paese un è ellu ma tu cu a to bavacciula limicosa , in più ti cunsigliu d'amparà appena megliu u corsu per cuntinuà à insultà a ghjente (ancu per quessa ci vole un arte chi tu un amaestrerai mai).

22.mandatu da N'u u fondu di a valle u 10/01/2013 21:32
Postu chi i corsi un devenu riceve ne premii ne decurazione,mi dumandu quandu u sporting rendera u so titulu di campione d'annu passatu....

23.mandatu da henry smart u 10/01/2013 21:35
Ecculu, l'aspettava quellu astutu chi derebbe forza à u mo cumentu. si chjama Furbu ! quandu si vede u livellu intellettuale, he capita chi un ci vole à da a corda !! un ghjova, ma allora, mancu appena à nunda.
ava, he vera chi a piazzetta he un "media" di qualità fattu da ghjente astuta. E ci vole à cuntinua à stuzzica u vespaghju è un ave paura di critica !! ancu s'ellu un piace. ma dicendu a meia , diceraghju chi u paragone tra romiti è ferrari mancava di ghjudiziu!!
E ne prufittu per fa torna a publicita a stu scrivanu immensu : Jérôme Ferrari !!!
postu chi cunnoscu u mo paese è a manera di pensa, aghjustu chi stu Ferrari un Lu cunnoscu ne da vicinu ne da luntanu !! un a so s'ellu he un bravu tippu o un connu, ma i so libri so di quelli chi fermeranu ind'à literatura di stu principiu di seculu.

24.mandatu da henry smart u 10/01/2013 21:38
E qui torna un paragone chi ohimella : Rinaldi è Ferrari !!
puttana gobba, ava lì do a corda !!! un mancherebbe più ch'ellu si mettissi à leghje.

25.mandatu da mc bart u 10/01/2013 22:27
o capitaineadoccu, so d'accusentu, ma cio chi mè dispiaciutu dié u to sotu sensu, Gérard un è micha un omu a soldi, né a bisognu per campa cumè tutti noi, et vuléria lascia qualcosa a i soi, cume tutti noi, dopu cume adiu dettu, capiscu cio chi la fattu accéta sta ricunucenza, anchu sè un so micha d'accusentu cu éllu, vuléria dinu scusarmi per è mo parolè, pensu odié chelle soveramenté brutè, le adiu scrité n'anta u corpu di sanguè é per què mi scusu. capiscu u to ragiunamentu ma un si po asuccia gérard a ,cume ai dettu , u " naziunalparigi" unè micha perche Romiti travaglia odié in parigi per mantènè a pesca in corsica é puru in francia che lu dié diventatu pariginu é chellu a ricusatu tuttu cio chéllu a fattu indé a so vita. éu so piutostu fiéru chi un corsu e puru naziunalistu sipi stattu élétu da i pescatori francèsi per difendelli indé l'europa, volé dit chi u notru "gégé régiunale", cume ai dettu, dié un ésempiu in tutta a francia. pensu dinu chellu a acétattu per rispétu a l'omi chi l'annu messu a u postu indé lu dié awa, é chi so francèsi, un so micha omi di statu ma pescatori cumè éllu. dopu per torna nata i to détti pensu chi ému persu di piu chi a vergonia, avému persu u rispétu, a sulitarita, simu diventatti individualisti, avemu dinu persu l'onoré é cio chi mi costa sepre odié A PAROLA DATA, odié in corsica un simu piu di parola. un cié tantu una parola data diéra cumé un a firma, .... ma dié un altru suggétu. a salute e a pace.... O capitaineadoccu

26.mandatu da N'u u fondu di a valle u 10/01/2013 22:32
L'omu un hé tantu simpaticu ma ci vole di ,chi rinaldi dinu,hé un gran scrivanu...e un so cio chi mi stumaca u piu :di leghje chi Ferrari ha lampatu u populu corsu à i cani di saint germain des prés o di sente chi , u goncourt di Ferrari,hé una vittoria di a littératura corsa e di a corsica....

27.mandatu da pinzigliò u 11/01/2013 00:47
Sò un veru sustenitore di a Piazzetta cume un soffiu d'aria pura in un mondu chjosu è sottumessu chella hè à Corsica, ma vi dò à prima "carta gialla" per st'articullu..."N'est pas le "Canard Enchaîné" qui veut ?" U vostru articulu hè sollu pulìticu senza un sòppulu di distanza è di sìpritu stercatoghju. Hè accatastatu nant'à pusizione pratese di certi, nant'à fatti ricunisciuti cume puntelli di a storia nova di a Corsica ma chì custruiscenu piutostu una dòctrina chì una pusizione lìbera è staccata chì duveria esse quella di un observatore independente è criticu.Si mischia tuttu : a Corsica hè per noi assai assai impurtante postu ch'ella hè u nostru paese è chì ci campemu. In più hè troppu spessu vultulata da tutti i manghjoni. Ma, per piacè, legateci puru una piazza per l'umanu, quellu chi s'incalca in l'universale di a vita di u mondu ! Tuttu ùn vale tuttu è u particulare t'hà dinò a so ricchezza è u si deve rispettà. Ùn hè micca un affare di morale ma di libertà. Surtimuci puru di l'archètipi è demu piazza à l'omu stessu. Tandu seremu allora dinò corsu postu chì no simu ghjente di stu populu. E à listessu tempu si pò arricoglie d'altre persone, d'altri omi è d'altri donne in altrò per custruisce dinò d'altre sulidarità chì s'aghjuntanu à quelle di u primu circulu etc...Ma, "per Santa Carità", cum'ella dicìa a mo corcia zia, ùn lasciemu micca scrive ciò chì sbocca senza dubitu, nant'à e peghje citadelle, qu'elle di u pensamentu unìcu, di l'ideolugìa pura è di a chjosura mentale...Aghju dettu !

