Accueil
Envoyer à un ami
Version imprimable
Partager

Un mondu chì và sempre megliu

Piccula cronica d'un pianeta chì ùn gira micca veramente in tondu...



Spende di più pè manghjà di menu
Puderia esse u novu slogan di Lu, Danone o Mars. Hè una inchiesta di 60 millions de consommateurs chì l'hà palisata. Parechji fabricanti di prudutti alimentarii anu calatu a quantità senza cambiane u prezzu : a scatula di Petit Prince di Lu hè passata da 330 grammi à 300, Jockey di Danone da 1 chilò à 850 grammi... Ancu peghju : d'astre marche anu cambiatu a sòsula di u pruduttu. Si mette materie prime di qualità inferiore pè rimpiazzà quella più cara.

Cunsumà di più pè frustà di più
U 23 settembre scorsu hè stata una data impurtante in l'annata, purtantu ùn vi ne site siguramente micca resi contu. D'appressu à una ONG americana hè statu u ghjornu induve l'umanità hà cunsumatu tutte ciò chì a terra pudia pruduce in un annu : si chjama u "Global Overshoot Day". Al dilà di sta data simbòlica, u nostru pianeta hè in "surrégime", fruza troppu e so risorse è minaccia u so ambiu. Tutti l'anni, sta data hè sempre più avanzata. In u 96 era di nuvembre, annu d'ottobre.

Un PDG chì avia licenziatu i so impiegati tombu in India...
In tantu, in India hè un PDG chì s'hè fattu tazzà da i so impiegati. L'omu avia messu fora 300 impiegati pocu nanzu...

Jim Cramer, quellu chì avia annunziatu a crisa... in 2007
Cuntinuveghja a crisa finanziaria è ùn si sà ciò chì accaderà in i mesi à vene. Si paga avà a tichjina di i speculatori di Wall Street, è ùn ne semu ch'è à principiu. Segnu d'un funziunamentu ch'ùn pudia più viaghjà. Serà a fine di l'ultra-liberalisimu scimulitu è u ritornu di u statu ? In tantu, fidighjate sta videò. Jim Cramer hè un giurnalistu americanu di CNBC spezialistu di a finanza. In marzu 2007, hè statu cunnisciutu per una zerga memurèvule in diretta... Ma oghje ùn si sà perchè, sta collera ci face menu ride...

u 13 d'Utrovi 2008
u webmaestru



1.mandatu da Mastres of the Universe u 13/10/2008 17:18
"Jim Cramer unu di noi"

2.mandatu da piratella u 14/10/2008 00:13

Eccu una scena impensevule nant à Fr" kEÜRSE§

Novu cumentu :