Accueil
Envoyer à un ami
Version imprimable
Partager

Ùn hè più bellu senza publicità ?

In Grenoble, u merre hà decisu di falla finita cù a pulluzione visuale. Tutti i pannelli publicitarii di a so cità seranu cacciati. In Corsica, paese di l'orrori visuali, mancu ùn ci pensemu.



Grenoble hè u capilocu di u dipartimentu di l'Isère, ci si conta circa 160 000 abitanti è era gestita da u merre sucialista Michel Destot, da u 1995 à u 2014. Di dicembre scorsu, u merre novu, Eric Piolle (vicinu d'Europe Écologie les Verts), decide di a supressione di i pannelli publicitarii nant'à a so cummuna.

Da leghje : À Grenoble, les panneaux publicitaires vont disparaître a décidé le maire Éric Piolle

Hè a prima volta ch'ellu si vede un'affare cusì in Auropa. Si tratta di 330 pannelli chì appartenenu à a celebre sucetà JC Decaux, chì avia u marcatu dapoi parechji anni.

A merria dice in u so cartulare di stampa chì : «La municipalité fait le choix de libérer l’espace public grenoblois de la publicité en développant les espaces d’expression publique et ne lance pas de nouvel appel d’offre pour l’affichage publicitaire».

Certi ne sò addisperati, chì ste pubbe facianu entre 600 000 euri in e casce.

Da leghje in Sud Ouest : Panneaux publicitaires supprimés à Grenoble : "On va enfin respirer !"

In locu è piazza di i pannelli, a municipalità nova prumette à a pupulazione di piantà una cinquantina d'arburi.

Quattru mesi pè riorganizà a cità, turnà à pensà u centru vechju, falla finita cù a pulluzione visuale è turnà à impatruniscesi di u spaziu urbanu. À l'accorta, hè un ritornu à i fundamentali. In quattru mesi.

Ind'è noi, seguitemu l'idee bone : femu l'esattu cuntrariu. Si caccianu l'arburi (assai troppu numerosi ind'è noi, hè vera !) per piantà pannelli.

Bastia o Aiacciu ùn sò ancu cuncernate da e "sucettes" (sti pannelli di dui metri ch'ellu si vede nant'à i tighjati di e cità per attirà l'ochju di i pedoni o di l'automobilisti). Ancu chì i grandi gruppi publiciarii puderianu vedeci un interessu à mette in piazza sti pannelli per fà spazientà a ghjente bluccata in l'ingorghi tremendi ch'ellu ci hè in e duie cità corse...

È ind'è noi ?
Micca "sucettes" in Corsica dunque. Ma da u latu di i "4x3", ind'è noi simu servuti. Ci hè da beie è da manghjà : RN, strade dipartimentale, stradacce è strade muntagnole... ùn i pudete mancà.

Ma quale si ne rende contu oghje ? Quale si pone a dumanda di sapè ciò ch'elle serianu e nostre strade senza ste strutture metàlliche, chì supportanu sti missaghji forti chì ci dicenu ch'ellu ci vole à cunsumà sempre di più ?

È s'è no turnavamu à pensà u nostru paisaghju ?
À a dumanda nant'à l'orìgine di sta decisione, Eric Piolle cita parechje indiature, cum'è quella di riduce a piazza occupata da a publicità in u spaziu publicu :

« Cette publicité est arrivée à un moment où la ville était construite comme un vecteur de la consommation de masse (…) Nous sommes maintenant arrivés à un virage où la ville va se construire au contraire sur son identité, et son commerce de ville »

Da leghje in Les Inrocks : Pourquoi supprimer les pubs des rues ? Le maire de Grenoble répond

Ind'è noi, sia i pulitichi anu decisu d'ùn vede nunda (fora di tempi di campagna eletturale, di siguru). Sia avemu decisu noi, di manera cullettiva, di passà à cantu. Una volta di più.

A storia cuntinuveghja.

u 18 di Maghju 2015
Ficulina



1.mandatu da luntanu u 18/05/2015 16:12
vistu i scumpienti di custruzzione longu à e strade chì ùn si vede più ne a muntagna ne u mare, appena di più o di menu ....

2.mandatu da Publivoce di u populu u 18/05/2015 18:42
]url:http://https://www.youtube.com/watch?v=FVeSi0NgtiI[

3.mandatu da PDF u 18/05/2015 23:26
La situation de la Corse n'est pas comparable à celle de Grenoble :
A Grenoble, l'association Paysages de France a mené de très nombreuses actions sur ce sujet. Le nouveau maire Eric Piolle a décidé de ne pas renouveler le contrat Decaux sur l'espace public. Les panneaux implantés dans l'espace privé resteront donc en place pour l'instant. La plupart des panneaux ne sont pas en infraction.
En Corse, Paysages de France a relevé plus de 300 panneaux en infraction sur les communes au sud de Bastia depuis 2013. Ces relevés ont été adressés au préfet de Haute Corse, sans résultat (dès qu'il a connaissance d'une infraction, le préfet a l'obligation de faire cesser l'infraction dans un délai d'un mois maximum). La plupart des infractions sont des panneaux scellés au sol de 12 m2, soit hors agglomération (totalement interdits), soit dans des communes de moins de 10 000 hab (également interdits).
Comment peut-on accepter une telle situation de non-droit ?
Comment peut-on accepter que le préfet lui-même ne respecte pas la loi ?

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta