Accueil
Envoyer à un ami
Version imprimable
Partager

Ùn si ghjucherà micca u 5 di maghju 2012... ma forse di sì in 2013

Vittoria ! Hè cascatu u cummunicatu di a FFF è di a LFP : ùn si ghjucherà micca à u futbol u ghjornu di i 20 anni di a catastrofa di Furiani. Ma vale solu pè u 2012.



E 38.000 firme di a petizione pè u rispettu di u 5 di maghju ùn anu micca ghjuvatu à nunda. Noël Le Graet (presidente di a FFF) è u mustacciutu u più antipaticu di u mondu, Frédéric Thiriez (presidente di a LFP) anu fattu un cummunicatu cummunu (nant'à u situ di a LFP ), induve s'ampara chì :

La Fédération Française de Football et la Ligue de Football Professionnel ont décidé ce vendredi d’un commun accord qu’aucune rencontre comptant pour une compétition professionnelle ou amateur ne se jouera ce 5 mai 2012 sur l’ensemble du territoire, en mémoire des victimes du drame de Furiani qui a eu lieu il y a 20 ans, le 5 mai 1992.

Hè dunque una vittoria tremenda pè u cullettivu di e vittime di a catastrofa. Ma u cummunicatu hè chjaru : si parla solu di u 5 maghju 2012, è micca d'una decizione definitiva.

L'ogettivu iniziale hè di mette in piazza una ghjurnata di cummemurazione, tutti l'anni, nant'à u mudellu inglese. È quessa, ùn ci semu ancu.

U 5 di maghju 2013 casca in dumenica. Si ghjucherà ?

Venari 27 Ghjenaghju 2012
U Webmaestru



1.mandatu da u miumese u 2012-01-28 10:14
Pè una volta...

2.mandatu da ANTO u 2012-01-28 16:35
hè sempre quessa !Pè l'avvène Diu a fattu e po fera !
http://www.blog-anto.be

3.mandatu da circinelludiguagnenativupeliguagnesusosanguavirsatu u 2012-01-31 10:17
ma parchì, sangu 'lla madonna, dumandà à i francesi di ùn ghjucà micca 'ssu ghjornu quì ???
un populu di u nordu di l'Auropa vo' puntà un ballò ind'un pratu cù 22 ghjovani effebi in short è scarpifini chì corrini appressu lintendu picculi mughji, è noi li vulemi impidiscia d'amusassi ?!
ùn capiscu micca: ùn semi micca francesi, tandu parchì dumandà à quissi di fà a greva di u ballò ?

4.mandatu da Talavesu u 2012-02-01 03:00
Le graet e u mustaciutu so duie pezzi di merda!
Un si ghjoca micca stu ghjornu,per sempre e po basta bastardi.......

5.mandatu da petru u grassu u 2012-02-02 08:16
Anu fattu què perchè stu 5 di maghju sera u 20e anniversariu di a catastrofa. Tutti l'anni, ci volerà a fà a listessa petizione.....

Novu cumentu :
B i u QUOTE URL

Scumpienti

U top 50 di i nomi struppiati

Facenu 200 anni ch'elli sò struppiati i nomi di lochi corsi. Paesi, muntagne, paisoli è cità, u sterminiu hè generalizatu.

U top 50 di i nomi struppiati
À i cani i nomi di lochi corsi ! L'antica memoria di i nomi si sfassa per lascià a piazza à nomi struppiati è plasticati.

Eccu u Top 50 di i scumpienti di a tupunimia corsa...


Leghje a seguita
A Piazzetta nant'à Facebook

Site più di 10.000 à avè l'applicazione per iPhone

Site più di 10.000 à avè l'applicazione per iPhone
Eccu, sò più di 10.000 caricamenti nant'à l'AppStore !

A Piazzetta era digià nant'à l'iPhone, avà ghjunghje nant'à Android

Hè a prima applicazione d'un media corsu.

Sò state sviluppate da una intrapresa corsa, DuoApps !

Ricircà nant'à A Piazzetta
Ricerca avanzata
Inscription à la newsletter