Accueil
Envoyer à un ami
Version imprimable
Partager

Un muvimentu anti turìsimu internaziunale

Una cybercampagna anti-turìsimu hè in traccia di fà u buzz nant'à u net corsu... è ancu al dilà. U muvimentu tocca a Catalogna è l'isule Baleare !



Un muvimentu anti turìsimu internaziunale
Tuttu hè partutu da u contu Twitter @corsetourisme creatu u 30 maghju scorsu.

Sott'à u parè d'un contu officiale d'una qualunque publicità turìstica corsa si piatta una cybercampagna chì hà da dà a pena in capu à tutti quelli chì pensanu u sviluppu economicu unicamente sott'à l'aspettu turìsticu.

Digià in u 2010 u Padduc disastrosu vulsutu nant'à Ange Santini è Camille de Rocca Serra avia fattu guasi l'unanimità contr'à ellu. I capizzoni ci avianu dettu chì u sviluppu di a Corsica passava pè "l'économie résidentielle", basata pè l'essenziale nant'à a cunsumazione è l'immubiliare.

Stu pianu di sviluppu ùn parlava nè di cultura, nè d'educazione, nè d'ambiu ma prividia golfs à buzeffu, custruzzioni nant'à u longu di u liturale è annelli pè i battelli in più da per tuttu induv'ellu era pussibule.

Si sà oghje chì stu mudellu hè un fiascu maiò. St'ultimi anni, a Corsica hà battutu i record di custruzzioni, messe in cantieri, d'urbaniazione... è oghje ùn ci fermanu più chè i nostri ochji per pienghje è custatà u disastru. Nant'à u pianu economicu, si cummencia à sente bè u contracolpu.

Dunque dopu à u ricusu massicciu di "l'économie résidentielle" hè "le tourisme golfique" chì l'ATC hà vulsutu vendici. L'agenza hà lanciatu a so nova campagna publicitaria è u so slogan novu : "Rendez-vous in terra nostra".

Ma nant'à u net l'affari vanu in furia dinù. U contu scherzosu Corse Tourisme hà lanciatu una campagna... appena di più suvversiva. Ghjudicate da per voi.

Un muvimentu anti turìsimu internaziunale

Ma ci vole à crede ch'ella hè longa a cumpagnia di quelli chì vedenu u turìsimu cum'è una agressione :



Nant'à Twitter corre u messagiu è vene à esse ripigliatu da... a twitosfera catalana è in particulare da u scrittore Quim Monzò chì ripiglia u messagiu di Corse Tourisme è lancia una chjama :



Tandu, capimu infine chì trà di Corsi è di Catalani ci pudimu capisce, è nasce un muvimentu di resistenza.

Di siguru nant'à i sfarenti conti corsi è catalani, sempre a listessa risposta : "u turìsimu crea assai impieghi è face campà a ghjente". Eccu a risposta di u scrittore :


U "mudellu corsu" si sporta à l'esteru è dop'à a Catalogna, eccu l'isule Baleare chì ci si mettenu :


Barcelona hà u so contu dinù :

Sin'à induve anderà a mossa ?

È dì chì a stagione ùn hè ancu principiata...

Spessu u turìsimu hè vistu da i Corsi cum'è dannificu. Pè l'ambiu (saturazione di i siti di mare o di muntagna troppu frequentati), per a bettunizazione ch'ella hà fattu nasce, pè u miragiu d'una corsa sfrenata à i soldi, per l'appititti maffiosi, pè a cultura corsa ch'ella pare museificà certe volte... Dinù per u fattu ch'ellu ùn pare micca esse ammaestratu. Quantu volte avete intesu a dumanda "quel tourisme pour la Corse" ?

A risposta, l'aspettemu sempre.


l'11 di Ghjugnu 2013
U Sgaiuffu



1.mandatu da Indria u 12/06/2013 11:10
Bravu!

2.mandatu da ghjuva u 12/06/2013 11:24
u troppu stropia a corsica un deve micca diventa e baleare e tantu peghju per quelli chi campanu di u turisimu nannu abastanza!!!!

3.mandatu da Grossu panzutu u 12/06/2013 11:30
In vece d'investisce millioni nanta u giru di Francia è altre cunnerie maio turistiche feriamu megliu di curà u castagnetu chi si more di u sinips!!!

4.mandatu da Indria u 12/06/2013 12:14
U PADDUC di Rok-Zer ùn hè passatu, ma cuntinueghja à pruduce i so effetti disastrosi.
Ci semu fatti PADDUCISÀ a mente.
Avà basta !
U turismu ùn hè tuttu.

5.mandatu da internaziunale anti turismu u 12/06/2013 12:23
Hè tandu ch'ellu si vede chi a prublematica di i paesi chi SUBISCENU u turisimu hè universale in i paesi di u Sud

qui ci diceranu "mais de quoi on va vivre" et"le tourisme fait vivre des gens"

ma à quale prufitta u turismu ??? sempre i listessi : Super U, Géant Casino, Corsica Ferries è parechji manghjoni

avemu u dirittu di rimette stu sistema in causa chi ghjè un puzzicheghju

6.mandatu da Ohimè u 12/06/2013 15:12
State in casa vostra !

7.mandatu da livia u 12/06/2013 16:50
Gloria à tè Corse tourisme !!!!!

Par chi ragioni turisti devenu stà in casa soia o andà in Croatia .....

Ragione 16 : Un caffè, in Corsica, si pò pagà 9,98 € e ancu di più
...........
Di tutte manere, C'EST COMPLET NE VENEZ PAS

8.mandatu da ghjuva u 12/06/2013 18:11
u venite micca in corsica stu paese di scemi induve e ghjente so tutti mafiosi !! andade inde stu magnificu paese chi si chjama a francia.

9.mandatu da qualé chi s'affaca qui u 12/06/2013 19:50
E fritelle di mamone qualé chi e cumprera??
ALO ALO o ghjente sé vo fatte a paura à i turisti u va piu l'affare ,avemu bisognu d'elli .
Senza u turisimu l'ecunumia corsa serebbi senza nunda ,di sicura ci vole a maestra tuttu qué di manera piu prufessiunale .
E vera dino chi i turisti so sempre azzezi .

10.mandatu da ANTO u 12/06/2013 21:21
I pumataghji so dighja giunti allora un serve a nunda di guastassi i sangui !

11.mandatu da j-f lepori u 13/06/2013 00:19
sci so spèci paese pè stu mondu a vete !


12.mandatu da gattivone u 14/06/2013 11:23
Ghjustu una quistione : Quale hè chi a cundannatu e malfatte di turisimu e e so cunsequense pe a corsica e i corsi 40 anni fà ? Risposta : So quelli chi anu oghje i "più belli" Algerghi e "restaurants" e quelli chi facenu avale u più prufittu incu "l'immobilier", vi pare nurmale st'affare ?
Oghje esse contr'à u "tuttu turisimu" ( cume tandu..) ghjé esse anti-naziunalistu ?!
A me mi pare di si......

13.mandatu da ghjuva u 14/06/2013 18:38
a to riflezione o amigu mi si pare appena simpliciotta un ci so micca che i naziunalisti chi li piecenu i soldi allora un he micca per que chi ci volle mettili tutti inde u listessu saccu ! eu so sempre naziunalistu e so cuntra a fa di u mo paese e baleare bis !!!!

14.mandatu da babbo` u 14/06/2013 19:46
In fine c'hè pocu mondu chi si lagna di a pulitica di u "tout tourisme" in corsica.
Dopu a culunisazione di populamente hanu aperte e porte a tutti i scrucconi e speculatori,e falsi naziunalisti cume veri clanisti e frusteri furtunati volenu u so pezzzu di biscottu.
D'istatine ogni corsu ha calquosa a vende,vera salamaria fatta a lu bastone ,caggiu cu latte in polvera,bandere corse made in china,culteli made in japan,ci n'hè ancu chi hanu pigliatu u mercatu per caccia e mulizze di i turisti nantu u GR 20 pagati pa U parcu regiunale,etc etc ,e cusi vanu l'affare inde noi
D'inguernu ci so i socorsi e e subvenzionze di u statu francese,e l'estate avemu trvu un altru mistieru: l'arrubecciu.
Senza parla di i piu maligni chi s'affacanu c'una pistola per piglia a cascia.

15.mandatu da u so figliolinu u 15/06/2013 13:16 (da un teleffuninu)
babbò hà ragiò
sò d''accussentu cun''ellu

16.mandatu da gattivone u 21/06/2013 11:07
Scusami o Ghjuvà, mà ghjé a to risposta chi mi pare ella quella di un simpliciotu chi un acetta a verità! Sapemu tutti e malfatte du unu di l'atri, un ci si che tù à un credeci ! Sarai dinu cieccu ? Manch'eo un vogliu di a balearizazione chi face nasce dui fenomeni periculosi : A speculazione-bettenizaione aghjustata à u scambiamentu e u rimpiazzamentu di populazione.....mà i naziunalusti oghjincu, di quessa un nè anu tantu primura.....e quelli chi facenu u Btp (btpatriotti ?) ci sputanu in face !!
A bona notte!!

Novu cumentu :