Accueil
Envoyer à un ami
Version imprimable
Partager

Ùn manghjate più a pizza incù a mozzarella !

Cusì bona a mozzarella nant'à a pizza di Bernardo, u pizzaiolu napulitanu! Si pò ancu manghjà in insalata, incù un pezzu di prisuttu, duie pumate è un pezzu di pane incù l'oliu d'alivu di Balagna. Avà chì l'avete a bavacciula in bocca, v'aghju da dì chì a mozzarella, ùn ci vole più manghjà la. Sò malate e capre taliane!



Ùn manghjate più a pizza incù a mozzarella !
I scentifichi taliani si sò avvisti chì c'eranu penseri in quantu à a quantità di diussina ind'è a mozzarella.

Allora, chì fà? Vi piacerà à voi a pizza à u brocciu? À mè, mi garba pocu... Iscia ! Eppò, d'estate, u vi manghjerete voi u brocciu frescu di e nostre muntagne... Simu cusì bravi chì u lasceremu à i nostri cumpari turisti ! Hè quessa l'ecunumia identitaria ch'è no'bramemu tutti !

In quantu à Ange Santini, ingordu ch'ellu hè di pastasciuta è sopratuttu di lasagne Findus, pare ch'ellu abbia cummandatu un pacchittone di parmigianu reggianu per accumpagnà e so cene veraninche incù i pippoli balanini.

E linguacce dicenu ancu chì per schisà i risichi di malatia, stu giovane campagnolu vulerebbe pruduce un casgiu casanu... E principesse lattaghje, l'averebbe selezziunate da per ellu, in i machjoni è i curridori bughjicosi di l'Assemblea di Corsica. Per curtesia per e nostre elette care, tenite l'acqua in bocca, ùn fate micca pulitichella, allora micca nomi !

u 22 di Marzu 2008
Sbanditu



1.mandatu da sampieru u 21/03/2008 20:39
manghji a mozzarella cù u prisuttu tù ?

à mi mi stumaga stu furmagliu ch'ùn sente veramente nunda, n'hà nisun gustu

2.mandatu da CUSCIONU u 25/03/2008 17:23
A mozzarella po essa di vacca ( veru che un sa di nudda.) o di bufala (quissa a un bon gustu di natura). In ogni casu un n'hè mica di capra. E poi un si manghja mica cu u prisutu.

3.mandatu da ci vole à minà u 25/03/2008 17:26
ah ! mi si paria anc'à mè !

aio o Sbanditu, diventi peghju ch'è Bistuca !!!


4.mandatu da Fernando u 03/04/2008 17:37
La mozzarella...

1: ùn è micca un "furmagliu"; 2: quella di bufala ghjè formidabile (gren gustu); 3: a bufala ghjè un bovinu; 4: a diussina ghjera solu nentr'à un stabilimentu in Pruvincia di Caserta; 5: a mozzarella di bufala ghjè prodotta suprattuttu in u Laziu di u suddu (Frosinone e Latina) è à Colleferro (Pruvincia di Roma); 6: s'ha da magnà sola, quella di bufala.
Bisogn'à sapelli certi affari prima di mette scumpigliu in d'e nostre ecunumie. C'è gente che vive lavorando prodotti di grande prestigio come la mozzarella di bufala.
Se a qualche còrso non piace, la lasci a noi italiani che piace tantissimo e si tenga il pesce con la majonese, le pesantissime crêpes superfarcite e il sidro al posto dell'acqua.
Buona "Francia", la mozzarella di Sezze intendo.

Ps: per i còrsi intelligenti (la maggioranza), mi scuso per il mio còrso scritto.


-Fernando- Sardegna, ITALIA.

Novu cumentu :