28.mandatu da Scrianzatu u 11/01/2013 07:05
Gérard ... addiu. Sì statu di i nostri ma avà a Corsica ferà senza tè. Bona stada è ventu in poppa !

29.mandatu da èunsochèditèomuliberu u 11/01/2013 08:56
j'aime bien les discours à la mors moi le noeud, o pinziglio, si po aghjustà à a to lista di l'omi di gran bè pè a corsica è a fiura chi ci vole à da di u nostru paese: A Orsoni, i meri chi lascianu custrui n'importa chè n'importa induve, Lantieri, leonetti,vincenteli... (pr di medicina chi si vergognanu d'esse corsu) C Pasqua, Nonce Paolini, Spinetta è forse chi si puderebbe lampà u ghjocu di : da u to gran omu chi salva a corsica ma da u fora...à voi...In quantu à a qualità di l'articuli di a piazzetta,è a maestria di i so scrittori aspettemu i toi cù pazienza o pinziglio chi pari propiu manighjà l'arte di a penna..giurnalistica

30.mandatu da Polpu u 11/01/2013 09:14
O Pinzigliò mi falanu e lacrime, ciò ch´è tù scrivi hè troppu bellu. S'o era una donna ti spusava.

31.mandatu da dilusu u 11/01/2013 11:30
l'articuli di a piazzetta so di menu in menu scherzosi e secondu gradu e di piu in più partitu presu . peccatu chi nanzu c'era ancu appena di finezza .. e un parlu mancu di i cumenti.

32.mandatu da henry smart u 11/01/2013 12:56
à pinziglio, l'aghju capitu. mi pare più che chjaru u so cumuntu. inquant' à eiuunsomicca.... ci vole à arresta e briachine ! beie è scrive à tempu duverebbe esse pruibitu !!

33.mandatu da Carnavà u 11/01/2013 14:05
Hà dettu un ghjornu u scrittore irlandese Jonathan Swift :
Il faut brûler tout ce qui vient d'Angleterre, sauf le charbon.
Puntu è basta !

34.mandatu da socorsunesofieru u 11/01/2013 15:09
Smart presidente!!!!!

35.mandatu da di ponte leccia u 11/01/2013 18:08
cio chi mi piace cu A Piazzetta he chi quelli chi mettenu i cummenti so ancu di piu azezi che quelli chi scrivenu l'articuli

36.mandatu da èunsochèditèomuliberu u 11/01/2013 19:18
o Smà metti a toia o allora fumati un "oinj" o allora tirati una peta...

37.mandatu da Ghjuvannu u 11/01/2013 19:48
Ancu di grazia ch'elli ci sò cristiani chì anu appena di ghjuduziu cum'è "Pinzigliò."

38.mandatu da Ghjuvannu u 11/01/2013 19:49
Ancu di grazia ch'elli ci sò cristiani chì anu appena di ghjudiziu cum'è "Pinzigliò."

39.mandatu da schiavu per sempre u 11/01/2013 20:33
omu liberu, o piuttostu bilancia fragica chì cita casate cusì à nome piattu.....

40.mandatu da èunsochèditèomuliberu u 11/01/2013 21:11
cum'è tè schjavu pè sempre, a clandestinà "ça fait bander!!!"

41.mandatu da Corsi-k u 11/01/2013 22:28
Semi guasgi tutti d'accunsentu, paró...

42.mandatu da misjacciagavignaninca u 23/01/2013 02:57
Un bé. !!!! Ci so i pueti sta sera !!!!

Di Romiti mi n'empipu ma un possu lascia passa tutt´ste mulizzerie nanta Ferrari.
U cuniscete ? NO !!!!
Eo SI !!! e statu u mio prefessore a l'università in Corti.
U n'addiu mai vistu nè intesu una intelligenzza similè.
U ghjuvanotu e gentile, umanu, accorte, simpaticu , simplicce, mica imbufattu etc etc etc!!!
Vi puete tutti aligna, linguacce puzzigose chi vo site, un ci
n'e manc ´ unu degnu d'apiccicali i scarpi.
Leghjite prima i so scritti si vo ne site capacci !!! Per un ´epochi mi stunerebe !!!
Ferrari e l'onore di à Corsica
Salute e pace à quelli chi l'anu difesu. Qui l'altri qu'elli vanni à fassi leghje !!!!

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta